HLAZY 118:27 - Mara Bible RV (BSI)

²⁷ Abeipa cha Khazohpa châ ta, Eima chô liata a khaihna a pakhaihsa haw. Atheihna sahroh cha chaori ta hraih u la, Maisâh kizy liata hraih teh u!

HLAZY 118:27 Cross References

1 ABEIZY 18:21

Elaizâh ta zawpi cha a kei hnia ta, ama hnohta, “Pachâna miano likah liata khachâ ma noraihpa ta nama y chy aw? Abeipa cha Khazohpa a châ khiahta cha, ano cha pazi u la, Bâlâ cha Khazohpa a châ khiahta cha, ano cha pazi muh vy,” tah ta. Zawpizy ta kawh kha hmahta a chhy leipa ei ta.

1 ABEIZY 18:39

Zawpi zydua ta cha cha ama hmô nahta, â khu lâta pao ei ta, “Abeipa tlai he Khazohpa a châ, Abeipa tlai he Khazohpa a châ,” tah ei ta.

1 THÂTIHZYRONA 29:21

Abeipa lâ atheihnazy hlâ ei ta. A mylâ ta Abeipa lâ raopa hlânazy hlâ ei ta, viahchao tôhpa 1,000, mietaku tôhpa 1,000, mietakutaw 1,000, niepa hlânazy chhaota hlâ ei ta, Izarei saw zydua châta atheihna hluhpi ama hlâ.

ESTHERI 8:16

Zuzy châta khaihna, thaphana, alyna nata palyupalihna ama tona noh châ ta.

HLAZY 18:28

Nâ ta ei meiôh pakhaih chi ta, Abeipa ei Khazohpa ta ei zohna a pakhaihsa tyh.

HLAZY 37:6

Na siana cha khaihna hawhta papua aw ta, Nâ dona chhao nohchhô hawhta a châ aw.

PUASAINA 27:2

Maisâh chaki miah palih liata a kizy tao aw chi ta, cha a kizy cha maisâh nata â pazao khai awpa châ ta, dawh ta na pahu aw.

PUASAINA 38:2

Maisâh chaki miah palih liata a kizy tao ta, a kizy cha maisâh nata pazaopa ta taopa châ ta, dawh ta a pahu.

ISAI 60:1

Hy Zerusale, thyu la, khaih teh; Na khaihna vaw tlô ha ta, Abeipa rônahna na chô liata a vaw khaih haw.

ISAI 9:2

Zohna liata a chareipa phopi ta, Khaihna rônahpa hmô ei ta; Thina nohpahli râh liata a pahrâpazy chô liata, Khaihna a vaw khaih haw.

MIKÂ 7:9

A chô liata ei molei hapa vâta, Ei kyh na reikhei sala, Pachiana eina taopa hlâlei cha, Abeipa ruchhôna ei phaoh aw. Khaihna lâ nâ chhi papua aw ta, A thaipachâsana ei hmô aw.

MALAKHAI 4:2

“Châhrasala nâmo, ei moh a chizapazy châta siana noh, a mathlaw liata tlâhna a ypa noh a vaw chhi aw. Pua aw ei chi ta, viahchaotaw a o tawhta pazopa hawhta châki nama zoh aw.

ZAWHÂNA 8:12

Zisu ta ama hnohta bie reih heih ta, “Kei he khizaw khaihpa ei châ. Ahy rai nâ zipa cha zohna liata charei leipa aw ta, hrona khaihpa tlao a hnei aw,” tah ta.

HEBRAI 13:15

Chatanachata ano zawhzi ta reithaina atheihna cha Khazohpa hnohta khâ hlâ suh vy. Cha cha a moh achâhkheina hmaozy theilâpa a châ.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.