HLAZY 119:4 - Mara Bible RV (BSI)

⁴ Na pachuna biezy papua chi ta, A phapa ta zyh awpa ta bie na pie.

HLAZY 119:4 Cross References

EZRÂ 7:21

“Kei Bei Âtazezia tlai ta Chavah Haosâ râh liata sôh avaotuhpa zydua hnohta biepiepa ei papua: Avâ Khazohpa Ryhpa rohtuhpa theihthaipa Ezrâ ta a châ hnawpa maih ei cha, phahnai khoh ngaitapa ta nama taopa lymâ aw.

PUASAINA 7:6

Mawsi nata Arawna ta cha hawhna cha ta tao ei ta, Abeipa ta âmo bie a piepa hawh tlai ta tao ei ta.

ZEREMIAH 7:23

‘Ei ao nathlie u la, nama Khazohpa châ aw na ta, ei phopi nama châ aw. Bie ei cha piepa zydua zyh u la, nama châta a pha aw,’ tahpa ta bie tlao ei pie ei.

EZEKIA 20:19

Kei he Abeipa nama Khazohpa châ na ta, ei bieraopazy a chhih u la, ei ryhpazy a phapa ta zyh muh vy.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

ZAWHÂNA 14:15

“Kyh eina pachâ khiah ei chi ta cha, ei biepiepazy nama zyh aw.

ZAWHÂNA 14:21

Ahy rai ei biepiepazy hnei ta, a zyhpa cha, ano cha kyh nâ pachâtuhpa a châ. Ahy rai kyh nâ pachâpa cha ei Paw ta a kyh a pachâ aw. Kei chhao ano kyhpachâ aw na ta, a hnohta ei luah aw,” tah ta.

RYHPACHANEINA 11:13

“Chavâta ei biepiepa, tanoh ta ei cha piepazy he ngâchhihpa ta zyh u la, Abeipa nama Khazohpa cha nama pathipalôh tlokhuh ta nata nama thlahpa tlokhuh ta kyhpachâpa ta nama chakao khiahta cha,

RYHPACHANEINA 11:22

Biepiepa ei cha piepa zydua ei he pakhâta ta zyh u la, Abeipa nama Khazohpa cha kyhpachâ u la, a lâpizy a chhihpa ta, ano khâchâ namâ patu khiahta cha,

RYHPACHANEINA 12:32

Bie ei cha piepa zydua ei he pakhâta ta nama tao awpa a châ. Nama baichha awpa châ leipa ta, nama thy bâ awpa châ hra vei.

RYHPACHANEINA 30:16

Abeipa nama Khazohpa kyhpachâ awpa ta, tanoh ta bie ei cha piepa he zyh u la, a lâpizy a chhihpa ta, a biepiepazy, a bieraopazy nata a pachianazy nama zyh khiahta cha, hroh aw chi ta, pôh aw chi ta, hnei awpa ta nama pangaipa râh liata Abeipa nama Khazohpa ta byhnâ a cha pie aw ei.

RYHPACHANEINA 4:1

“Chavâta, Hy Izarei, bieraopa nata pachiana ei cha pachupazy ei he nathliepa ta, nama hroh thei nawpa ta zyh u la, Abeipa, châ pathlatuhpazy Khazohpa ta râh a cha piepa lâ sie u la, kei pahrâ teh u.

RYHPACHANEINA 4:9

“Chavâta a sohsi u la, nama hro pakhâta ta a vao muh vy. Chataleipatala nama mo ta hmo a hmôpazy kha my aw ei chi ta, nama hro chhôh zydua ta nama palôh tawhta a lei pathlei aw. Chazy cha nama sawzy nata nama samohzy pachu tyh muh vy.

RYHPACHANEINA 6:17

Abeipa nama Khazohpa ta nama hnohta a cha piepa biepiepazy, a biepahnosapazy nata a bieraopazy pakhâta ta nama zyh awpa a châ.

RYHPACHANEINA 6:3

Chavâta Hy Izarei, nathlie la, pakhâta ta zyh mah y. Chatanachata Abeipa, châ pathlatuhpazy Khazohpa ta bie a châ taihpa sâhpiti nata kheihti lona râh liata thlaochhipa ta y aw ei chi ta, thata nama pôh aw.

ZAWSUA 1:7

Thatlôpa nata riahpha ngaitapa ta y la, nâ chakaotuhpa Mawsi ta tao awpa bie a cha piepa ryhpa zydua pakhâta ta zyh la, tao mah y. Na siena lia maihta thlaochhipa ta na y thei nawpa ta, ryhpa bie he na chachâh lâ tlyma, na chavei lâ tlyma tleisai cheita khah y.

1 ZAWHÂNA 5:3

A biepiepazy eima zyhpa he Khazohpa kyh eima pachâna cha a châ. A biepiepazy cha a hri tlôh lei khâh ta.