HLAZY 1:1 - Mara Bible RV (BSI)

¹ Hmoparaopazy ryhraona a chhih beih leipa, Moleipazy lâpi liata a duah beih leipa, Chyhsa a mohnao thaipazy dyuchhai liata a tyuh beih leipa, Cha hawhpa chyhsa cha a nohlao na.

HLAZY 1:1 Cross References

ÂTHAONA 49:6

Ama ryureina liata ei thlahpa a hlao leipa aw ta, Ama pakhypi liata ei rônahna a hlao aw vei. Hiehâhpa ta chyhsa thie ei ta, Khotlâ ta viahchao tôhpazy ama chhawh.

ÂTHAONA 5:24

Enawka cha a hro chhôh ta khazohpa a kao tyh ta, chavâta Khazohpa ta ano cha la ha ta, hmô awpa y khao vei.

1 ABEIZY 16:31

Nebâ sawcha­pawpa Zerôbaw moleina lâpi â chhihpa rakhapa cha khâpa hmahta a châ leipa ta rao ta, Sidaw bei Ethabâlâ sawchanô Zezebel cha lapinô ta hnei ta. Sie ta, Bâlâ kei chakao ta, Bâlâ cha â chhy tyh.

2 THÂTIHZYRONA 22:3

A nô cha Ahazia châta ryhraokheituhpa châ ta. A ryhraokheina a pha leipa vâta, Ahazia cha moleina hmo taona kyh liata, Ahabâ chhôh­kha lâpi a chhihpazy a chhih hra ta.

ZAWBÂ 10:3

Tlybaipa pha tah chi ta, Nâma ku tlai ta na taopa mohnaopa ta, Moleipa ryhraona ma tlao pha na tah via haw?

ZAWBÂ 21:16

Moh teh u, ama phasana cha âmo ku ta tao theipa hawhta pachâ ei ta, Chavâta moleipazy pachâna cha kei tawhta â hla ngaita.

ZAWBÂ 31:5

“Adoleina liata chareipa ta, Dôveina lâta ei phei â para khiahta cha,

HLAZY 1:6

Abeipa ta mosiapazy lâpi cha pahno ta, Hmoparaopazy lâpi deikua cha a leidia aw.

HLAZY 106:3

Adona a duakheipazy cha nohlao ei ta, Khatino rai ta a siapa ta hmo a taopazy ama nohlao tyh.

HLAZY 112:1

Abeipa cha reithai teh u! Abeipa biepiepazy liata a ly ngaita ta, Ano a chipa cha a nohlao na!

HLAZY 119:115

Nâmo, moleina hmo a taopazy saih u, Ei Khazohpa biepiepazy ei zyh thei nawpa ta, Na siesai syulyu ha teh u.

HLAZY 144:15

Cha hawhpa byhnâ ta vaoheipazy cha ama hu â hieh na! Abeipa ama Khazohpa ta a hneipazy cha ama hu â hieh na!

HLAZY 146:5

Zakaw Khazohpa cha baotuhpa ta hnei ta, Abeipa a Khazohpa liata hnabeiseihna a hneipa cha, A hu â hieh na!

HLAZY 146:9

Abeipa cha mapaihpazy vaih ta, Nôhmei nata paw hnei leipazy a deichhy tyh; Hmoparaopazy hro deikua cha, Âbôkalie lâta a paysa tyh.

HLAZY 2:12

Sawchapawpa cha pahnâ teh u, Chataleipatala a hiehâh aw ta, Lâpi liata nama leidia pathlei aw na, A pathi thlai ia tyh tlôh ta. Abeipa a chhaipa zydua cha ama nohlao na.

HLAZY 26:12

Ei phei he su bypa liata a duah ta, Pakhypi rônahpa liata Abeipa cha ei reithai aw.

HLAZY 34:8

Abeipa phazie he padi u la, moh tua rai u, Ano liata ngâna a pahniehpa chyhsa cha a nohlao na!

HLAZY 36:4

A rakhô liata hmo chhiepa patuapaluapa ta, Hrozie pha leipa liata anosasyh ta a soh ta, Moleina dytha vei.

HLAZY 64:2

Arulâta moleipazy teina tawhta na nyu la, Hmoparaotuhpa zasâh manôhzy tawhta na nyu mah y.

HLAZY 81:12

Chavâta ama palôh kuhchha awpa ta pasaih na ta, Âmo ryhraona liata sie awpa ei pasai ha ei.

HLAZY 84:12

Hy Pheisaihzy Abeipa, Nâma châ ngâtuhpa cha a nohlao na!

BIESOZY 1:15

Ei sawchapawpa y, ama lâpi a chhih hra leipa la, Ama lâpizy tawhta na phei a sysai ha mah y.

