HLAZY 119:9 - Mara Bible RV (BSI)

⁹ Thyutliapa ta kheihta a hro a pathaihsa thei aw? Na bie hawhta a hro a vaih khiahta cha, A hro a pathaihsa thei aw.

HLAZY 119:9 Cross References

2 THÂTIHZYRONA 6:16

Chavâta Hy Abeipa, Izarei Khazohpa y, châ chakaotuhpa ei paw Dâvi hnohta, ‘Na pathlazy ta ama lâpizy pakhâta ta pachâ ei sala, nâ ta ei lâpi nâ chhihpa hawhna heta, âmo chhao ta ei ryhpa ama zyh lymâ khiahta cha, Izarei beidyuchhai liata ei hmiakô lia a tyuh awpa chyhsa na pathlazy tawhta chie aw veih ei’, tahpa ta bie nâ vaw taihpa kha patlô mah y.

ZAWBÂ 1:5

Ama kyhchhina nohzy a pai nahta, Zawbâ cha a sawzy lâta chyhsa tuah ta, a pathaisa awpa ta a chho tyh ei. Ano chhao ta, “Ei sawzy ta moleina hmo taopa ta, ama palôh ta Khazohpa chô liata chhie ama vaw sa tlamaw thei,” tah ta, mydi kari ta thyu ta, a sawzy maluh kipa ta raopa hlânazy a hlâpa tyh ei. Cha hawhna chata Zawbâ cha tao tyh ta.

ZAWBÂ 13:26

Ruchhôna biezy na ro thlu chi ta, Ei thyutlia moleina ryu eina patosa chi.

HLAZY 119:11

Na bie ei palôh liata a vao na ta, Chavâta na chô liata molei khao aw va na.

HLAZY 17:4

Chyhsapa hmotaopazy kyh liata, Na hmao tawhta bie vâta, Thachahra hmâna lâpizy ei khôkhâh haw.

HLAZY 25:7

Ei thyutlia nota moleina nata paraonazy a thei leipa la, Na ngâchhihna vâta nâ thei la, Hy Abeipa, na phana vâta nâ thei mah y!

HLAZY 34:11

Sawzy saih u, a vy u la, na nathlie teh u, Abeipa china kyh ei cha pachu aw ei.

BIESOZY 1:10

Ei sawchapawpa y, moleipazy ta ama cha reipasao khiahta cha, A pyh khah y.

BIESOZY 1:4

Sona a phahlapazy hnohta sona pie awpa ta, Thyutliapazy hnohta pahnona nata hmia nata hnôh sai thaina pie awpa ta;

BIESOZY 2:11

Pahnona ta cha mokhâh aw ta, Novâhna ta a cha vaih aw.

BIESOZY 4:1

Ei sawchapawzy saih u, paw pachuna bie thei u la, Novâhna nama hnei thei nawpa ta nathlie teh u.

BIESOZY 7:7

Hmo a pahno thai leipa satlia pakha tlai cha, Sona a phahlapazy hry liata hmô na ta, Thyutliapazy hry liata a hmia ei siah.

BIECHHOTUHPA 11:9

Hy satlia, na thyutliana liata a ly mah y. Na palôh ta na thyutlia daihti liata cha palysa mawh sy. Na palôh khopa zi la, mo pha na tahpa zi mah y. Anodeikua cha cha zydua vâna chata Khazohpa ta a cha pachia aw tahpa pahno mah y.

LUKA 15:13

Bohpi leipa liata, a sawchapaw seihnaipa cha a tovyuh zydua pakhy ta, râh hlapi lâ sie ta. Cha liata phasa ngaitapa ta y ta, a sôh cha pahryuh thlâhthli ta.

ZAWHÂNA 15:3

Nama hnohta ei bie reipa vâta, tahmâ chhao nama pathaih haw.

RYHPACHANEINA 17:18

“A khinarâh beidyuchhai liata â tyu tita, Livai chi theihthaipazy a vaopa ryhpa cha, châbu liata â ro awpa a châ.

2 TIMAWTHY 2:22

Thyutlia aohraohnazy a râsai la, palôh pathaihpa ta Abeipa padotuhpazy hry liata a hlaopa ta, siana, ngiapâna, kyhpachâna nata thlalôhna zy a chadai lymâ mah y.

ZAWSUA 1:7

Thatlôpa nata riahpha ngaitapa ta y la, nâ chakaotuhpa Mawsi ta tao awpa bie a cha piepa ryhpa zydua pakhâta ta zyh la, tao mah y. Na siena lia maihta thlaochhipa ta na y thei nawpa ta, ryhpa bie he na chachâh lâ tlyma, na chavei lâ tlyma tleisai cheita khah y.