HLAZY 1:3 - Mara Bible RV (BSI)

³ Vahtie kiah liata tho lopa, A daihtita ta a pathei tyhpa, A hna chhao a uah beih leipa hawhta a châ. A hmotaopa zydua liata thlao â chhi tyh.

HLAZY 1:3 Cross References

ÂTHAONA 39:23

Abeipa cha Zawsi hnohta y ta, a hmotaopa maih liata Abeipa ta hlaotlohna a pie lymâpa vâta, Zawsi ku liata maophaohna piepazy cha, patâhna o vaituhpa ta mokhei khao vei.

ÂTHAONA 39:3

Abeipa cha Zawsi hnohta y ta, a ku ta a taopa maih Abeipa ta hlao a patlohsa lymâpa a zibeipa ta hmô ta.

2 ABEIZY 18:7

A hnohta Abeipa y ta, a siena lâ maih a hlaotloh lymâ. Asuria bei ry tawhta pua ta, Asuria bei cha chakao khao leipa ta.

1 THÂTIHZYRONA 22:11

“Chavâta ei sawchapawpa y, Abeipa na hnohta y mawh sy. Thlaochhipa ta y lymâ la, Abeipa ta na kyh a vaw rei chhielie hapa hawhta, hlaotloh kawpa ta Abeipa na Khazohpa o cha sa mah y.

1 THÂTIHZYRONA 22:13

Abeipa ta Mawsi hnohta Izarei châta bieraopa nata pachiana a piepazy kha na zyh khiahta cha, thlaochhipa ta na y lymâ aw. Thatlôpa nata riahphapa ta y mah y. Chi leipa la, ngiaroh khah y.

2 THÂTIHZYRONA 31:21

Hezekia cha Khazohpa o liata chakaona raihria ky liata zy, ryhpa kyh liata zy, biepiepa kyh liata zy, a Khazohpa tluana kyh liata zy, a taopa maih liata pathipalôh tlokhuh ta tao lymâ ta, chavâta thlaochhipa ta a y lymâ.

2 THÂTIHZYRONA 32:23

Chyhsa hluhpi ta Abeipa châta Zerusale lâ hmopiepazy vaw cheih ei ta, Zudâh bei Hezekia châta hmo sôhpazy vaw cheih hra ei ta, cha daihti tawhta cha, phopi zydua mohmô liata cheihchalopa ta a y haw.

ZAWBÂ 14:9

Ti roh ta a chhyh kaw thao aw ta, Thody hawhta a chiahzy a pachiah heih aw.

ZAWBÂ 22:28

Bie na pathlupa maih na châta taopa châ aw ta, Khaihna ta na lâpizy a pakhaih aw.

HLAZY 128:2

Na ku hriapasana thei niepa ta, Vânoh topa ta y aw chi ta, Na châta a pha aw.

HLAZY 129:8

Cha su a chapiapazy ta, “Abeipa byhnâ nama chô liata y mawh sy! Abeipa moh ta byhnâ eima cha awpa!” Tah beih hra veih ei.

HLAZY 92:14

Ama machâ tawh chhao ta khâ pathei ei ta, Ti ta bie ei ta khâ ama hroh sili.

HLAZY 92:15

Cha chata Abeipa adona phuah ta, Ano cha ei lôpanô châ ta, Ano liata sialeina rai y vei.

ISAI 27:11

A chiahzy cha ama uah tita tlie ei ta, Chanôzy a vy ei ta tho châta ama pakhy tyh. Pahnona a hnei leipa phopi châ ei ta, Chavâta âmo a taotuhpa ta zawh a ngiah leipa aw ei ta, Âmo a paduatuhpa ta khohkhei aw veih ei.

ISAI 3:10

Mosiapazy cha ama châta a pha aw tahpa chho mah y, Ama hmotaopa theilâpa ama nie aw.

ISAI 44:4

Sibiepa hawhta ama chhyh paka aw ei ta, Vahtie tizy kiah liata thozy hawhta ama buh a rôh aw.

