HLAZY 119:73 - Mara Bible RV (BSI)

⁷³ Na ku ta na tao chi ta, Eina padua chi; Na biepiepazy ei chu thei nawpa ta, Novâhna na pie mah y.

HLAZY 119:73 Cross References

1 THÂTIHZYRONA 22:12

Abeipa ta Izarei chô liata biehneina a cha pie tita, Abeipa na Khazohpa ryhpa na zyh thei nawpa ta, Abeipa ta sona nata novâhna cha pie mawh sy.

2 THÂTIHZYRONA 2:12

Hirâ ta reih lymâ ta, “Avâ nata alei a taotuhpa Izarei Khazohpa Zehôvâh cha reithaipa ta y sala, Zehôvâh Achhyna o nata abei o sa awpa ta patohpatia thaina nata novâhna a hneipa sawchapaw so ngaitapa Dâvi hnohta a pietuhpa cha reithaipa ta y mawh sy.

ZAWBÂ 31:15

Chhi chhôh liata keima nâ taotuhpa ta ano chhao tao hra vei ma? Chhi chhôh liata miah a palaiseihsa raihriepa cha pakha châ vei ma?

ZAWBÂ 32:8

Châhrasala chyhsa liata thlahpa a ypa, Atotaotheipa hu ta, Ano cha pahnona a pahneisapa tlao a châ.

HLAZY 100:3

Abeipa cha pahno teh u; Ano cha Khazohpa châ ta, Miah taotuhpa a châ; Keimo he a chyhsazy châ pi ta, A sibiepa su liata mietakuzy eima châ.

HLAZY 111:10

Abeipa china cha sona athaona châ ta, Abeipa a chituhpa zydua ta novâhna ama hnei. Abeipa cha tlyzaw ta reithaipa ta y mawh sy!

HLAZY 119:125

Châ chakaotuhpa châ na ta, Na bieraopazy ei pahno thei nawpa ta, Novâhna na pie mah y!

HLAZY 119:144

Na bieraopazy cha chhâzaw ta a do ta, Ei hro thei nawpa ta, Novâhna na pie mah y.

HLAZY 119:169

Hy Abeipa, ei awna he na kô vaw tlô sala, Na bie hawhta novâhna na pie mah y!

HLAZY 119:34

Novâhna na pie mah y; Chatanachata na ryhpa zyh aw na ta, Ei palôh tlokhuh ta ei zyh aw.

HLAZY 138:8

Abeipa ta ei châta â chhuahpa cha a patlô aw; Hy Abeipa, na kyhpachâna cha tlyzaw châta châ ta, Nâma ku tlai ta na taopazy he a heihsai khah y.

HLAZY 95:6

A vy u la, a chhypa ta a bôh sih la, Abeipa miah Taotuhpa hmiakô liata pakhu paneih ei suh u!

2 TIMAWTHY 2:7

Ei biereipa he pachâ la, Abeipa ta kyh to liata novâhna a cha pie aw.

ZÂMIE 3:18

Siana thei cha adyryhna taotuhpazy ta adyryhna liata chi ama tupa patheipa a châ.

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.