HLAZY 1:6 - Mara Bible RV (BSI)

⁶ Abeipa ta mosiapazy lâpi cha pahno ta, Hmoparaopazy lâpi deikua cha a leidia aw.

HLAZY 1:6 Cross References

ZAWBÂ 23:10

Châhrasala lâpi ei chhihpa pahno ta, Eina pasia khai tawhta la ngôh hawhta ei vaw pua aw.

HLAZY 112:10

Moleipa ta cha cha hmô aw ta, A hie a hâh ngaita aw; A hâh charieh aw ta, A zao khai ha haw; Moleipa khona cha a leidia aw.

HLAZY 142:3

Keima liata ei thlahpa a panao nota, Ei lâpi na pahno. Ei siena lâpi liata, Khoheih eina chôkhâh tyh ei.

HLAZY 142:4

Ei chachâh lâ a heih la moh tua rai, Nâ pahnopa y khao veih ei; Ei chhai nawpa y khao leipa ta, Ei hro kyh a pachâpa y khao veih ei.

HLAZY 146:9

Abeipa cha mapaihpazy vaih ta, Nôhmei nata paw hnei leipazy a deichhy tyh; Hmoparaopazy hro deikua cha, Âbôkalie lâta a paysa tyh.

HLAZY 9:6

Chariahpa cha a mua ta, Tlyzaw ta a rao haw; Ama khihpizy phia chi ta, Âmo atheithlâhna a lei khai haw.

BIESOZY 14:12

Chyhsapa pachâ ta lâpi dopa a lyupa y ta, A chhâna lâta deikua thina lâpi a châ tyh.

BIESOZY 15:9

Moleipa lâpi cha Abeipa châta pasichhihpa châ ta, Siana lâpi a chhituhpa deikua cha Abeipa ta kyh a pachâ.

NÂHU 1:7

Abeipa cha pha ta, Nôpona noh ta thokhy a châ; Ano liata chhaipazy a pahno ei.

MATHAI 7:13

“Chhikao buahpa liata a ngia teh u. Leidiana lâta siena chhikao cha kawh ta, a sie nao ta, cha lâta â ngiapa cha ama hluh ngaita.

ZAWHÂNA 10:14

Mietaku vaituh phapa ei châ. Keima eihzy pahno ei na ta, keima eihzy ta eina pahno ei,

ZAWHÂNA 10:27

Ei mietakuzy ta ei ao thei ei ta, kei ta âmo pahno ei na ta, âmo ta eina pazi ei.

2 TIMAWTHY 2:19

Châhrasala, “Abeipa ta ano eihzy a pahno,” tahpa nata “Abeipa moh a padopa maih moleina siesai mawh sy,” tahpa ta chahnao pa-ipa ta, Khazohpa lôbô a ipa cha â duah thlâh haw.

2 PITY 2:12

Âmo deikua cha, pachâna a hmâh thai leipa râhsa, patuapaluana a hnei leipa hmohrohneipazy hawhta châ ei ta, patu awpa nata pahleipadia awpa ta a pihpazy ama châ. Ama pahno leipa kyhzy reipachhie ei ta, râhsazy hawhta âmo chhao pahleipadiapa ama châ hra aw.

1 SAMUELA 2:9

“A chyhsa ngâchhihpazy phei vaih aw ta, Moleipazy deikua cha zohna liata chhawh pathlahpa ama châ aw; Thatlôna vâta chyhsa a duah veih ei.