HLAZY 119:2 - Mara Bible RV (BSI)

² A bieraopazy a zyhtuhpazy cha nohlao ei ta, Pathipalôh tlokhuh ta ano a tluapazy cha ama nohlao na.

HLAZY 119:2 Cross References

1 ABEIZY 2:3

Na hmotaopa maih nata nâ heina lâ maihta thlaochhipa ta na y lymâ thei nawpa ta, Mawsi Ryhpa liata ropa hawhta, Abeipa na Khazohpa ta bie a cha piepazy a pyh la, a lâpizy a chhih la, a bieraopazy, a biepiepazy, a ryhpazy nata a pahnokheinazy zyh mah y.

1 THÂTIHZYRONA 22:19

Tahmâ nama pachâna nata nama palôh cha Abeipa nama Khazohpa padona lâta pahei u la, thyu u la, Zehôvâh Khazohpa supathaihpa cha sa muh vy. Chatanachata Abeipa Biehrai Byh nata Khazohpa hmobaoh pathaihpazy cha Abeipa moh châta sapa o liata a ngiakheipa a châ aw,” tah ta.

2 THÂTIHZYRONA 31:21

Hezekia cha Khazohpa o liata chakaona raihria ky liata zy, ryhpa kyh liata zy, biepiepa kyh liata zy, a Khazohpa tluana kyh liata zy, a taopa maih liata pathipalôh tlokhuh ta tao lymâ ta, chavâta thlaochhipa ta a y lymâ.

HLAZY 105:45

Chatanachata a bieraopazy a vao aw ei ta, A ryhpazy ama zyh lymâ aw. Abeipa cha reithai teh u!

HLAZY 119:10

Ei palôh zydua ta cha tlua na ta, Na biepiepazy tleisai awpa na pasaih khah y!

HLAZY 119:101

Na bie ei zyh thei nawpa ta, Moleina lâpi to tawhta ei phei â sysai haw.

HLAZY 119:115

Nâmo, moleina hmo a taopazy saih u, Ei Khazohpa biepiepazy ei zyh thei nawpa ta, Na siesai syulyu ha teh u.

HLAZY 119:146

Cha pado na ta, Na pachha mah y; Na bieraopazy cha ei zyh lymâ aw.

HLAZY 119:17

Na bie zyhpa ta ei hroh thei nawpa ta, Châ chakaotuhpa chô liata a phapa ta tao mah y.

HLAZY 119:22

Na bieraopazy a zyhtuhpa châ na ta, Pasipasawhna nata mohnaona zy Kei tawhta na lapa ha mah y.

HLAZY 119:33

Hy Abeipa, na bieraopazy lâpi na pachu la, Achhâna taihta ei chhih aw.

HLAZY 119:34

Novâhna na pie mah y; Chatanachata na ryhpa zyh aw na ta, Ei palôh tlokhuh ta ei zyh aw.

HLAZY 119:57

Hy Abeipa, nâ cha ei tovyuh châ chi ta, Na bie zyh awpa ta bie ei châ vaw taih haw.

HLAZY 119:69

Apalaipazy ta haipa ta na pachhie ei ta, Châhrasala ei palôh tlokhuh ta na pachunazy ei zyh lymâ.

HLAZY 119:88

Na pakah bieraopazy ei zyh lymâ thei nawpa ta, Na kyhpachâna ta na pabohsa mah y.

HLAZY 25:10

A biehrai nata a ryhpa a zyhtuhpazy châta la, Abeipa lâpi zydua cha kyhpachâna nata ngâchhihna sai a châ.

BIESOZY 23:26

Ei sawchapawpa y, na palôh na pie la, Na mozy ta ei lâpizy moh mawh sy.

ZEREMIAH 29:13

Na tlua aw ei chi ta, nama pathipalôh zydua ta eina tlua ti ei chi ta cha, eina hmô aw ei chi.

EZEKIA 36:27

Nama chhôh liata ei Thlahpa soh aw na ta, ei bieraopazy a chhih awpa nata ei biepiepazy zyh awpa ta ei cha tao aw ei.

ZAWHÂNA 14:23

Zisu ta a chhy ta, “Chyhsa ta kyh eina pachâ khiahta cha, ei bie zyh aw ta, ei Paw ta ano cha kyhpachâ aw ta, ano lâ a vy aw pi ta, a hnohta eima pahrâ aw.

RYHPACHANEINA 4:29

Châhrasala cha tawhna chata Abeipa nama Khazohpa cha tlua u la, nama pathipalôh tlokhuh ta nata nama thlahpa tlokhuh ta nama tlua khiahta cha, nama hmô heih aw.

RYHPACHANEINA 6:17

Abeipa nama Khazohpa ta nama hnohta a cha piepa biepiepazy, a biepahnosapazy nata a bieraopazy pakhâta ta nama zyh awpa a châ.

RYHPACHANEINA 6:5

Abeipa nama Khazohpa cha nama pathipalôh tlokhuh ta, nama thlahpa tlokhuh ta, nama thatlôna tlokhuh ta kyh nama pachâ awpa a châ.

1 ZAWHÂNA 3:20

Eima palôh ta thailei miah a pachâsana maihta, Khazohpa cha keimo palôh hlâta a lai viapa châ ta, ato pahnotuhpa a châ tahpa eima pahno.