HLAZY 128:2 - Mara Bible RV (BSI)

² Na ku hriapasana thei niepa ta, Vânoh topa ta y aw chi ta, Na châta a pha aw.

HLAZY 128:2 Cross References

ÂTHAONA 3:19

Chhaohlei ta taopa châ chi ta, Chhaohlei lâ na kua heih hlâlei cha, Na hmia mathlai lohpa ta nie nâ hmô aw. Dohlei châ chi ta, Dohlei lâ na kua heih aw,” tah ta.

HLAZY 1:3

Vahtie kiah liata tho lopa, A daihtita ta a pathei tyhpa, A hna chhao a uah beih leipa hawhta a châ. A hmotaopa zydua liata thlao â chhi tyh.

HLAZY 109:11

Dyu a pacheisatuhpa ta a hneipa zydua lapa khai sala, Khichhaipazy ta a hriapasana theizy hrao mawh ei sy!

BIECHHOTUHPA 8:12

Chyhsa moleipa cha ei za kha a molei hapa chhao ta, hroh thlâh ha chy hra sala, Khazohpa a chituhpazy ta Khazohpa ama chipa cha a pha pyly tahpa ei pahno.

ISAI 3:10

Mosiapazy cha ama châta a pha aw tahpa chho mah y, Ama hmotaopa theilâpa ama nie aw.

ISAI 62:8

Abeipa ta a ku chachâh lâta bie a taih ha ta, A bâh thatlôpa ta hetana heta bie â taih haw: “Na sâh cha na chariahpazy nie awpa ta Pie khao leipa aw na ta, Na hriapasana kresawhti cha, Chihropazy ta doh khao aw veih ei.

ISAI 65:13

Chavâta Abeipa Zehôvâh ta hetana heta a tah: “Pachâ teh u, nâ chakaotuhpazy cha nie aw ei ta, Nâmo deikua cha nodipa ta nama y aw; Nâ chakaotuhpazy cha doh aw ei ta, Nâmo deikua cha dâhphipa ta nama y aw; Nâ chakaotuhpazy cha a ly aw ei ta, Nâmo deikua cha nozapa ta nama y aw;

ZEREMIAH 22:15

Sidy tho ta nâ zaoh nâ tiahpa vâta, Abei via pachaipa hawhta ma nâ pachâ? Na paw kha niepa ta doh ta, Adona nata siana ta ryu a reih tyh. Cha cha ano châta phana a châ.

1 KAWRINI 15:58

Chavâta unawh kho ngaitapazy saih u, â ipa ta a duah u la, papie thei lei awpa ta a pachyu teh u. Nama hriapasana cha Abeipa liata hraoleipa châ vei tahpa pahnopa ta, Abeipa raihria cha phahnai ngiah ngaitapa ta hria lymâ teh u.

EPHESI 6:3

na châta pha aw ta, alei liana heta na hro a pareih aw,” tahpa he bietai byhnâ a hneipa biepiepa hmiatuachaipa a châ.

RYHPACHANEINA 28:11

Châ pathlatuhpazy hnohta pie awpa ta Abeipa ta bie â vaw taihpa râh liata Abeipa ta byhnâ hluhpi a cha pie aw ei. Nama sawteih nawhteih pha aw ta, nama sahrohzy pôh aw ta, nama chhaohlei a pathei aw.

RYHPACHANEINA 28:39

Kre sadô tao aw chi ta, mohôh aw chi ta, châhrasala châkariepa ta nie khai aw ta, a kresawhti doh aw veih ei chi. Kre thei chhao lyu aw veih ei chi.

RYHPACHANEINA 28:4

“Nama chhi theizy, nama chhaohlei theizy, nama sahrohzy, nama viahchaotaw nata nama mietakutawzy byhnâ topa ta y aw ei ta, ama pôh aw.

RYHPACHANEINA 28:51

Cha phopi chata nama sahroh zaw nata nama chhaohlei patheipazy nie khai aw ta, tlokhuh a cha pahleipadia khaina taih ei ta nama sâh, nama kresawhti, nama sathaw, nama viahchao hri nata mietaku zaw zy ama nie khai aw. Nama châta khâpa hmah pahlôh aw vei.

RYHPACHANEINA 28:8

“Abeipa ta nama sawvâzy chô liata byhnâ patlôsa aw ta, nama ku raihria zydua byhnâ a pie aw. Abeipa nama Khazohpa ta râh a cha piepa ei liata byhnâ a cha pie aw ei.