HLAZY 119:87 - Mara Bible RV (BSI)

⁸⁷ Alei tawhna heta na pahleipadia daihmâ ei ta, Châhrasala na pachuna biezy a heihsai beih va na.

HLAZY 119:87 Cross References

2 SAMUELA 17:16

Chavâta a chatliepa ta chyhsa tuah u la, ‘Tazâ cha râhchawhpa chavah kiahzy liata a rie khao leipa u la, khâpa rai châ sala chavah chaka ha teh u, chataleipatala abei nata a hnohta a ypa zydua kha ama palâ khai pathlei aw,’ tahpa ta Dâvi kei pachhosa teh u,” tah ta.

HLAZY 119:51

Apalaipazy ta thata na pahneisao ei ta, Châhrasala na ryhpa tleisai va na.

HLAZY 119:61

Hmoparaopazy chaori ta na chazei hra sala, Na ryhpa bie my beih va na.

ISAI 58:2

Hmo dopa a taopa râh hawhta â hmô ei ta, Ama Khazohpa ryureina a heihsai leipa hawhta amâ pachâ; Noh chareih na tlua ei ta, Ei lâpizy a pahno khohpa amâ palyusa. Pachiana dopa na hiah ei ta, Khazohpa a hnia awpa a a tlaichhai kawpa ama lyu.

MATHAI 10:28

Pôhpa thie thei ta, thlahpa a thie thei leipazy chi leipa u la, hrienasu liata pôhpa nata thlahpa a pahleipadia theipa cha tlao chi teh u.

1 SAMUELA 20:3

Dâvi ta bie a taih heih ta, Zawnathâ hnohta, “Eina ngiachhiezie chi he na paw ta pahnopasia ta, chavâta, ‘He hmo he la Zawnathâ ta pahno khah sy, chataleipatala a pachâ a rôh kaw aw na,’ a tahpa vâta a châ aw. Abeipa hrona nata nâma hrona reipa ta ei reih, hmeiseihta ta la, keima nata thina likawh he keih kha deita â hla bâ,” tah ta.

1 SAMUELA 26:24

Pachâ teh, tanoh ei mohmô liata na hrona ei pasôpa hawhna heta, keima hrona chhao Abeipa mohmô ta pasôpa ta y sala, nôpona zydua tawh­ta na pachha mawh sy,” tah ta.

1 SAMUELA 26:9

Châhrasala Dâvi ta Abisai hnohta, “Pahleipadia khah y, Abeipa sathawthupa chô liata ku pathla ta, thai a châpa ahy ma a y beih?” tah ta.