HLAZY 10:4 - Mara Bible RV (BSI)

⁴ Hmoparaopa apalaina hmia a phaohpa cha, Khazohpa tlua leipa ta, A pachâna zydua liata, “Khazohpa y vei,” a tah tyh.

HLAZY 10:4 Cross References

ÂTHAONA 6:5

Alei chô liata chyhsapa cha thata vaw molei ta, a palôh phaozie chhao, khatino rai ta moleina lâ a heihpa a châzie Abeipa ta hmô ta.

ZAWBÂ 22:17

Khazohpa hnohta, ‘Maniah siesai teh, Atotaotheipa ta eima chô liata khâpa ma a tao thei tly?’ tah ei ta.

HLAZY 101:5

Ahy rai arulâta a vaih a leihtuhpa cha, Ei pahleipadia aw. Ahy rai a mo â sâhpa nata palôh laipa cha, Chhyh thai aw va na.

HLAZY 18:27

Areisipa pachha chi ta, Akhotlâhpa na panawh tyh.

HLAZY 27:8

“Ei hmia na tlua muh vy,” tah chi ta, “Hy Abeipa, na hmia tlai cha ei tlua,” tahpa ta, Ei palôh ta a cha chho.

HLAZY 36:1

Moleina ta moleipa palôh chhôh chaipa liata bie reih ta, Moleipa mohmô liata cha Khazohpa china rai y vei.

HLAZY 53:1

Ahrupa ta a palôh liata, “Khazohpa y vei,” a tah tyh. Avyuhna tao ei ta, Moleina pasi chhihpa tao ei ta, Hmo pha a taopa rai y veih ei.

HLAZY 73:11

“Khazohpa ta kheihta ma a pahno thei aw? Chônôchaipa ta pahnona a hnei ma?” ama tah.

PUASAINA 5:2

Phiraoh ta, “Abeipa cha ahy maw? A bie zyh ta, Izarei cha ei pasiesa awpa cha ahy ma a châ? Abeipa cha pahno va na, Izarei chhao pasiesa aw va na,” tah ta.

BIESOZY 21:4

Mo a sâhpa nata palôh laipa cha moleina châ ta, Cha cha moleipa meiôh a châ.

BIESOZY 30:13

Ama mo a sâh kawpazy chhao y ei ta, Ama mo vozy â sâh lâ sai ta a sai tyh.

BIESOZY 30:9

Chataleipatala lôhrâtlôpa ta y aw na ta, “Abeipa cha ahy ma a châ?” tahpa ta, Ei châ paphasai pathlei aw na. Dyhchhiepa ei châ khiahta cha paru aw na ta, Khazohpa moh ei pachhie pathlei aw na.

BIESOZY 6:17

Chazy cha, â khotlâhpa mokhaohzy, Paleih haihthaipa, Paraona a hnei leipa thisaih a palopa kuzy,

BIECHHOTUHPA 8:11

Moleina hmo a taopazy cha thlai ta hriepa ama châ leipa vâta, chyhsa sawzy palôh cha moleina kyh liata a riah a pha tlamaw tyh.

ISAI 2:11

Chyhsa mo apasâhsana cha pahnaipa châ aw ta, Chyhsa apalaina chhao panawhpa châ aw ta, Cha noh liata cha Abeipa deita cheihchalopa a châ aw.

ISAI 3:9

Ama hmia phao ta ama châna palâsa ta, Ama moleina Sawdawmâ hawhta ama phuah; Nyu veih ei. Ama hu a po na! Âmosasyh ta raona amâ taopa a châ.

ISAI 59:7

Ama pheizy cha, Hmo pha leipa tao nawpa lâ a râ ta; Thaileina a hnei leipa thisaih palo awpa ta, Ama phei a chatlie kaw tyh. Ama pachânazy cha, Moleina hmo pachânazy châ ta; Ama lâlaizy liata Roryhrana nata paraona zy a y.

ISAI 65:2

Âmo pachânazy zi ei ta, Lâpi pha leipa a chhihpa chhorupazy lâta Noh y ta ei ku ei pazawh tyh.

ZEREMIAH 2:31

Hy Nâmo, he chhâ sawzy saih u, Abeipa bie nathlie teh u. Izarei sawzy châta râhchawhpa hawhta ei châ beih ma? Râh zoh kaluhpa hawhta ei châ beih ma? Cha ta a châ tlôh khiahta cha, Khazia ei phopi ta, ‘Khotalaina eima hmô haw, Nâ lâ a vy khao aw ma pi,’ ama tah tly?

ZEREMIAH 4:14

Hy Zerusale, pachhapa ta na y thei nawpa ta, Hmo pha leipa tawhta na palôh pasi ha mah y. Khachâ taih ma pachâna moleipa nâ vao aw?

ZEPHANIA 1:12

Cha daihti liata, Meiôh ta Zerusale ei tlua aw; Nyu chaopahrâ liata Kresawhti didâh hawhta Chhôhmohpa ta y ei ta, Ama palôh liata, ‘Abeipa ta hmo phapa tao leipa aw ta, Hmo chhiepa chhao tao hlei aw vei,’ A tahtuhpazy ei hrie aw ei.

ZEPHANIA 2:3

Nâmo, khizaw liata areisipa zydua saih u, Abeipa cha pado u la; Nâmo, a biepiepa a zyhpa zydua saih u, Abeipa cha pado teh u. Siana tlua u la, Nawhna tlua teh u; Chatanachata Abeipa hiehâhna noh liata Nyupa nama châ aw.

MÂKA 7:21

Chhôh tawhta, chyhsapa pathipalôh tawhta, pachâna moleipazy a kaw pua tyh. Apatlana, paruna, lianycheina, apheina,

HMOTAOPAZY 8:22

Chavâta na moleina ro la, na palôh phaozie a châ ngiahthai thei nawpa ta, Abeipa lâ thlahchhâ mah y.

RAWMA 1:21

Khazohpa cha pahno taraw ei ta, châhrasala Khazohpa hawhta palyupalih leipa ei ta, alyna bie hlâ hra veih ei. Hmo hraoleipa tlao pachâ via ei ta, ama pathipalôh hruna cha a vaw zoh haw.

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

EPHESI 2:12

Kha nona kha, Krista a hlao leipa ta y ei chi ta, Izarei râh nata a maniahpa ta, bietai biehraizy liata khichhaipa châpa ta, hnabeiseihna hnei leipa nata Khazohpa hnei leipa ta khizaw liata nama y.

RYHPACHANEINA 8:14

nama palôh lai aw ta, Izi râh seichâna o tawhta châ chhi papuatuhpa Abeipa nama Khazohpa nama my pathlei aw.