HLAZY 109:18 - Mara Bible RV (BSI)

¹⁸ Chhiesana cha poh hawhta a bu ta, A chhiesapazy cha ti hawhta a chhôh lâ a ngia sala, Sathaw hawhta a rupazy liata a ngia mawh sy!

HLAZY 109:18 Cross References

ZAWBÂ 29:14

Siana cha chysia ta a tobi na ta, Adona cha ei viahkao nata ei khutho a châ.

HLAZY 109:19

Chhiesanazy cha chysia hawhta a tobi sala, Chaisaih hawhta noh chareih a saih mawh sy!

HLAZY 73:6

Chavâta apalaina cha ama pachhih châ ta, Nôchhiena chysia amâ tobi.

MALUHREINA 5:22

He chhiesana a patlôsapa ti he na py chhôh lâ a ngia sala, na py pathlohsapa ta, na byhpi a pazaohsa mawh sy,’ tah aw ta, chanô ta, ‘Amen, Amen,’ a tah aw.

MALUHREINA 5:27

Ti a padosa khai tawhta hetana heta a vaw y aw: A papuapaleipa ta, a vahpa châta ngâchhih leipa ta a y ha tlai khiahta cha, chhiesana a patlôsapa ti cha a chhôh lâ a ngia aw ta, thata vaw pasa aw ta, a py vaw thloh aw ta, a byhpi a vaw zaoh aw. Chatanachata chanô cha a phopi hry liata chhiesapa ta a y aw.

MATHAI 26:24

Chyhsa Sawchapawpa he, a thâtih ropa hawh tlai ta a sie aw. Châhrasala Chyhsa Sawchapawpa a patusatuhpa chyhsa cha a hu a po na! Cha chyhsa cha pih leipa sala, a châta a pha via awpa tlai,” tah ta.

HMOTAOPAZY 1:18

Cha chyhsa chata a moleina lymâ a daopa hmâpa ta râh chalei ta, cha liata â khu lâta pao ta, a py kaichheih ta, a rih zydua pua khai ha ta.

HMOTAOPAZY 1:25

Ano cha Zudâh ta tleisaipa ta ano khopa lâ a siesai hapa, he chakaona rai nata lyuhchâpa su a thla awpa a châ,” tah ei ta.

KAOLAOSÂ 3:12

Chavâta Khazohpa chyhsa atlyhpa, mopathaihpa nata kho ngaitapazy nama châpa hawhta, thapasana palôh, nôphana, areisina, nônaina nata daotheina zy ta a tobi teh u.

KAOLAOSÂ 3:8

Tahmâ deikua cha, hiehâhna, pathichhiena, ahaona, reipachhiena nata bie puapa zy nama pakah tawhta nama pahlei awpa a châ.

1 PITY 5:5

Cha hawhna chata nâmo, hawti viapazy saih u, uhthei viapazy liata a ngiarih teh u. Nama zydua ta areisina chysia ta a tobi u la, a chakao raihrie teh u. “Khazohpa ta apalaipazy a dyuh ta, areisipazy deikua cha a ngiachhie tyh.”