HLAZY 10:7 - Mara Bible RV (BSI)

⁷ A pakah cha chhiesana, dôveina nata tlybaina zy ta bie ta, A paleih ry cha chhoruna nata paraona zy ta a bie.

HLAZY 10:7 Cross References

ZAWBÂ 15:35

Nôpona saw phaopa ta, Moleina saw sa ei ta, Ama chhi ta dôveina a papua tyh,” tah ta.

ZAWBÂ 20:12

“Moleina cha a pakah liata thlôh kaw ta, Chavâta a palei ry liata nyu ta,

HLAZY 12:2

Chyhsa to ta ama vaihzy hnohta haipa bie reih ei ta, Reithai pakheina hmao ta reithaipa ta, Haidihaiduahna palôh ta bie ama reih tyh.

HLAZY 140:3

Ama palei parih paleih hawhta patiahsa ei ta, Ama hmao ry liata vâzi châmaih a y. Selah

HLAZY 140:9

Nâ teituhpazy hmao tawhta bie chhiepa a puapazy cha, Âmo luh chô liata tla thlu mawh sy!

HLAZY 144:11

Ama pakah ta haipa bie a reih tyhpa, Chihropazy ku tawhta na pachhapa ta na pabohsa la; Ama ku chachâh lâ adoleina ku a châpazy tawhta, Na pachhapa ta na pabohsa mah y.

HLAZY 144:8

Ama pakah ta haipa bie a reih tyhpazy châ ei ta, Ama ku chachâh lâ cha adoleina ku a châ.

HLAZY 36:3

A pakah biezy cha haipa nata dôveina bie sai châ ta, So kawpa nata a phapa ta hmotaopa a bâsai haw.

HLAZY 41:6

Nâ hmô awpa ta a vypazy ta bie thuthâ leipa sai reih ei ta, Ama palôh ta moleina pachôpakhy ei ta, Pua ei ta, ama pathâhsa tyh.

HLAZY 5:9

Ama pakah liata ngâchhihna y leipa ta, Ama palôh cha paraona ta a bie. Ama rao cha thlâ a pahypa châ ta, Ama paleih ta hmiahmô ama châ tyh.

HLAZY 50:19

“Na pakah moleina lâ pie chi ta, Na paleih ta dôveina bie a tao tyh.

HLAZY 52:4

Hy nâ, dôvei a thaipa paleih, Chyhsa a palâ khaipa bie to na pasô rimâ cha!

HLAZY 55:21

A pakah cha sâhpiti kuapa hawhta pahnia ta, A palôh lia deikua adyuhna ta a bie. A biezy sathaw hlâta nai via ta, Châhrasala zaozi phia hapa a châ.

HLAZY 58:3

Moleipazy cha chhi tawhta nomâpa châ ei ta, Ama pipa nahta lâpi paviapa ta, Haipa biezy ama reih lymâ.

HLAZY 59:12

Ama pakah moleinazy vâta, Ama hmao biezy vâta, Amâ palaina lia tlai ta a ao mawh ei sy. Chhiesana bie nata haipa bie ama reipazy vâta,

HLAZY 59:13

Âmo cha na pathiiana ta kâsao khai sala, Khazohpa cha Zakaw pathlazy chô liata ryureih ta, Khizaw kaokih taihta ryu a reih tahpa pahno mawh ei sy. Selah

HLAZY 62:4

A duahmo sâhpa tawhta chati pathlah awpa ta tei ei ta, Haipa bie reipa liata amâ ly kaw tyh. Ama pakah ta byhnâ aw ei ta, Ama palôh ta chhie ama sa tyh. Selah

HLAZY 64:3

Chazy chata zaozi hawhta ama paleih chata ei ta, Châtai hawhta bie khapazy ta ama mopâ.

HLAZY 7:14

Moh teh u, moleipa ta paraona saw a zeih ta, Chhoruna saw phaoh ta, Haipa saw a sa tyh.

HLAZY 73:8

Chyhsa pahneisaopa ta bie chhiepa reih ei ta, A palai ngaitapa ta tlybaina bie ama reih tyh.

BIESOZY 21:6

Paleih haihthaipa ta sôh hmôpa cha, Ti hu a lei haipa nata thina khoheih a châ.

BIESOZY 30:8

Adoleina nata haipa zy kei tawhta lâhlapi lâ pasie ha la, Dyhchhiena tlyma hneirôna tlyma na pie leipa la, Ei ngiahpa rakha ta na pasa lymâ mah y.

ISAI 59:4

Ryureina liata adona a duakheipa y leipa ei ta, Biedopa a reihpa y veih ei. Bie ruapa a duakheipa ta, Haipa biezy reih ei ta; Adoleina saw phaoh ei ta, Moleina saw ama sa tyh.

ZEREMIAH 9:3

“Ama paleih libaw hawhta pako ei ta, Biedopa hlâta haipa bie râh liata tlao a laiseih via. Moleina tawhta molei viana lâ tôh lymâ ei ta, Kei na pahno veih ei,” Abeipa ta a tah.

ZEREMIAH 9:6

Tlybaina chô liata tlybaina hropa pacho thlu ei ta, Dôveina chô liata dôveina hropa ama pacho thlu; Kei na pahno khoh veih ei,” Abeipa ta a tah.

AMÔSÂ 8:4

Nâmo, phahlapazy palâ khai ei chi ta, Râh liata rietheipazy a thie khaipazy saih u, He bie he thei teh u.

MATHAI 12:34

Vâzi pathlazy saih u, nâmo moleipazy ta kheihta hmo phapa nama reih thei aw? Palôh liata a bie pakhôpa cha pakah ta a reih papua tyh.