HLAZY 106:5 - Mara Bible RV (BSI)

⁵ Chatanachata nâ tlyhpazy byhnâ topa to hra aw na ta, Na phopi thaphana liata a lypa ta, Na ryuto rônahna liata ei hlao hra aw.

HLAZY 106:5 Cross References

2 SAMUELA 20:19

Kei he Izarei liata aryhna a khohpa nata chyhsa ngâchhihpazy hry liata a hlaopa ei châ. Nâ deikua cha Izarei nô a châpa khihpi parao nâ chhuah. Abeipa ryuto he khazia parao khai ha awpa nâ chhuah tly?” tah ta.

HLAZY 1:3

Vahtie kiah liata tho lopa, A daihtita ta a pathei tyhpa, A hna chhao a uah beih leipa hawhta a châ. A hmotaopa zydua liata thlao â chhi tyh.

HLAZY 105:43

Chavâta a phopi cha a ly ngaitapa ta a chhi papua ta, A chyhsa a tlyhpazy cha hla sana chôta â chhi papua ei.

HLAZY 105:6

Hy a chakaotuhpa Abarahâ pathla saih u, Hy â tlyhpa Zakaw sawzy saih u, Chazy cha a thei thlâh ha teh u.

HLAZY 118:15

Mosiapazy poh o liata la, Pachhana thaphana hlazy ta bie ta, Hetana heta ama sa tyh: “Abeipa ku chachâh lâta riahpha ngaitapa ta tao ta,

HLAZY 14:7

Hy, Zaio tawhta Izarei pachhana vaw pua bâ sala ei tah kaw dia! Abeipa ta a phopi vânoh a patosa heih tita, Zakaw a ly sala, Izarei thaphapa ta y mawh sy.

HLAZY 48:11

Na ryureina dopazy vâta, Zaio Tlâh a ly sala, Zudâh sawchanôzy thaphapa ta y mawh ei sy!

ISAI 12:6

Hy Zaio sawzy saih u, Nama hry liata a ypa Izarei Mo Pathaihpa cha, Rônah ngaitapa a châpa vâta, Thata awh u la, alypa ta hla sa teh u.”

ISAI 35:10

Abeipa chatlaipazy cha kua heih aw ei ta, Hla sana chôta Zaio ama pangai aw. Chhâzaw alyna ama luh chô liata y aw ta, Thaphana nata alyna hmô aw ei ta, Pachârôhna nata ahrôna y khao aw vei.

ISAI 45:25

Izarei chipathla zydua deikua cha, Abeipa liata thai pachâsapa châ aw ei ta, Rônahpa ta ama y aw.’”

ISAI 66:10

“Nâmo, Zerusale kyh a pachâtuhpa zydua saih u, Zerusale cha thaphakhei u la, a lykhei teh u; Nâmo, Zerusale châta mâchhie a satuhpa zydua saih u, Zerusale â lyna liata a lykhei hra teh u.

ZÔELA 2:23

“Hy Zaio sawzy saih u, Thaphapa ta y u la, Abeipa nama Khazohpa liata a ly teh u. Namâ dona palâsa nawpa ta, Abeipa ta khihti hmiatuapa cha pie ei ta, Nama châta khihti a paphasa ha hih; Hlâno daihti hawhna khata, Khihti hmiatuapa cha pie heih ei ta, Khihti hnôh chaipazy a cha pie heih ei hih.

ZEPHANIA 3:14

Hy Zaio Sawchanô y, hla sa la, Hy Izarei, thata awh teh! Hy Zerusale Sawchanô, Na pathipalôh zydua ta a ly la, Thaphapa ta y mah y!

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

ZAWHÂNA 15:16

Nâmo ta nâ tlyh veih ei chi, kei ta tlao châ tlyh ei na ta, sie ta, thei pathei awpa nata khâ pathei awpa ta ei cha rao ei. Chatanachata ei moh ta Paw lâ nama hiapa maih a cha pie lymâ aw ei.

ZAWHÂNA 16:22

Cha hawhna chata nâmo chhao, tahmâ pachârôhpa ta y hra u la, cha hmô heih aw ei na ta, nama palôh a ly aw ta, namâ lyna cha ahy hmahta cha lapa aw veih ei.

HMOTAOPAZY 9:15

Châhrasala Abeipa ta a hnohta, “Vawh thlâh teh, ano cha Zenitaizy, abeizy nata Izarei sawzy lâta ei moh a ngiakheituhpa châ awpa ta, ei chhaichhi châta raopa a châ.

EPHESI 1:18

Awpa nama châna liata hnabeiseihna pahnopa ta, mopathaihpazy châta a ryuto rônahpa hluhzie nama pahno thei nawpa ta, nama pathipalôh mozy pavâsapa a châ thei nawpa ta thlah ei cha chhâpa hra ei.

EPHESI 1:4

A hmiakô liata pathaihpa nata seina hnei leipa ta eima y thei nawpa ta, leilô y hlâ tawhta Krista liata miah a tlyh ta. Kyhpachâna ta,

RYHPACHANEINA 32:9

Abeipa tovyuh deikua cha a phopi châ ta, Zakaw cha a ryuto a châ.

RYHPACHANEINA 7:6

“Abeipa nama Khazohpa châta phopi pathaihpa nama châ. Abeipa nama Khazohpa ta ano ryu sôhpa châ awpa ta, alei chô liata phopi zydua hry tawhta â tlyhpa nama châ.

PHILIPI 3:3

Keimo, Thlahpa ta Khazohpa a chhypa, Krista Zisu a palaikheipa nata sapa liata ngâna rai a pahnie leipazy pi he, chopawtaipazy cha eima châ.

2 THYSALAWNIKA 2:13

Abeipa kyhpachâpa unawh kho ngaitapa saih u, Thlahpa Pathaihpa pathaisana nata biehmeiseihpa ngiapâna vâta pachha châna liata thei hmiatuapazy châ awpa ta, Khazohpa ta â tlyhpa nama châpa vâta, nâmo vâta Khazohpa lâ alyna bie khâ a reih awpa eima châ.

ZÂMIE 2:5

Unawh kho ngaitapa saih u, pachâ tua u! Khizaw pachâ ta dyhchhiepazy cha, ngiapâna liata hneirôh awpa nata ano kyh pachâtuhpazy hnohta bie â taihpa khinarâh ryutotuhpazy châ awpa ta, Khazohpa ta â tlyhpazy châ veih ei ma?

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

BIEPHUAH 17:14

Mietakutaw a dyuh aw ei ta, châhrasala Mietakutaw ta âmo cha a pahnie aw. Mietakutaw cha hyutuhzy Hyutuhpa nata beizy Beipa châ ta, a hnohta a ypazy cha, awpazy, atlyhpazy nata ngâchhihpazy ama châ,” tah ta.