HLAZY 130:5 - Mara Bible RV (BSI)

⁵ Abeipa cha hâ na ta, Ei thlahpa ta hâ thlâh ha ta, A bie liata hnabeiseihna ei hnei.

HLAZY 130:5 Cross References

ÂTHAONA 49:18

“Hy Abeipa, na pachhana ei hâ thlâh haw!

HLAZY 119:114

Nâ cha ei nyuna su nata ei vyhphao châ chi ta, Na bie liata ei hnabei a seih tyh.

HLAZY 119:42

Na bie ei ngâpa vâta, Nâ pasipasawhtuhpazy a chhy nawpa ei hnei aw.

HLAZY 119:49

Na bie liata hnabeiseihna na pahneisa ha tlôh chi ta, Châ chakaotuhpa hnohta na bie kha a thei mah y.

HLAZY 119:74

Na bie liata hnabeiseihna ei hneipa vâta, Nâma châ chituhpazy ta na hmô aw ei ta amâ ly aw.

HLAZY 119:81

Ei thlahpa ta na pachhana vâ ta, Na bie liata ei hnabeiseihna a y.

HLAZY 27:14

Abeipa cha hâ la, Thatlôpa ta y mah y! Abeipa cha hâ la, Riahphapa ta y mah y!

HLAZY 33:20

Eima hro ta Abeipa cha hâ ta, Ano cha miah baotuhpa nata eima vyhphao a châ.

HLAZY 40:1

Abeipa cha hâ hualua na ta, Kei lâta a nah pachôh ta ei awna a thei.

HLAZY 62:1

Ei hro he Khazohpa lia dei ta apahâna hmô ta, Ano tawhta ei pachhana a vaw tlô.

HLAZY 62:5

Ei hro ta Khazohpa deita hâ ta, Ano tawhta ei hnabeiseihna a vaw tlô.

ISAI 26:8

Hy Abeipa, na lâpi dopa liata cha hâ pi ta, Na moh nata na mohphana zy he, Eima hro ta a tlaichhaipazy cha a châ.

ISAI 30:18

Chatahrasala Abeipa cha, Cha ngiachhie awpa ei ta cha hâ thlâh ha ei ta; Nama chô liata zawngiahna palâsa awpa ta, Anosasyh ta â cheihchalo aw. Abeipa cha adona Khazohpa châ ta, Ano a hâtuhpazy cha vânoh ama to aw.

ISAI 8:17

Chavâta Zakaw pathlazy tawhta a hmia a nyu hapa Abeipa cha hâ aw na ta, ei mokhâh aw.

LUKA 2:25

Cha daihti liata, chyhsa pakha, a moh Simeôna ama tahpa Zerusale liata y ta. Ano cha chyhsa siapa nata Khazohpa a chipa châ ta, Izarei thlapalôh nawpa daihti a hâpa, Thlahpa Pathaihpa a hneipa chyhsa a châ.

LUKA 2:38

Cha daihti lia tlai ta, Anâ cha a vy ta, Khazohpa lâ alyna bie reih ta, Zerusale chatlaina a hâtuhpa zydua hnohta Zisu thâtih cha chho ta.

HEBRAI 6:18

Chatanachata hmo anano beih leipa miano vâta, haipa bie rei awpa cha Khazohpa châta hmo thei leipa châ ta, a boh awpa ta ano lâ a râpazy pi heta eima hmiakô liata hnabeiseihna sopa cha thlalôhpa ta eima hnei thei aw.