BIESOZY 1:22

“Nâmo sona a phahlapazy saih u, So leipa ta ypa he khachâ ma nama pasô chy aw tly? Pasipasawh a thaipazy ta khachâ ma chyhsa pasipasawhpa paphasa aw ei ta, Ahrupazy ta khachâ ma pahnona amâ hao aw tly?

BIESOZY 13:15

Pahnona phapa cha khokheina tona châ ta, Piehpiepazy lâpi deikua cha ama raona a châ.

BIESOZY 13:20

Chyhsa sopa a pakyhpa cha ano chhao soh aw ta, Ahrupazy viasa deikua cha pasa a tao aw.

BIESOZY 19:29

Chyhsa pasipasawh a hmâhpazy châta hriena a mâ chiehpa ta y ta, Ahrupazy hnôhky chhao tu awpa ta a mâ chiehpa ta a y.

BIESOZY 2:12

Moleipa lâpi tawhta cha pachha aw ta, Chyhsa paviasana bie a reihpazy tawhta a cha pachha aw.

BIESOZY 3:34

Mohnaotuhpazy cha mohnao ta, Areisipazy chô liata deikua ngiachhiena a palâsa tyh.

BIESOZY 4:19

Hmoparaopazy lâpi cha zoh kaluh ha ta, Khâpa ma amâ chapia tahpa chhao pahno veih ei.

BIESOZY 9:12

Na vaw sopa chhao ta, Nâma châta soh chi ta; Nâ khotlâh khiahta cha, Nâ pyly ta pasa na tao aw.

ZEREMIAH 15:17

Haosai a taopazy hry liata a tyuh leipa na ta, Haosai liata a ly hra va na. Ei chô liata na ku y ta, Ruchhôna ta eina pabiepa vâ chi ta, Kei dei ta tlâ ei tyuh tyh.

ZEREMIAH 17:7

“Abeipa a ngâchhâ ta, Abeipa liata a pahniehpa cha, A hu â hieh aw.

EZEKIA 20:18

“Chatawhcha râhchawhpa liata ama y nona chata ama pathlazy hnohta, ‘Châ pathlatuhpazy bieraopazy a chhih leipa u la, ama ryhpazy zyh hra leipa u la, ama khazoh nothlahpazy ta a papuapalei hra khuh vy.

MATHAI 16:17

Zisu ta a hnohta, “Saimaw, Zawna sawchapawpa, na nohlao na! Sapa nata thisaih ta a cha pahnosapa châ leipa ta, ei Paw vârâh liata a ypa ta a cha pahnosapa a châ.

LUKA 11:28

Châhrasala Zisu ta, “Khazohpa bie thei ta a zyhpazy cha chyhsa nohlao hmeiseihpazy tlao ama châ,” tah ta.

LUKA 23:51

Ano cha Zisu thâtih ama pachiana nata ama hmotaopa a paryhsa leipa kha a châ. Arimathai khihpa Zu chyhsa châ ta, Khazohpa khinarâh vaw tlô awpa a hâpa a châ.

ZAWHÂNA 13:17

Cha hmozy cha nama pahno khiahta cha, tao u la nama nohlao aw.

ZAWHÂNA 20:29

Zisu ta a hnohta, “Nâ la eina hmôpa vâ chi ta a ngiapâpa châ chi ta, hmô leipa ta a ngiapâpazy cha ama nohlao na,” tah ta.

RAWMA 5:2

Ano vâ lilaw ta tahmâ ta eimâ duana ngiachhiena liana heta ngiapâna ta a ngia ha pi ta, Khazohpa rônahna hnabeiseihpa ta a lypa ta eima y.

EPHESI 6:13

Chavâta noh pha leipa liata namâ dyuh thei nawpa nata nama tao khai tawh chhao ta namâ duah thei nawpa ta, Khazohpa chariah chhaichhi pakipa ta a tobi teh u.

RYHPACHANEINA 14:6

Sa to a chakie pachiah ta miano ta â pachhaihpa maih nata thie a chaeihpa maih nama nie thei aw.

RYHPACHANEINA 33:29

“Hy Izarei, na nohlao ngaita na! Nâ hawhta Abeipa ta a pachhapa phopi he ahy ma a y? Abeipa cha na châta baona vyhphao châ ta, Na pahniena zaozi a châ. Châ ngiarih awpa ta na chariahzy nâ lâ a vy aw ei ta, Ama ky lia na phei ta na tly aw ei.”

1 PITY 4:3

Zenitaizy khopa taopa ta, parâna, aohraohna, paripangana, a hlao ta apatlana, sahma do pahmaohna nata nothlahpa achhyna pasichhihpa zy liata nama vaw tlaih tyhpa kha â daih ha bâ.

BIEPHUAH 22:14

“Ama chysiazy a pasupa cha ama nohlao na. Hrona tho chô liata biehnei thei aw ei ta, chhikaozy lâ tawhta khihpi chhôh lâ amâ ngia thei aw.