HLAZY 119:18 - Mara Bible RV (BSI)

¹⁸ Na ryhpa bie pha ngaitapazy ei hmô pasia thei nawpa ta, Ei mozy pavâsa mah y.

HLAZY 119:18 Cross References

HLAZY 119:96

Phapakina zydua chhâna hmô ha na ta, Nâma biepiepa deikua cha chhâna hnei vei.

ISAI 29:18

Cha noh liata, nahpâpazy ta châbu biezy thei aw ei ta, Mochaopa mozy chhao, A zoh kaluhna tawhta hmô thei aw ta, A zohna tawhta a hmô thei ha aw.

ISAI 32:3

Mo pavâpazy mo cha paso khao leipa aw ta, Nah theipazy nah ta a nathlie bâ aw.

ISAI 35:5

Cha tita cha, mochaopazy mo pavâsapa châ aw ta, Nahpâpazy nah pavâsapa a châ aw.

HÔSIA 8:12

Ei ryhpa bie hluhpi ropa na ta, Ano eih hawhta pachâ vei.

MATHAI 13:13

He vâna heta ama hnohta pakhona biezy hmâpa ta ei reipa a châ. Hmô ei ta, hmô tlôh leipa ei ta, thei ei ta thei tlôh leipa ei ta, pahno thai hra veih ei.

MATHAI 16:17

Zisu ta a hnohta, “Saimaw, Zawna sawchapawpa, na nohlao na! Sapa nata thisaih ta a cha pahnosapa châ leipa ta, ei Paw vârâh liata a ypa ta a cha pahnosapa a châ.

MATHAI 20:33

Âmo ta a hnohta, “Abeipa, eima mo pavâ awpa eima khoh,” tah ei ta.

ZAWHÂNA 9:39

Zisu ta, “Mochaopazy ama mo pavâ sala, mo pavâpazy ama mo a chao nawpa ta, he khizaw liata ryureih awpa ta a vypa ei châ,” tah ta.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

HEBRAI 10:1

Ryhpa cha hmo phapa a vaw y awpazy nohpahlipa dei châ ta, a hmeiseihpa a châ leipa vâta, kô chareih ta atheihna hlâ tyhpa a châpa chhao ta, a hlâtuhpazy châta pakina tlôkhei thei beih vei.

HEBRAI 8:5

Theihthaipazy cha vârâh hmo nothlahpa nata nohpahlipazy ama chakao tyh. Mawsi kha achhyna byureih a sa chy ta a hnohta, “Hmo to a taozie awpa tlâh liata ei cha pahmôpa hawhna khata na tao khai awpa a châ,” tahpa ta a taozie chhopa a châ.

BIEPHUAH 3:18

Na hneirôh thei nawpa ta mei liata pathaisapa ngôh zy, na thluahrua maophyuh chhiepa â lâ lei nawpa ta poh diehpa a bu awpa zy, na hmô thei nawpa ta na mo liata hnia awpa mo pasana thohna zy kei tawhta chalei awpa ta ei cha chhosie.