HLAZY 112:4 - Mara Bible RV (BSI)

⁴ Chyhsa dopa châta cha, Zohna liata a y no chhao ta khaihna a vaw pua tyh; Abeipa cha ngiachhiena nata zawngiahna a hneipa châ ta, Khazohpa siapa a châ.

HLAZY 112:4 Cross References

ZAWBÂ 11:17

Hrona cha nohchhô hlâta khaih via aw ta, Zohna chhao my hawh a châ aw.

ZAWBÂ 22:28

Bie na pathlupa maih na châta taopa châ aw ta, Khaihna ta na lâpizy a pakhaih aw.

ZAWBÂ 29:3

A meiôh ei luh chô liata pakhaih ta, A khaihna ta zohna ei siepahlie no hawhna khata;

HLAZY 106:1

Abeipa cha reithai u la, Alyna bie hlâ teh u! Ano cha pha ta, A kyhpachâna a tleih beih leipa a châ.

HLAZY 116:5

Abeipa cha ngiachhie theipa nata asiapa châ ta, Eima Khazohpa cha zawngiah theipa a châ.

HLAZY 145:17

Abeipa cha a yzie zydua liata sia ta, A hmotaopa zydua liata ngâchhihpa a châ.

HLAZY 37:6

Na siana cha khaihna hawhta papua aw ta, Nâ dona chhao nohchhô hawhta a châ aw.

HLAZY 97:11

Mosiapa châta khaihna piepa châ ta, Palôh dopa châta alyna piepa a châ.

BIESOZY 21:21

Siana nata ngâchhihna a chadaipa cha, Hrona, siana nata zana a hmô aw.

ISAI 50:10

Nama hry liata ahy ei Abeipa cha chi ta, A chakaotuhpa bie a zyh tly? Zohna liata chareipa ta Khaihna rai a hnei leipa chyhsa chata, Abeipa moh cha ngâ sala, A Khazohpa cha a ngâchhâ mawh sy.

ISAI 58:10

Nodipazy châta na hrona hmâh la, Pasataopazy a ngiahpa pie mah y. Cha hawhta na tao khiahta cha, Na khaihna cha zohna liata khaih aw ta, Na zoh kaluhna chhao, Nohchhô hawhta a châ aw.

ISAI 58:8

“Chatanachata na khaihna cha, My khihdei hawhta khaih aw ta; Na hnatlâna a pha patoh aw. Na siana ta hmia châ sahpa aw ta, Abeipa rônahna ta na hnôh lâ a cha vaih aw.

MALAKHAI 4:2

“Châhrasala nâmo, ei moh a chizapazy châta siana noh, a mathlaw liata tlâhna a ypa noh a vaw chhi aw. Pua aw ei chi ta, viahchaotaw a o tawhta pazopa hawhta châki nama zoh aw.

LUKA 6:36

Nama Paw cha zawngiah theipa a châpa hawhta, nâmo chhao zawngiahna hnei teh u.

ZAWHÂNA 12:46

Khizaw pakhaihsa awpa ta a vypa ei châ, ahy rai nâ ngiapâpa cha zohna liata a y lei nawpa ta.

EPHESI 4:32

A ngiachhie raihriepa ta, tha a pasa raihrie u la, Khazohpa ta Krista liata a châ ngiahthaipa hawh ei ta, a ngiahthai raihrie teh u.

EPHESI 5:15

Chatanachata asoleipazy hawhta y leipa u la, asopazy hawhta ypa ta, nama yzie liata a chado teh u.

EPHESI 5:9

Khaihna theilâpa cha phana nata siana nata biehmeiseihpa to liata â lâ tyh.

1 ZAWHÂNA 2:29

Ano cha mosiapa a châ tahpa nama pahno khiahta cha, siana a hrokheipa maih cha ano sapa a châ tahpa nama pahno aw.

1 ZAWHÂNA 3:10

He liana heta ahyzy ma Khazohpa sawzy châ ei ta, ahyzy ma ahripa sawzy a châ ei tahpa â hno: Ahy rai siana a hrokhei leipa cha, Khazohpa tawhta a puapa châ vei. A unawhpa kyh a pachâ leipa chhao Khazohpa tawhta a puapa châ vei.

1 ZAWHÂNA 3:7

Sawzy saih u, ahy hmah a padôveisa khuh vy. Krista cha mosiapa a châpa hawhta, siana a hrokheituhpa cha mosiapa a châ hra.