ISAI 58:11

Abeipa ta cha chhihtha lymâ aw ta, Su chawhkaraipazy liata chhao lôhrâ cha patlô aw ta, Na rupazy tha a patlô aw. Ti pie phapa sadô hawhta châ aw chi ta, Tikhaoh ti a kua beih leipa hawhta na châ aw.

ZEREMIAH 17:8

Ano cha ti kiah liata tho lopa hawhta châ ta, Chavah kiah liata thari a pazawhpa hawhta a châ; A hnazy khâ hroh ta, Noh lopa a vaw tlôpa chi vei; A thei patheipa a chalih leipa ta, Noh kâhna kô liata a pachâ rôh vei.”

EZEKIA 17:8

A chiahzy pachiahpa ta, a theizy pathei sala, kre zôh phapa a châ thei nawpa ta, ti hluhpi kiapâh alei phapa liata lopa a châ.

EZEKIA 19:10

Na nô cha kre sadô liata kre zôh lyu ta, Ti kiah liata lopa a lyu; Ti a hmô hluhpa vâta, Pathei hluh ta a chiahzy chhao a paka hluh kaw.

EZEKIA 31:5

Chavâta lyurâhpa tho zydua hlâta a sâh via ta, A chiahpizy a pahreih kaw; A chiahzy seih ta, Ti hluhpi ta pasapa a châpa vâta, A laiseih lymâ.

EZEKIA 47:12

A chavah ngiahkâ hesâ haosâ ta, nie awpa theilâpa kô to ama pyuh aw. Ama hna uah beih leipa aw ta, ama thei lo beih aw vei. Supathaihpa tawhta a lohpa chavah ta pasapa ama châpa vâta, thla tato ta ama pathei aw. Ama thei cha niepa châta châ aw ta, ama hnazy cha tlâhna châta a châ aw.

MALUHREINA 24:6

Saikao dia zualuapazy lyu ta, Chavah kiah liata sadôzy a lyu; Abeipa lopa tlôma-uzy lyu ta, Tizy kiah liata sidy thozy a lyu.

MATHAI 13:6

noh a vaw chhi nahta, nohsa ta aih ei ta, thari a hnei leipa vâta ama uah haw.

MATHAI 21:19

Lâpi kiah liata theiku kô hmô ta, kei pangai ta, a hna dei leipa ta cha khâpa hmah hmô leipa ta. Theiku kô hnohta, “Chhâzaw ta pathei khao khah y,” tah ta. Theiku kô cha thlai uah pâ ha ta.

MATHAI 21:34

A thei lyu daihti â daih nahta, ano tovyuh la awpa ta thlyuhlaotuhpazy lâ a chakaotuhpazy tuah ta.

MATHAI 21:41

Âmo ta a hnohta, “Cha moleipazy cha ama rie patheisapa ta thie aw ta, kre sadô cha, a thei â daihna maihta, ano tovyuh a pie lymâ awpa thlyuhlaotuh hropazy hnohta a pie aw ei,” tah ei ta.

ZAWHÂNA 15:6

Keima liata a y thlâh ha leipa cha, a chiah hawhta thypa ta y ta, a uah tyh. A chiahzy cha pakhy ei ta, mei liata thypa ta, ama rao tyh.

RYHPACHANEINA 28:8

“Abeipa ta nama sawvâzy chô liata byhnâ patlôsa aw ta, nama ku raihria zydua byhnâ a pie aw. Abeipa nama Khazohpa ta râh a cha piepa ei liata byhnâ a cha pie aw ei.

ZUDÂH 1:12

Chazy chata china châh rai pahno leipa ta, nama kyhpachâna kyhchhi patizy niepa ta papuapalei ei ta, ti hnei leipa meihdo, thlih ta a phao pahaipa, châhvâ tho a pathei leipa, ei no a thi hapa nata a thari phia hapazy ama châ.

BIEPHUAH 22:2

Khihpi lâlai liah liata loh ta. Chavah ngiahkâ chavei chachâh ta, thei chi hrawh hleino a hneipa, thla chareih ta a patheipa hrona tho pyuh ta. Thohnazy cha phopizy tlâh nawpa a châ.