HLAZY 126:2 - Mara Bible RV (BSI)

² Cha nota eima pakah cha pahneina ta biepa ta, Eima paleih thaphapa ta awh ta, Phopizy ta, “Abeipa ta hmo rônahpa a taopa ei,” ama tah.

HLAZY 126:2 Cross References

EZRÂ 3:11

Abeipa liata amâ lyna nata ano reithaina cha, “Abeipa cha pha ta, A zawngiahna cha, Izarei chô liata chhâzaw ta a y,” tahpa ta hla ta amâ chhy palie. Abeipa o lôbô ama bô hapa vâta, zawpi zydua ta ao paro ngaitapa ta awh ei ta, Abeipa ama reithai.

NEHEMIAH 6:16

Thokhy palohna thâtih cha eima chariahpazy ta ama thei nahta, eima Khazohpa baona ta palohpa a châzie ama pahnopa vâta, eima chheipâh phopi zydua cha chi ngaita ei ta, âmosasyh angâna chhao a tlapahnai khai haw.

ZAWBÂ 8:21

Na pakah cha pahneina ta pabie heih aw ta, Na hmao cha thaphapa ta awhna ta a pabie heih aw.

HLAZY 14:7

Hy, Zaio tawhta Izarei pachhana vaw pua bâ sala ei tah kaw dia! Abeipa ta a phopi vânoh a patosa heih tita, Zakaw a ly sala, Izarei thaphapa ta y mawh sy.

HLAZY 51:14

Hy Khazohpa, ei pachhana Kha­zohpa y, Thisaih maoh tawhta na pachha mah y; Chatanachata ei paleih ta a paropa ta na siana hla a sa aw.

HLAZY 53:6

Izarei pachhana cha, Zaio tawhta vaw pua sala ei tah kaw dia! Khazohpa ta a phopi vânoh a patosa heih tita, Zakaw cha a ly sala, Izarei cha thaphapa ta y mawh sy!

HLAZY 71:19

Hy Khazohpa, na siana nata na hmo­taotheina ta avâ sâhpazy kaw daih ta, Nâ cha hmo rônahpazy a taotuhpa na châ; Hy Khazohpa, nâ hawhpa he ahy ma a y?

ISAI 35:10

Abeipa chatlaipazy cha kua heih aw ei ta, Hla sana chôta Zaio ama pangai aw. Chhâzaw alyna ama luh chô liata y aw ta, Thaphana nata alyna hmô aw ei ta, Pachârôhna nata ahrôna y khao aw vei.

ISAI 51:11

Abeipa chatlaipazy cha kua heih aw ei ta, Hla sana chôta Zaio ama pangai aw. Chhâzaw alyna ama luh chô liata y aw ta, Thaphana nata alyna hmô aw ei ta, Pachârôhna nata ahrôna y khao aw vei.

ZEREMIAH 31:7

Abeipa ta hetana heta a tah: “Zakaw châta thaphapa ta hla sa u la, Phopi rônah chaipa châta thata awh teh u; Tlâh awhpa ta reithai u la, ‘Hy Abeipa na phopi he pachha la, Izarei laibâhpa he pachha mah y,’ tah teh u.

ZEREMIAH 33:11

Alyna nata thaphana aozy thei heihpa châ aw ta, myuhneituhpa nata myuh aozy chhao thei heihpa châ aw ta, Abeipa o lâta alyna biereina hmohlâpa a vaw cheihpazy ao chhao thei heihpa châ aw ta, “‘Pheisaihzy Abeipa hnohta alyna bie reih teh u, Abeipa cha pha ta, A kyhpachâna tlyzaw ta a ypa a châ!’ ama tah aw. Hmiatuapa daihti hawhna khata, râh cha vânoh ei patosa heih aw,” Abeipa ta a tah.

EZEKIA 36:36

Nama chheipâh ta phopi a ypazy ta Abeipa ei châ tahpa pahno aw ei ta, su raopazy a paduapathituhpa nata roryhrapa ta a y hapa râh liata thozy a loh heihpa ei châ tahpa ama pahno aw. Kei Abeipa ta reih ha na ta, ei tao aw.

MALUHREINA 23:23

Dyuthaina ta Zakaw tiah leipa aw ta, Pachaona ta Izarei hria thei aw vei; Zakaw nata Izarei thâtih rei tita, Khazohpa hmotaopa kyh reih tyhpa a châ aw.

RAWMA 11:15

Âmo dythana hmahta khizaw aryhna a châ khiahta cha, âmo apyhna chhochhi cha, thina tawhta hrona leipa ta cha, khâpa a châ aw?