HLAZY 103:2 - Mara Bible RV (BSI)

² Hy ei thlahpa, Abeipa cha reithai la, A hmotao phapa zydua my khah y.

HLAZY 103:2 Cross References

2 THÂTIHZYRONA 32:25

Châhrasala Hezekia cha palôh laipa ta y ta, ano châta hmo phapa taopa cha phana ta pie palie leipa ta. Chavâta ano nata Zudâh nata Zerusale chô liata pathiiana vaw tlô ta.

HLAZY 105:5

A hmotao noâhpazy a thei thlâh ha u la, A hmonoâhpazy a theipa ta, A pachiana biezy a thei thlâh ha teh u.

HLAZY 106:21

Âmo pachhatuhpa Khazohpa my ei ta, Izi râh liata hmo rônahpazy a taotuhpa kha ama my haw.

HLAZY 106:7

Miah pathlatuhpazy Izi râh liata ama y no kha, Na hmotao noâhpazy pachâ veih ei; Na kyhpachâna rônahpa a thei leipa ei ta, Tilaipi liata cha chakhia ei ta, Tilaipi Saihpa liata ama cha chakhia.

HLAZY 116:12

Ei chô liata a phana zydua vâta, Abeipa cha khâpa ei pie hri aw?

ISAI 63:1

Chysia saihdôhpa ta a tobi ta, Edômâ râh Bôzrâ khihpi tawhta a vypa hao Ahy ma a châ tly? Poh rônahpa a bu ta, Thatlô ngaitapa ta hrâ a vaw siepa hao Ahy ma a châ tly? “Keima na ei châ; Siana ta bie reih na ta, Pachha awpa ta thatlôna a hneipa ei châ,” Abeipa ta a tah.

ISAI 63:7

Abeipa cha ato miah pietuhpa châ ta, A zawngiahna nata a ngâchhihna lymâ hawhta, Izarei chô liata a pha ngaitapa a châ; Chavâta Abeipa ngâchhihna cha, Khâ a thei aw na ta; Abeipa reithainazy cha, Khâ ei thei thlâh ha aw.

RYHPACHANEINA 32:18

Châ satuhpa Lôpanô pachâ khao leipa ei chi ta, Châ taotuhpa Khazohpa nama my haw.

RYHPACHANEINA 32:6

Hy nâmo, ahrupa nata angâpa phopi, Cha hawhta ma Abeipa cha viari nama thô? Ano cha châ taotuhpa nama paw châ ta, Cha tao ei ta nâmo châ paduatuhpa châ vei ma?

RYHPACHANEINA 6:12

a chado kaw muh vy. Chataleipatala Izi râh, seichâna o tawhta châ chhi papuatuhpa Abeipa nama my pathlei aw na.

RYUREITUHPAZY 5:2

“Chhituhpazy ta Izarei liata chhihtha ei ta, Phopi âmo kho ta amâ vaw hlâ lymâ; Abeipa cha reithai teh u!

RYUREITUHPAZY 5:9

“Izarei ryureituhpazy lâta ei palôh sie ta, Zawpi hry tawhta âmo kho ta a vaw hlâpazy lâna tlai cha ei palôh a sie. Abeipa cha reithai teh u!