HLAZY 119:53 - Mara Bible RV (BSI)

⁵³ Na ryhpa a heihsaituhpa moleipazy vâta, Ei hie thata a hâh tyh.

HLAZY 119:53 Cross References

EZRÂ 10:6

Ezrâ cha Khazohpa o hmiakô tawhta a pasie ta, Eliasi sawcha­pawpa Zôhanâ chhôhpadâhpa liata a ngia ta. Seichâna tawhta a vaw kuapazy ngâchhih leina kyh liata mâchhie a sapa vâta, viahchhâ nie leipa nata ti chhao do leipa ta, cha liata azozâkhihdei y ta.

EZRÂ 9:14

Na biepiepazy parao heihpa ta, hmo pasichhihpa a taopa, he phopizy nata eimâ hnei pahlao lymâ aw ma? Cha hawhta eima tao khiahta cha, eima chô liata thata na hiehâhpa ta, laibâhpa nata ahrohpazy y khao leina taihta miah na pahleipadia khai dâhdei ha aw cha zaw!

EZRÂ 9:3

Cha thâtih cha ei theipa nahta, ei viahkao nata ei poh hrie nata, ei sâ nata ei kâhhmi phia na ta, a pachâna pahno leipa ta a tyuh na ta.

NEHEMIAH 13:25

Âmo cha ra ei na ta, chhiesapa ei na ta, thokhazy cha tu ei na ta, ama sâzy phia na ta. Khazohpa moh ta bie pataihsa ei na ta, ama hnohta, “Nama sawchanôzy cha ama sawchapawzy nama pie awpa châ leipa ta, nama sawchapawzy châta tlyma, nâmo châta tlyma, ama sawchanôzy nama hnei awpa châ vei.

NEHEMIAH 5:6

Cha biezy nata ama paphôhna aozy ei thei nahta, ei hiehâh ngaita ta.

HLAZY 119:136

Na ryhpa bie ama zyh leipa vâta, Ei mozy tawhta mothlih chavah a loh tyh.

HLAZY 119:158

Ngiapâleipazy moh ei na ta, Na biepiepazy ama zyh leipa vâta, Ei pasi kaw ei.

HLAZY 89:30

A sawzy ta ei ryhpa siesai ei sala, Ei bie pachiapazy a chhih leipa ta,

ZEREMIAH 13:17

Nama nathlie vei khiahta deikua cha, Namâ palaina vâta arulâta cha aw na ta; Ei mothlih thata loh aw ta, Ei cha ngâ thlâh ha aw; Abeipa mietaku zaw cha, Seichâna lâ a chhipa ama châpa vâta.

DÂNIAH 4:19

Dâniah, Beltesâza ama tahpa cha, buakha chhôh chihuhpa ta vaw y ta, a pachâpazy ta patypamâ ta. Abei ta a chhy ta, a hnohta, “Beltesâza y, mâsapa tlyma, a chhopasiana tlyma ta cha patypamâ khah se,” tah ta. Beltesâza ta a chhy ta, a hnohta, “Ei zibeipa, na mâsapa he châ haotuhpazy châta châ sala, a chhopasiana he na chariahpazy châta châ mawh sy!

HABAKU 3:16

Ei thei nahta ei châh-ao a chalyu ta, A pyu ta ei hmao a chathosa; Ei ruzy hmy ta, Ei pheizy â chalyu. Chatahrasala miah a siehnaopa phopi chô liata Nôpona noh a vaw tlô awpa cha ei hâ hualua. Hla chhituhpa châta: Pyungiapa ri chhaopa ta sa awpa

2 KAWRINI 12:21

Ei vy heih tita, ei Khazohpa ta nama hmiakô liata na panawh aw ta, pualeina, apatlana nata parâna moleinazy liata a vaw tlaih tyhpazy ama ro leipa vâta, ei palôh thata a pasa heih aw tahpa ei ngiaroh ngaita.

PHILIPI 3:18

Chyhsa hluhpi cha Krista kraws khakhaipazy ama châ tahpa ei cha chho tyhpa ei kha, tahmâ chhao mothlih chhaota ei cha chho heih ei.