HLAZY 104:14 - Mara Bible RV (BSI)

¹⁴ Sahrohzy châta sibiepa papyusa chi ta, Chyhsapa chhei awpa ta chicheipa papyusapa ta, Alei tawhta nie awpa na papua.

HLAZY 104:14 Cross References

ÂTHAONA 2:5

Zehôvâh Khazohpa ta alei chô liata avâ a pasuasa mâh leipa vâta nata lei a palie awpa chyhsa ama y mâh leipa vâta, lyurâhpa liata sibiepazy y mâh leipa ta, lyu liata chicheipazy pyuh mâh hra vei.

ÂTHAONA 2:9

Zehôvâh Khazohpa ta, mo la ngaitapa nata nie awpa phapa tho chi to chhaohlei tawhta papyusa ta. Sadô liah liata hrona tho y ta, chhie nata pha pahnona tho chhao a y.

ÂTHAONA 3:18

Chhaohlei ta ahloh nata diahsaizy cha papuapa aw ta, Lyu liata chicheipazy na nie aw.

ÂTHAONA 4:12

Lei na palie tita, alei ta kôvei cha pie khao aw vei. Alei chô liana heta leilôpa nata viavipa deita na châ aw,” tah ta.

ÂTHAONA 9:3

Hmohrohneipa a pielyu theipa maih nama nie awpa châta a châ aw. Âhnalasi hrohpa ei cha piepa hawhna ei heta, hmo to zydua ei cha pie khai ei.

1 ABEIZY 18:5

Ahabâ ta Ôbadia hnohta, “Râh zydua chahryh la, tihnawh zydua nata saikao zydua chahryh khai mah y. Arâzy nata sabaituzy eima pachha thei nawpa ta sibiepazy eima hmô thei ngyu aw. Chataleipatala sahrohzy he eima pahlei khai pathlei aw na,” tah ta.

ZAWBÂ 28:5

Alei ta a chô lâ nie awpa papua ta, A ry lâ deikua cha mei hawhta a châ.

ZAWBÂ 38:27

Râh chhiepa nata râh raohpa lôhhrâ patlô ta, Chhaohlei tawhta sibiepa a papyusa tly?

HLAZY 136:25

Ano cha hmohrohneipa to niedo a pietuhpa châ ta, A kyhpachâna tlyzaw ta a daihpa a châ.

BIESOZY 27:25

Sibiepa raoh ta si panyupa kaw thaopa ta, Tlâhpizy liata âhnalasi pakhypa a châ tita,

ZÔELA 2:22

Râhsazy saih u, chi khuh vy; Râhchawhpa sibiepazy kaw thao heih ei ta, Thozy ama pathei heih hih; Theiku kôzy ta thei hluhpi pathei heih ei ta, Kre zôhzy ta thei hluhpi ama pathei heih hih.

1 KAWRINI 3:7

A palaiseihsatuhpa Khazohpa dei leipa ta cha, a lohtuhpa nata ti a baotuhpazy khâpa hmah châ veih ei.

RYHPACHANEINA 11:15

Nama sahrohzy châta nama lyuzy liata sibiepa paysa aw na ta, nie aw ei chi ta, aoh veipa ta nama y aw.