HLAZY 117:2 - Mara Bible RV (BSI)

² A zawngiahna eima chô liata thata palâsa ta, Abeipa ngâchhihna cha tlyzaw ta a y thlâh haw. Abeipa cha reithai teh u!

HLAZY 117:2 Cross References

HLAZY 103:11

Alei tawhta avâ â sâhpa tlu khi ta, Ano a chituhpazy chô liata a kyhpachâna a rônah ngaita.

HLAZY 146:6

Abeipa cha avâ nata alei taotuhpa châ ta, Tilaipi nata a chhôh liata a ypa zydua a taotuhpa chhao châ ta, Tlyzaw ta biehmeiseihpa a vao thlâhpa a châ.

HLAZY 85:10

Ngâchhihna nata biehmeiseihpa a tyh ei ta, Siana nata thlalôhna ta amâ pahnâ.

HLAZY 89:1

Abeipa kyhpachâna tleih beih leipa cha, Chhâzaw ta hla ta sa aw na ta; Na ngâchhihna cha, Chhâ zydua liata ei pakah ta ei pahnosa aw.

ISAI 25:1

Hy Abeipa, nâ cha ei Khazohpa na châ; Cha cheihchalo aw na ta, Na moh ei reithai aw. Hmonoâhpazy a tao chi ta, Hlâno tawhta na pachhuapanohpazy cha, Ngâ a chhih ei ta amâ do.

MIKÂ 7:20

Miah pathlatuhpazy hnohta Hlâno tawhta bie nâ vaw taih hapa hawhta, Zakaw chô liata ngâchhihna palâsa aw chi ta, Abarahâ chô liata kyhpachâna tleih beih leipa na palâsa aw.

ZAWHÂNA 14:6

Zisu ta a hnohta, “Kei he lâpi nata biehmeiseihpa nata hrona ei châ. Kei liata a sie leipa cha ahy hmah Paw kô tlô thei aw vei.

1 ZAWHÂNA 5:6

Zisu Krista cha ti nata thisaih ta a vypa châ ta, ti dei ta châ leipa ta, ti nata thisaih ta â vy. Thlahpa cha biehmeiseihpa a châpa vâta, Thlahpa ta ano cha a pahnokhei.