HLAZY 119:81 - Mara Bible RV (BSI)

⁸¹ Ei thlahpa ta na pachhana vâ ta, Na bie liata ei hnabeiseihna a y.

HLAZY 119:81 Cross References

ZAWBÂ 19:27

Kei châta moh aw na ta, Keima mo tlai ta hmô aw ta, Mohropa mo ta hmô aw vei. Ei palôh tha deikua a zei ngaita.

HLAZY 119:114

Nâ cha ei nyuna su nata ei vyhphao châ chi ta, Na bie liata ei hnabei a seih tyh.

HLAZY 119:20

Na pachiana dopazy ngiabâhpa ta, Ei thlahpa ta khâ a cha vâ tyh.

HLAZY 119:40

Na pachunazy ei vâ ngaita; Na siana vâta na pahro heih mah y!

HLAZY 119:41

Hy Abeipa, na kyhpachâna tleih beih leipa cha kei lâ a vy sala, Na pachhana cha na bietai hawhta kei lâ a vy mawh sy!

HLAZY 119:42

Na bie ei ngâpa vâta, Nâ pasipasawhtuhpazy a chhy nawpa ei hnei aw.

HLAZY 119:43

Ei hnabeiseihna cha na ryhpa liata y ta, Chavâta biedopa ei pakah tawhta la pathlah khah y.

HLAZY 119:74

Na bie liata hnabeiseihna ei hneipa vâta, Nâma châ chituhpazy ta na hmô aw ei ta amâ ly aw.

HLAZY 119:77

Na ryhpa cha ei lyna châ tlôh ta, Ei hro thei nawpa ta, Na zawngiahna cha kei lâ a vy mawh sy.

HLAZY 130:5

Abeipa cha hâ na ta, Ei thlahpa ta hâ thlâh ha ta, A bie liata hnabeiseihna ei hnei.

HLAZY 73:26

Ei sapa nata ei palôh he a tleih thei, Châhrasala Khazohpa cha ei palôh thatlôna châ ta, Tlyzaw châta ei tovyuh a châ.

HLAZY 84:2

Ei hro ta Abeipa dôhpachhôh tlyhmiazy vâ ngaita ta, A panao khai haw; Ei palôh nata ei sapa zy ta, Kha­zohpa hrohpa lâ alyna hla ama sa.

HLAZY HLA 5:8

Hy Zerusale zuahzy saih u, Bie ei cha pataihsa ei; Ei lôhdupaw kha nama hmô khiahta cha, Vâiana vâta na a pasa tahpa na vaw chhopa muh vy.