HLAZY 119:1 - Mara Bible RV (BSI)

¹ Hrozie phapakipa chyhsazy cha nohlao ei ta, Abeipa ryhpa a chhihtuhpazy cha ama nohlao na!

HLAZY 119:1 Cross References

2 SAMUELA 22:22

Abeipa lâpizy a chhih na ta, Ei Khazohpa a heihsaipa ta moleina hmo tao beih va na.

2 ABEIZY 20:3

“Hy Abeipa, na hmiakô liata ngâchhihpa nata palôh phao phapakipa ei hnei tyhzie nata na mohmô liata hmo phapa ei tao tyhzie zy kha, ngiachhiepa ta a thei thlâh ha mah y,” tah ta. Hezekia cha thata cha ta.

ZAWBÂ 1:1

Uzi râh liata chyhsa pakha, a moh Zawbâ ama tahpa y ta. Cha chyhsa cha seina hnei leipa, chyhsa dopa, Khazohpa a chipa nata moleina a heihsaipa chyhsa a châ.

ZAWBÂ 1:8

Abeipa ta Sâtâ hnohta, “Nâ chakaotuhpa Zawbâ thâtih na pachâ beih ma? Alei chô liata ano hawhpa rai y veih ei. Ano cha seina hnei leipa, chyhsa dopa, Khazohpa a chipa nata moleina a heihsaipa a châ,” tah ta.

HLAZY 101:2

Phapakipa ta hro ei chhuah aw, Khati ta kei lâ nâ vy aw? Palôh dopa phaopa ta, Ei o liata ei vaw y aw.

HLAZY 101:6

Râh chyhsa ngâchhihpazy Ei hnohta ama pahrâ thei nawpa ta, Âmo cha khokheipa ta moh aw ei na ta; Phapakipa chyhsa ta eina chakao aw.

HLAZY 112:1

Abeipa cha reithai teh u! Abeipa biepiepazy liata a ly ngaita ta, Ano a chipa cha a nohlao na!

HLAZY 128:1

Abeipa chi ta, A lâpi a chhihpazy cha, Ama nohlao na!

BIESOZY 11:20

Palôh akopazy cha Abeipa châta pasichhihpa châ ei ta, Seina hnei leipazy hrozie deikua cha â lyna a châ tyh.

BIESOZY 13:6

Siana ta adopa ta a ypazy hrôbieh ta, Moleina deikua cha moleipa a papao tyh.

BIESOZY 29:18

Hmiasai y leina liata cha phopi leidia ei ta, Ryhpa a zyhpa deikua cha vânoh a to aw.

EZEKIA 11:20

Chatanachata ei bieraopazy a chhih aw ei ta, ei ryhpazy a vaopa ta ama zyh aw. Ei phopi châ aw ei ta, kei ama Khazohpa ei châ aw.

HÔSIA 14:9

“Chyhsa sopa ta He hmozy he a novâh sala, Chyhsa novâhpa ta Pahno thai mawh sy! Abeipa lâpizy cha a do ta, Mosiapazy ta amâ chhih thei; Moleipazy deikua cha, Amâ chapia aw.”

LUKA 1:6

Ama pano ta Khazohpa hmiakô liata chyhsa siapa châ ei ta, Abeipa biepiepa nata bieraopa zydua liata seina hnei leipa ta a zyh lymâpa ama châ.

LUKA 11:28

Châhrasala Zisu ta, “Khazohpa bie thei ta a zyhpazy cha chyhsa nohlao hmeiseihpazy tlao ama châ,” tah ta.

ZAWHÂNA 1:47

Zisu ta Nâthaniah ano lâ â vy haipa a hmô nahta, a thâtih reih ta, “Moh teh u, Izarei saw hmeiseihpa, haidihaiduana rai a hnei leipa chyhsa huh!” tah ta.

ZAWHÂNA 13:17

Cha hmozy cha nama pahno khiahta cha, tao u la nama nohlao aw.

HMOTAOPAZY 24:16

Chavâta Khazohpa nata chyhsapa lâta chhie nata pha pahnona pathaihpa hnei awpa khâ ei chhuah tyh.

2 KAWRINI 1:12

He he eimâ palaikhei: Khizaw sona ta châ leipa ta, Khazohpa ngiachhiena vâta, he khizaw liata nata nâmo liata pathaihna nata Khazohpa liata adona ta eima hro tyhpa kha, eima chhie na pha pahnona ta miah a pahnokhei.

ZÂMIE 1:25

Khotalaina ryhpa pakipa cha moh ta, cha hawhta hroh ta, ryhpa cha thei ta, thlai a mypa châ leipa ta, zyh ta, ryhpa hawhta a taopa chyhsa cha, a hmotaopa liata thlaochhipa ta a y aw.

BIEPHUAH 22:14

“Ama chysiazy a pasupa cha ama nohlao na. Hrona tho chô liata biehnei thei aw ei ta, chhikaozy lâ tawhta khihpi chhôh lâ amâ ngia thei aw.