HLAZY 110:2 - Mara Bible RV (BSI)

² Abeipa ta Zaio tawhta na thatlôna chôchahrei vaw tuah sala, Na chariahpazy hry liata ryureih mah y!

HLAZY 110:2 Cross References

HLAZY 72:8

Tilaipi tawhta tilaipi taihta biehnei sala, Chavah tawhta alei chhâna taihta biehnei mawh sy!

PUASAINA 7:19

Abeipa ta Mawsi hnohta, “Arawna hnohta, ‘Na chôchahrei chaba la, Izi râh tizy, ama chavahzy, ama vahtiepazy, ama tipozy nata ama ti pa-ona zydua chô liata na ku pazawh teh. Chatanachata tizy cha thisaih lâta a lie aw ei ta, Izi râh zydua liata thisaih a y aw. Tho hmobaohzy chhôh liata nata alô hmobaohzy chhôh liata chhao thisaih a y aw,’ tahpa ta chho mah y,” tah ta.

PUASAINA 8:5

Abeipa ta Mawsi hnohta, “Arawna chho la, a hnohta, ‘Na chôchahrei chaba la, chavahzy, vahtiepazy nata tipozy chô liata na ku pazawh la, Izi râh liata uphawh pakiasa teh,’ tah mah y,” tah ta.

ISAI 2:3

Zaio tawhta ryhpa bie pua aw ta, Zerusale tawhta Abeipa bie a pua awpa vâta, Phopi hluhpi a vy aw ei ta, “A vy teh u, Abeipa Tlâh lâ khy sih la, Zakaw Khazohpa o lâ khy suh u; A lâthlôhzy miah pachu sala, A lâpizy eimâ chhih theina hâh ta,” Ama tah aw.

ZEREMIAH 48:17

A chheipâh liata a ypazy ta taokhei u la, A moh a pahnopa zydua ta taokhei teh u; “Kheihta ma chôchahrei thatlôpa tlie thei ta, Sômasi rônahpa a tlie thei tly,” tah teh u.

EZEKIA 19:14

A chiah chhyh tawhta mei vaw pua ta, A thei a kâ haw; Chavâta a chiah châpa y khao leipa ta, Abei chôchahrei awpa y khao vei. He he chaphôhtuna hla châ ta, chaphôhtuna châta hmâ awpa a châ.

EZEKIA 47:1

Chatawhcha Achhyna o ochhi lâ na kuakhei ta, Achhyna o châkeih ry tawhta nochhi lâta ti a lohpa hmô na ta. Achhyna o cha nochhi lâ a heihpa a châ. Ti cha maisâh chho lâta a ypa Achhyna o chachâh lâta châkeih ry tawhta vaw loh ta.

MIKÂ 4:2

Zaio tawhta ryhpa bie pua aw ta, Zerusale tawhta Abeipa bie a pua aw; Chavâta phopi hluhpi a vy aw ei ta, “A vy teh u, Abeipa Tlâh lâ khy sih la, Zakaw Khazohpa o lâ khy suh u; Chatanachata a lâthlôhzy miah pachu aw ta, A lâpizy eimâ chhih thei aw,” Ama tah aw.

MIKÂ 7:14

Na chôchahrei ta na phopi cha vaih la, Na ryuto mietaku zaw cha vaih mah y. Âmo cha lyurâhpa liata âmo dei ta a ypa châ ei ta, Sadô liata âmo dei ta a ypa ama cha. Hlâno hawhna khata, Bâsanâ nata Kilia liata ama lao bâ heih mawh ei sy.

RAWMA 1:16

Thâtihpha cha zakhei tlôh lei khâh na ta. Ahy rai a ngiapâpa maih châta pachha châ nawpa ta Khazohpa hmotaotheina châ tlôh ta, a hmiatua ta Zu chyhsa châta châ ta, Krikâh mo châta chhao a châ.

1 THYSALAWNIKA 2:13

Keimo tawhta nama theipa Khazohpa bie namâ pyh nona kha, chyhsapa bie a pyhpa hawhta a pyh leipa ei chi ta, a châna dopa, Khazohpa bie hawhta namâ pyhpa vâta, Khazohpa hnohta alyna bie khâ eima reih tyh. Cha Khazohpa bie cha nâmo, ngiapâtuhpazy chô liata a hriapa cha a châ.

1 PITY 1:12

Cha biezy cha hrohsopazy ta ama rei nota, âmosasyh â chakaopa châ leipa ei ta, nâmo châ chakaopa ama châzie ama hnohta pahnosapa ama châ. Cha hmozy cha vârâh tawhta tuapa Thlahpa Pathaihpa baona ta thâtihpha châ chhotuhpazy ta tahmâ nota ama cha chhopa hmozy he a châ. Cha hmozy cha vâlyuhchâpazy chhao ta hmô awpa ama khoh kaw tyh.