HLAZY 113:3 - Mara Bible RV (BSI)

³ Noh chhina tawhta noh tlana taihta, Abeipa moh cha reithaipa ta y mawh sy!

HLAZY 113:3 Cross References

HLAZY 18:3

Reithai tlâh Abeipa cha pado na ta, Ei chariahpazy tawhta pachhapa ta ei y.

HLAZY 48:10

Hy Khazohpa, na moh hawh tlai ta, Na reithaina khizaw kaokih taihta tlô ta, Na ku chachâh lâ cha siana ta a bie.

HLAZY 50:1

Abeipa, Khazohpa Atotaotheipa ta bie reih ta, Noh chhina tawhta noh tlana taihta, Leilô zydua a awpakhy.

HLAZY 72:11

Bei zydua ta a hmiakô liata a bôh ei sala, Râh zydua ta ano cha chakao mawh ei sy!

HLAZY 86:9

Hy Abeipa, phopi na taopa zydua a vy aw ei ta, Na hmiakô liata a bôhpa ta, Na moh ama palyupalih aw.

ISAI 24:16

Kaokih tawhta reithaina hlazy thei pi ta, Mo Siapa palyupalihna hla eima thei. Châhrasala kei ta hetana heta ei tah: “Ei chaoh haw, ei chaoh haw, Ei hu a po na! Ngâchhih leipazy ta ngâchhih leipa ta tao ei ta, Ngâchhih leipazy ta ngâchhihna ama pahlei haw.”

ISAI 49:13

Hy avâzy saih u, thaphapa ta hla sa u la, Hy leilô y, a lypa ta y mah y. Hy tlâhpizy saih u, Lyna hla paryh teh u! Abeipa ta a phopi thlah palôh ha ta, A chyhsa pasa a taopazy a ngiachhie aw ei.

ISAI 59:19

Abeipa cha Abeipa thlih ta tôh aw ta, Tisaih ru ngaitapa hawhta â vy awpa vâta, Abeipa moh cha notla lâ tawhta chi aw ei ta, A rônahna nochhi lâ tawhta ama chi aw.

HABAKU 2:14

Tilaipi cha tizy ta a biepa hawhta, Leilô he Abeipa rônahna pahnona ta a bie aw.

MALAKHAI 1:11

“Noh chhina tawhta noh tlana taihta phopizy hry liata ei moh palyupalihpa ta y aw ta, su to liata ropahâhpa nata hmohlâpa pathaihpazy ei moh ta ama hlâ tyh aw. Phopizy hry liata ei moh palyupalihpa ta a y aw,” Pheisaihzy Abeipa ta a tah.

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.