Nâmo ta nama khazoh moh pado aw ei chi ta, kei chhao Abeipa moh ei pado aw. Chatanachata mei ta a vaw chhytuhpa Khazohpa cha, ano tlai cha Khazohpa cha a châ,” tah ta. Zawpi zydua ta a chhy ei ta, “Cha bie cha a pha na,” tah ei ta.
Viahchao tôhpa âmo ama piepa cha la ei ta, a chhuanoh ei ta, “Hy Bâlâ y, miah a chhy teh,” tahpa ta my tawhta nohchhô taihta Bâlâ moh cha pado ei ta. Châhrasala ao pyury rai y leipa ta, a chhytuhpa rai y veih ei. Chatawhcha maisâh ama taopa cha lâ chahlô ei ta.
Nohchhô locho daihti khô ta, zâlâ atheihna daihti taihta ama hrohsona biezy cha reih ei ta. Châhrasala ao pyury rai y leipa ta, a chhytuhpa rai y leipa ei ta, a pachâtuhpa rai y veih ei.
A rei hai no tlai chata, meihdo râhpa ta âmo cha vaw khu ta, meihdo tawhta ao vaw pua ta, “He he ei Sawchapawpa kho ngaitapa, a chô liata ei ly ngaitapa a châ, a bie nathlie teh u,” tah ta.
Rawma khihpi liata Khazohpa kyhpachâpazy nata a mopathaihpazy châ awpa ta a awpa zydua ei châ naoh ei. Khazohpa eima Paw nata Abeipa Zisu Krista tawhta ngiachhiena nata thlalôhna nama hnohta y mawh sy.
Benzami châta byhnâ awna: “Abeipa kho ngaitapa cha, A hnohta â bohpa ta pahrâ mawh sy; Abeipa ta noh y ta vaih sala, A ngiatlâhzy likawh liata pahrâ mawh sy.”
Chavâta Khazohpa chyhsa atlyhpa, mopathaihpa nata kho ngaitapazy nama châpa hawhta, thapasana palôh, nôphana, areisina, nônaina nata daotheina zy ta a tobi teh u.