HLAZY 101:3 - Mara Bible RV (BSI)

³ Hmo pha leipa kheihawhpa rai, Ei mohmô liata soh aw va na. Lâpi a tleipazy hmotaopa a hao na ta, Kei liata a bai aw vei.

HLAZY 101:3 Cross References

ZAWBÂ 31:1

“Ei mo châta biehrai tao ha na ta, Kheihta ma laihsa kôpa cha ei moh thei aw?

HLAZY 119:113

Lôh no a phaohpa chyhsa cha a hao na ta, Kei deikua cha na ryhpa ei pasô.

HLAZY 119:37

Ei mo he hraoleipa hmozy mona tawhta paheisaisa la, Na lâpizy achhihna liata hrona na pie mah y.

HLAZY 125:5

Lâpi akopazy lâta a tleipazy deikua cha, Abeipa ta hmoparaopazy hnohta a papua aw ei! Izarei chô liata thlalôhna y mawh sy!

HLAZY 139:22

Âmo cha a hao chhâna ta a hao ei na ta, Ei chariahpazy ta ei pachâ ei.

HLAZY 14:3

Pavia khai ha ei ta, Avyuhna liata amâ ngia khai haw; Hmo pha a taopa rai y veih ei, Pakha hmah y veih ei.

HLAZY 36:3

A pakah biezy cha haipa nata dôveina bie sai châ ta, So kawpa nata a phapa ta hmotaopa a bâsai haw.

HLAZY 39:1

“Ei paleih ta hmo a parao lei nawpa ta, Ei yziezy a phapa ta vaih aw na ta; Moleipazy ei mohmô liata ama y chhôh zydua cha, Ei pakah he hmao hina ta ei hi aw,” tah na ta.

HLAZY 40:4

Abeipa a ngâpa chyhsa cha a nohlao na; Ano cha apalaipa lâ a heih leipa ta, Haipa bie lâta a pavia leipa a châ.

HLAZY 41:9

Viasa lôhkhy ei ngâpa, Ei pati a niepa taihta, A phei eina thuah thlu.

HLAZY 78:41

Khazohpa pasia chanei ngâ thlâh ha ei ta, Izarei Mo Pathaihpa ru ama pachhô chanei heih tyh.

HLAZY 78:57

Kua ei ta âmo pathlatuhpazy hawhta, Piehpie ngaitapa ta hmotao ei ta; Libaw doleipa hawhta, A pahnieh tlâh châ veih ei.

HLAZY 97:10

Nâmo, Abeipa kyh a pachâtuhpa zydua saih u, Moleina a hao muh vy; Ano cha a mopathaihpazy hrona pabohsa ta, Hmoparaopazy ku tawhta a pachhatuhpa a châ.

PUASAINA 20:17

“Na vaih o na uahva awpa châ vei. Na vaih lapinô na uahva awpa châ leipa ta, a seichapaw tlyma, a seichanô tlyma, a viahchao tôhpa tlyma, a alâ tlyma, na vaih hmo kheihawhpa rai na uahva awpa châ vei,” tah ta.

PUASAINA 32:8

Ei biepiepazy thlai tleisaipa ta, viahchaotaw nothlahpa a tao ei ta, cha cha amâ chhy. Ano lâ a theih ei ta, ‘Hy Izarei, he he Izi râh tawhta châ kaw chhi papuatuhpa na khazoh a châ hih!’ ama tah,” tah ta.

BIESOZY 6:12

Chyhsa dyutlai leipa, chyhsa moleipa cha, Pakah hloh chhaota â khie tyh.

BIESOZY 6:13

A mo ta mopasihpa ta, A phei ta hria ta, A kudy ta a dy tyh.

BIESOZY 6:25

A chhithaina cha na palôh ta tlaichhai leipa sala, A mopadei ta a cha patu awpa a pasaih khah y.

BIESOZY 8:13

Abeipa china cha moleina a haopa a châ. Apalaina nata apasâhsana a hao na ta, Moleina hro zy ei hao; Phichhyhpa bie chhao ei hao.

BIECHHOTUHPA 6:9

Hnei thei leipa hmo khopa vâta palôh a zawvaw ngâpa hlâta cha, mo ta hmôpa hneipa rakha liata palôhtlâh a paopa a pha via. Cha chhao cha hraoleipa châ ta, thlih a chadaipa dei a châ.

