HLAZY 119:32 - Mara Bible RV (BSI)

³² Ei palôh na pahy kawh tita, Na biepiepazy lâpi a chhipa ta ei râ aw.

HLAZY 119:32 Cross References

ÂTHAONA 26:22

Aisika cha, cha su tawhta a pasie ta, tikhaoh hropa chao heih ta, cha deikua cha chhu khao veih ei. Chavâta “Tahmâ cha Abeipa ta su miah taopa ha ta, he râh liata thei hluhpi eima pathei ha aw,” tah ta, a moh Rehôbô a bi.

1 ABEIZY 4:29

Khazohpa ta Sawlawmaw cha sona nata novâhna thata pie ta, tilaipi ngiahkâ liata sadi zie hawh tlai ta palôh kawhna a pie.

HLAZY 119:45

Na pachunazy ei tluapa vâta, Khotalaipa ta ei charei aw.

HLAZY 18:36

Ei phei chakâna su pakawh chi ta, Ei pheizy a chakhao beih vei.

HLAZY HLA 1:4

Na ku ta nâ kei la, A râ ei suh u. Abei ta a chhôhpadâhpazy lâ einâ ngiakhei haw. Nâ liata a lypa ta eima thapha aw ta, Na kyhpachâna cha kresawhti hlâta eima cheihchalo via aw; Ama cha khoh kaw saipa he â vaw do tlai na.

ISAI 40:31

Abeipa a hâtuhpazy deikua cha, Ama thatlôna pathieh aw ei ta, Pahmôhpi hawhta mathlaw ta amâ zaw aw; A râ aw ei ta, Ama tha chhâ leipa aw ta; Sie aw ei ta, Panao aw veih ei.

ISAI 60:5

Tilaipi hneirônazy nâ lâ vaw tlô aw ei ta, Râhzy liata sôh nata thihzy nâ lâ amâ vy aw. Chazy cha moh aw chi ta, Na hmia a kai kaw aw; Na palôh thapha aw ta, Nâ ly ngaita aw.

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

ZAWHÂNA 8:32

Biehmeiseihpa pahno aw ei chi ta, biehmeiseihpa ta kho ta a cha palaisa aw ei,” tah ta.

ZAWHÂNA 8:36

Chavâta Sawchapawpa ta khota a cha palaisa khiah ei ta cha, khotalaipa nama châ hmeiseih aw.

2 KAWRINI 3:17

Abeipa cha Thlahpa châ ta, Abeipa Thlahpa yna maih liata khotalaina a y.

2 KAWRINI 6:11

Hy Kawrini mo saih u, khotalaipa nata palôh pahy khaipa ta nama hnohta bie eima reih.

HEBRAI 12:1

Cha ngiapâna bie pahnokheituhpazy ta meihdo ru ngaitapa hawhta miah ama pahlypa vâna heta, miah pahny pakhawpa maih nata moleina keimo liata khâchâ a baipa cha soh sih la, eima hmiakô liata arâpasuana a ypa liata tiama ngaitapa ta a râ lymâ suh u.

1 PITY 2:16

Khotalaipa châ ei chi ta, châhrasala nama khotalaina cha moleina khu nawpa ta nama hmâ awpa châ leipa ta, Khazohpa chakaotuhpazy hawhta tlao nama y awpa a châ.