HLAZY 101:2 - Mara Bible RV (BSI)

² Phapakipa ta hro ei chhuah aw, Khati ta kei lâ nâ vy aw? Palôh dopa phaopa ta, Ei o liata ei vaw y aw.

HLAZY 101:2 Cross References

ÂTHAONA 18:19

Ano hnôhlâ ta a sawzy nata a chhôhkhazy ta Abeipa lâpi a chhihpa ta, siana nata adona tao awpa ta bie a pie thei nawpa ei ta, ano cha ei tlyhpa a châ. Chatanachata Abeipa ta Abarahâ hnohta bie â taihpa zydua a patlôsa aw,” tah ta.

2 SAMUELA 8:15

Chatanachata Dâvi cha Izarei saw zydua chô liata ryureih ta. Dâvi cha a phopi zydua châta adona nata siana ta ryureih ta.

1 ABEIZY 11:4

Sawlawmaw cha a vaw machâ nahta, a lapinôzy ta khazoh hropazy lâta a palôh patleisa ei ta, a paw Dâvi palôh hawhta Abeipa a Khazohpa lâta a palôh tlokhuh hlâ thei khao vei.

1 ABEIZY 9:4

Nâ chhao, na paw Dâvi hawhta palôh dopa nata siapa phaopa ta ei mohmô liata y la, bie ei cha piepa zydua tao la, ei bieraopazy nata ei pachianazy na zyh khiahta cha,

2 THÂTIHZYRONA 15:17

Su sâhpazy deikua cha, Izarei râh tawhta pahlei vei. Chatahrasala Âsâ cha â bei chhôh zydua ta palôh dopa a phaohpa a châ.

2 THÂTIHZYRONA 30:12

Abei nata beimachâzy ta Abeipa bie hawhta bie ama piepa cha tao awpa ta, Khazohpa ku cha Zudâh chô liata y ta, Zudâh pathlazy cha palôh miakha paphaosa ta.

HLAZY 101:6

Râh chyhsa ngâchhihpazy Ei hnohta ama pahrâ thei nawpa ta, Âmo cha khokheipa ta moh aw ei na ta; Phapakipa chyhsa ta eina chakao aw.

HLAZY 119:106

Na ryhpa siapazy zyh awpa ta, Bietai taopa ta ei pa-i haw.

HLAZY 119:115

Nâmo, moleina hmo a taopazy saih u, Ei Khazohpa biepiepazy ei zyh thei nawpa ta, Na siesai syulyu ha teh u.

HLAZY 26:11

Kei deikua cha, ei dona ta hroh aw na ta, Na chatlai la, na ngiachhie mah y.

HLAZY 40:17

Kei la dyhchhiepa nata phahlapa châ na ta, Châhrasala Abeipa ta eina pachâ tyh. Hy ei Khazohpa, Nâ cha nâ baotuhpa nata nâ pachhatuhpa châ chi ta, Rie hawh khah y!

PUASAINA 20:24

Keima châta alei maisâh tao aw chi ta, cha chô liana chata nâma châta raopa atheihnazy nata aryhna atheihnazy châta na mietakuzy nata na viahchaozy na hlâ tyh aw. Ei moh a thei thlâh ha nawpa ta ei raona su maih liata na hnohta a vy aw na ta, byhnâ ei cha awpa tyh aw.

ISAI 38:3

“Hy Abeipa, na hmiakô liata ngâchhihpa nata palôh phao phapakipa ei hnei tyhzie nata na mohmô liata hmo phapa ei tao tyhzie zy kha ngiachhiepa ta a thei thlâh ha mah y,” tah ta. Hezekia cha thata cha ta.

RYHPACHANEINA 6:7

Nama sawzy phahnai khoh ngaitapa ta pachu aw ei chi ta, nama o liata namâ tyu nota zy, lâpi liata nama sie nota zy, namâ zia nota zy, nama thyu daihti zy liata nama reih tyh aw.

ZAWSUA 24:15

Abeipa chakaopa cha a pha lei awpa hawhta nama pahno khiahta cha, tanoh he ahy ma nama chakao aw, a tlyh teh u. Châ pathlatuhpazy ta Chavah haosâ liata ama chakao tyhpa khazohzy kha ma, nama pahrâ haipa râh Amawri mo khazohzy he ma, a tlyh teh u. Kei nata ei chhôhkha ta la Abeipa eima chakao aw,’” tah ta.

1 SAMUELA 22:14

Ahimele ta abei cha a chhy ta, “Châ chakaotuhpa zydua hry liata, abei piahpa Dâvi hawhta ngâchhihpa chyhsa he ahy ma a y? Ano cha na pheisaih hyutuhpa châ ta, na o liata chyhsazy ta ama za ngaitapa châ vei ma?