HLAZY 119:135 - Mara Bible RV (BSI)

¹³⁵ Châ chakaotuhpa chô liana he na hmia pakhaihsa la, Na bieraopazy na pachu mah y.

HLAZY 119:135 Cross References

ZAWBÂ 33:26

Chyhsapa cha Khazohpa lâ thlahchhâ ta, Khazohpa ta chyhsapa cha a pyh ta, Chyhsapa cha Khazohpa hmia hmôpa ta a lypa ta awh ta, Khazohpa ta a siana cha chyhsapa hnohta a pie pakhua heih.

ZAWBÂ 34:32

Ei hmô leipa kyh cha na pachu la, Moleina ei vaw tao ha khiahta cha, Tao heih khao aw va na,’ tah sala,

ZAWBÂ 35:11

Râhsazy a pachupa hlâta miah pachu hluh via ta, Vâ pavawzy hlâta so viapa ta miah taotuhpa cha, Khataih liata a y?’ tah veih ei.

ZAWBÂ 36:22

Moh teh, Khazohpa cha a hmotaotheina vâta cheihchalopa ta y ta, Ano hawhpa pachutuhpa ahy ma a y?

HLAZY 119:12

Hy reithai tlâh Abeipa, Na bieraopazy na pachu mah y.

HLAZY 119:26

Ei lâpizy cha chho na ta, Eina chyhei ha chi; Na bieraopazy na pachu mah y!

HLAZY 4:6

Chyhsa hluhpi ta, “Ahy ma hmo phapa miah a pahmô aw? Hy Abeipa, na hmia khaihpa eima chô liata pakhaih mah y!” tah ei ta.

HLAZY 80:1

Hy Izarei vaituhpa, Na nah vaw pachôh la; Mietaku zaw hawhta Zawsi a chhihthatuhpa y, Na nah vaw pachôh mah y! Cherubizy chô liata bei ta patyupa y, Vaw khaih mah y!

HLAZY 80:19

Hy Zehôvâh Khazohpa Atotaotheipa, Miah paduapathi heih mah y! Pachhapa ta eima y thei nawpa ta, Na hmia vaw pakhaihsa mah y!

HLAZY 80:3

Hy Khazohpa, miah paduapathi heih la, Pachhapa ta eima y thei nawpa ta, Na hmia vaw pakhaihsa mah y!

HLAZY 80:7

Hy Khazohpa Atotaotheipa, Miah paduapathi heih la; Pachhapa ta eima y thei nawpa ta, Na hmia vaw pakhaihsa mah y!

LUKA 24:45

Biehrai biezy ama pahno thei nawpa ta, ama palôh pahy ta,