HLAZY 100:4 - Mara Bible RV (BSI)

⁴ Alyna bie reina chôta chhikao liata a ngia u la, Reithaina chôta a dôhpachhôh tlyhmia liata a ngia teh u! Alyna bie hlâ u la, A moh reithai teh u.

HLAZY 100:4 Cross References

1 THÂTIHZYRONA 29:13

Chavâta eima Khazohpa y, tahmâ alyna bie cha hlâ pi ta, na moh rônahpa eima reithai.

1 THÂTIHZYRONA 29:20

Dâvi ta zawpi zydua hnohta, “Abeipa nama Khazohpa cha reithai teh u,” tah ta. Zawpi zydua ta Abeipa, ama pathlatuhpazy Khazohpa cha reithai ei ta, a bôh ei ta, Abeipa nata abei cha a naoh ei ta.

HLAZY 122:2

Hy Zerusale, eima pheizy cha, Na chhikaozy thaby liata â duah thlâh hih!

HLAZY 122:4

Izarei châta biepiepa raopa hawhta, Abeipa moh reithai awpa ta, Cha khihpi lâ cha Izarei chizy ta khy tyh ei ta, Abeipa chizy ta ama khy tyh.

HLAZY 65:1

Hy Khazohpa, Zaio liata reithaina ta cha hâ thlâh ha ta, Bietaizy nâma liata patlôpa a châ aw.

HLAZY 66:13

Raopa hlânazy chhaota na o liata a vaw ngia aw na ta, Ei bietaizy nâ liata ei patlô aw.

HLAZY 95:2

Alyna bie reipa ta a hmiakô lâ vawh ei sih la, Reithaina hla sapa ta thaphapa ta ano lâ ao papua ei suh u!

HLAZY 96:2

Abeipa lâ hla sapa ta a moh reithai u la, Noh chareih a pachhana bie chho teh u.

HLAZY 96:8

Abeipa cha a moh rônahna patosa u la, Hmohlâpa cheipa ta a dôhpachhôh tlyhmia lâ a vy teh u!

HLAZY 99:3

Na moh rônahpa nata zachhihpa cha reithai mawh ei sy! Abeipa cha a pathaih na!

ISAI 35:10

Abeipa chatlaipazy cha kua heih aw ei ta, Hla sana chôta Zaio ama pangai aw. Chhâzaw alyna ama luh chô liata y aw ta, Thaphana nata alyna hmô aw ei ta, Pachârôhna nata ahrôna y khao aw vei.

HEBRAI 13:15

Chatanachata ano zawhzi ta reithaina atheihna cha Khazohpa hnohta khâ hlâ suh vy. Cha cha a moh achâhkheina hmaozy theilâpa a châ.