HLAZY 103:3 - Mara Bible RV (BSI)

³ Ano cha na paraona zydua a ngiathaituhpa châ ta, Na pasana zydua patlâhtuhpa a châ.

HLAZY 103:3 Cross References

2 SAMUELA 12:13

Dâvi ta Nâthâ hnohta, “Abeipa chô liata hmo ei parao haw,” tah ta. Nâthâ ta Dâvi hnohta, “Abeipa chhao ta na moleina a pahlei haw, thi aw va chi.

HLAZY 130:4

Châhrasala chipa ta na y thei nawpa ta, Nâma liata ngiahthaina a y.

HLAZY 130:8

Izarei cha pachha aw ta, A moleina zydua tawhta a pachha aw.

HLAZY 147:3

Palôh keichheihpazy patlâh ta, Ama hmahzy a chahrypa ei.

HLAZY 30:2

Hy Abeipa ei Khazohpa, Baona hiapa ta cha awsao na ta, Eina patlâh ha chi.

HLAZY 41:8

“Hri chichhihpa ta patu ha ta, Â ziana tawhta thyu heih khao aw vei,” ama tah.

HLAZY 86:5

Hy Abeipa, nâ cha Khazoh phapa nata a ngiahthai theituhpa châ chi ta, Châ padotuhpazy chô liata zawngiahna a hnei hluh ngaitapa na châ.

PUASAINA 15:26

ama hnohta, “Abeipa Khazohpa ao pakhâta ta nathliepa ta, a mohmô liata hmo dopa taopa ta, a biepiepazy nathliepa ta, a bieraopazy na zyh khiahta cha, Izi mo chô liata hri ei patlôsapazy kha, na chô liata kheihawhpa hmah patlôsa aw va na, Kei he Zehôvâh Râfâ ei châ,” tah ta.

PUASAINA 34:7

chyhsa sâh hluhpi chô liata ngiachhiena palâsa ta, taopasina nata paraona nata moleinazy a ngiahthai ta, thailei a châpazy deikua hrie leipa ta a pakhôsa leipa, pawzy hmoparaona cha saw nata samoh sahlâhzy chô liata patlôsa ta, chhâ thôhna nata chhâ palihna taihta a patlôsapa,” tahpa ta a phuah ta.

ISAI 33:24

Khihsaw ahy hmahta, “Tlâh va na,” tah khao leipa aw ei ta; Cha liata a pahrâpa phopi cha, Ama moleina a ngiahthaipa a châ aw.

ISAI 38:17

Pachâ tua, nôpona thata ei tyhpa kha, Keima pha nawpa châta tlao a vaw châ. Châhrasala kyhpachâna ta ei hrona na pachha chi ta, Raona khaohtlô tawhta eina pachha ha chi; Ei moleina zydua kha, Na hnohky lâ na thy khai haw.

ISAI 43:25

“Kei, keima tlai he, Ei moh vâta na paraonazy a phietuhpa châ na ta, Na moleinazy a thei khao aw va na.

ISAI 53:5

Châhrasala ano cha, Eima moleinazy vâta hmah phaohpa ta y ta, Eima paraonazy vâta thi padôhpa ta a y; Eima thlalôh nawpa ta, Chhoreina a chô liata tlu ta, Ama chheina hreichheihpazy ta Patlâhpa ta eima y haw.

ZEREMIAH 17:14

Hy Abeipa, na patlâh mah y, Chatanachata ei vaw tlâh ha aw; Na pachha mah y, Chatanachata pachhapa ta ei y aw; Nâma deita he reithaina ei hlâ tyhpa cha na châ.

MALUHREINA 12:13

Mawsi ta Abeipa awsao ta, “Hy Khazohpa, Miria he ngiachhiepa ta patlâh mah y, ngiachhiepa ta,” tah ta.

MÂKA 2:5

Zisu ta amâ ngiapâna cha a hmô nahta, asypa hnohta, “Ei sawchapawpa, na moleinazy a ngiahthaipa a châ haw,” tah ta.

EPHESI 1:7

A thisaih vâta ano liata chatlaina hnei pi ta, cha cha a ngiachhiena hneirôhzie lymâ hawhta, eima paraonazy angiahthaina a châ.

ZÂMIE 5:15

Ngiapâna ta thlahchhâna ta tlâhleipa cha pachha aw ta, Abeipa ta ano cha a pathyu aw. Moleina hmo a taopa a châ khiahta cha, a ngiahthaipa a châ aw.