HLAZY 102:1 - Mara Bible RV (BSI)

¹ Hy Abeipa, ei thlahchhâna he thei la, Ei awna ao nâ lâ vaw tlô mawh sy!

HLAZY 102:1 Cross References

2 THÂTIHZYRONA 30:27

Theihthaipazy nata Livai pathlazy thyu ei ta, zawpizy cha byhnâ awpa ei ta. Ama ao theipa châ ta, ama thlahchhâna cha Abeipa pahrâna vârâh tlô ta.

HLAZY 12:5

“Dyhchhiepazy hraopa châ ei ta, Phahlapazy amâ hrôpa vâta, Tahmâ thyu aw na ta, Âmo a teituhpazy tawhta ei pabohsa aw ei,” Abeipa ta a tah.

HLAZY 143:4

Chavâta ei thlahpa kei liata panao ta, Ei palôh kei liata ngiarohna ta a bie.

HLAZY 143:7

Hy Abeipa, thlai na chyhei mah y! Ei thlahpa a panao ha hih! Na hmia na nyusai khah y, Chataleipatala khaohtlô lâ a zupazy hawhta ei y pathlei aw na.

HLAZY 145:19

Ano a chituhpazy khopa hlao patloh tyh ta, Ama awna ao thei ta a pachha tyh ei.

HLAZY 18:6

Nôpopa ta Abeipa cha pado na ta, Na bao awpa ta ei Khazohpa ei aw. Achhyna o tawhta ei ao thei ta, Ei awna ao a nah liata â ngia.

HLAZY 39:12

“Hy Abeipa, ei thlahchhâna theipa ta, Ei awhna lâ he nah vaw pachôh la, Ei mothlihzy he a chalihsai khah y! Na hnohta khitlyhpa châ na ta, Nâ pathlatuhpazy hawhna khata, Khichhaipa dei ei châ hih.

HLAZY 42:4

Ei hro ei palâhâh nahta, He hmozy he ei thei tyh: Zasâh manôhzy hnohta sie hrapa ta, Khazohpa o lâ a pangaipazy chhihtha tyh ei na ta; Thaphapa ta awh ta alyna bie reina chôta, Kyhchhi a hmâhpazy ei chhihtha tyh ei.

HLAZY 5:2

Ei Beipa nata ei Khazohpa, Ei awna ao he nathlie mah y, Nâma lâ thlah a chhâpa ei châ hih.

HLAZY 61:2

Ei palôh chhâ daihti liata, Alei chhâna tawhta cha pado na ta, Kei hlâta a sâh viapa lôpanô lâ nâ chhi mah y.

HLAZY 62:8

Hy chyhsazy saih u, ano cha khâ ngâ u la, A hmiakô liata nama palôh pakeichheih muh vy; Khazohpa cha eimâ chhaina a châ. Selah

HLAZY 77:3

Khazohpa ei thei châh ta, A hrô na ta; Ei pachâ châh ta, Ei thlahpa tha a chhâ tyh. Selah

PUASAINA 2:23

Daihti vâropi a châ tawhta, Izi bei cha thi ha ta. Izarei sawzy cha ama seichâna vâta a hrô ei ta, baotuhpa aw ei ta. Ama seichâna tawhta pachha awpa ta ama awna ao cha Khazohpa kô kaw tlô ta.

CHAPHÔHTUNA 3:44

Meihdo poh a bu chi ta, Thlahchhâna ta meihdo sie pahlie thei vei.

CHAPHÔHTUNA 3:8

Baona hiapa ta ei awsaopa chhao ta, Ei thlahchhâna a khaw haw.

LUKA 22:44

A pachârôh ngaita ta, phahnai a ngiah via heihpa ta thlahchhâ ta. A mathlai di thisaih hawhta alei liata tla ta.

HEBRAI 5:7

Sapa pôhpa ta a hro chhôh ta, Zisu cha thina tawhta a pachha theituhpa lâ ao paro ngaitapa ta mothlih chhaota awh ta, thlahchhânazy nata hianazy hlâ ta, Khazohpa a chizana vâta a thlahchhâna cha nathliepa a châ.

RYUREITUHPAZY 10:16

Chatanachata ama hry liata râh hropa khazohzy thypa ta, Abeipa cha chakao ei ta. Izarei nôpona cha Abeipa ta taokhei ngaita ta.

1 SAMUELA 9:16

“Mylâ, he daihti liana heta, Benzami râh tawhta nâ lâta chyhsa pakha vaw pasiesa aw na ta, ei phopi Izarei chô liata ryureituhpa châta sathaw na thu aw. Ano ta ei phopi cha Philistinâ mo ku tawhta a pachha aw. Ei phopi chapa pyu ta ei kô kaw daih ta, ei phopi pasataona ei hmô haw,” tahpa ta vaw pahnosa chhielie ha ta.