ISAI 30:11

Lâpi siesai u la, Lâthlôh tleisai teh u; Izarei Mo Pathaihpa thâtih chhao, Miah chho khao khah u,” ama tah.

ISAI 33:15

Siana ta chareipa ta bie dopa a reihpa, Avyuhna taopa ta athôhna hmôpa a dythapa, Panaopapana la lei awpa ta a ku a phaihpa, Thisaih palona bie a thei lei nawpa ta a nah a chahupa, Moleina lâ mo lei awpa ta a mo a pasopa,

ZEREMIAH 22:17

Châhrasala nâ cha athôhna doleipa châ deita ta Mokhaoh nata palôh hnei chi ta; Thaileina a hnei leipa thisaih palo ta, Tlybaina nata thachahra hmâna châ deita ta Mokhaoh nata palôh na hnei.”

MIKÂ 2:2

Lyuzy uahvapa ta chhu ei ta, Ozy chhao uahvapa ta amâ la tyh; Chyhsa o chhu ei ta, Chyhsa ryu ama chhu tyh.

ZEKARIA 8:17

Nama vaih chhie nawpa kyh nama palôh ta patuapalua leipa u la, haipa ta bie a taihpa hmâh khah u. He zydua he ei hao,” Abeipa ta a tah.

MATHAI 5:28

Châhrasala ei cha chho ei, ahy rai aohraohpa ta chanô a mohpa cha, a palôh ta chanô liata â phei haw.

RAWMA 12:9

Kyhpachâna cha haiphiana a hlao leipa châ mawh sy. Moleina a hao u la, hmo phapa khâchâ patu muh vy.

KALATIA 4:9

Tahmâ cha Khazohpa nama pahno haw. Khazohpa ta a pahnopa nama châ haw tah awpa tlao a châ. Cha hawhta nama châ tawh hmâchhâh ta, kheihtazieta khizaw ryhpa chiehleipa nata phahnai leipa lâ nama kua thlâh heih tly? Ama sei ta y heih awpa ma nama tlaichhai?

RYHPACHANEINA 13:17

Hraona sôh hmoziehpazy kheihawhpa hmah nama hria awpa châ vei. Chatanachata Abeipa cha a hiehâhna ru ngaitapa tawhta a palôh pananopa ta, a zawngiahna nama chô liata palâsa aw ta, châ pathlatuhpazy hnohta bie â taihpa hawhta, cha ngiachhie aw ei ta, a cha papôh aw ei.

RYHPACHANEINA 15:9

A vaih teh u, chataleipatala, ‘Dyuchei ngiahthaina kô, kô sarina a vaw tlô daihmâ haw,’ tahpa ta nama unawh dyhchhiepa cha uasa a chhuah leipa ta, bao khoh leina palôh chhiepa nama hnei pathlei aw. Cha hawhta nama y khiahta cha, Abeipa lâ cha tlôkhei aw ei ta, nama châta moleina a châ aw.

HEBRAI 10:39

Châhrasala keimo la, leidia awpa ta hnôh a sypa sahlao liatapa châ ma pi. Ngiapâna ta hro a pabohsa awpazy tlao eima châ.

ZAWSUA 23:6

Chavâta Mawsi ryhpa châbu liata ropa zydua riahphapa ta zyh u la, tao teh u. Chachâh lâ tlyma, chavei lâ tlyma, tleisai cheita khuh vy.

2 PITY 2:21

Siana lâpi pahno ha tlôh ta, ama hnohta biepiepa pathaihpa pavaosapa a heihsai heihpa hlâta cha, siana lâpi pahno leipa ta vaw y lâlao ei sala ama châta a pha via awpa tlai.

1 ZAWHÂNA 2:19

Âmo cha eima hry tawhta pua ei ta, châhrasala eima chyhsa hmeiseihpa châ veih ei. Eima chyhsa hmeiseihpa châ ei sala, eima hnohta ama y lymâ aw. Châhrasala ama zydua ta eima chyhsa hmeiseihpa châ veih ei tahpa a lâ pasia nawpa ta, miah ama puasai haw.

1 SAMUELA 15:11

“Sawla bei ei vaw taopa he la, ei ngiapachhi kaw na. Kei na pazi leipa ta, hnôh na chhy ta, ei biepiepazy zyh vei,” tah ta. Samuela cha a hiehâh ngaita ta, azozâkhihdei ta Abeipa pado ta.