पिलिपितोर 4:8 - माडिया गोंड पवित्र सास्त्रम

⁸ मावोरिर! इद उंद पोल्‍लो पिसता, बेव पोल्‍लोङ बेस-नेह्‌ना, असलताङ मन्ह्‌ताङ, अवे पोल्‍लोने सीता कीसोर मन्ह्‌टु: इतेके बर्वस लायकताङ पोल्‍लोङ, मानेम आयना लेह्‌काडाङ पोल्‍लोङ, सेतेमताङ पोल्‍लोङ, पवित्र पोल्‍लोङ, गिर्दाताङ पोल्‍लोङ, बेस विचर वायनव पोल्‍लोङ, इविस्किने सीता कीसोर मन्ह्‌टु.

पिलिपितोर 4:8 Cross References

मत्याल 22:16

अह कीसि, ओर तमाङ कग़यवालोर ओसो एरोद राजाना तुंगातोर उय्तुरिन येसुन ताल्ह्‌कलाह लोहतोर. “गूरु, निमा सेतेम मन्कनिन आसि, देवुळता अग़ सेतेमते तोहतह्‌निन इनजोर, माट पुह्‌नोम. निमा बोर बाताल इनदनुर इनजोर आल्सविन, लोकुरा मोकम ऊळिस वळ्ह्‌कविन, इद माक एर्काये.

मार्कल 6:20

बाराह्‌क इतेके, योहनि सेतेमतोग़ ओसो देवुळता पवित्र मन्कल इनजोर, एरोद अंतिपस पुन्ज मतोग़. अदिनेनाह्‌क ओन रेयिंदोग़. योहनि राजाह्‌क वेहन्दोग़, अस्के राजाना जीवा चुहेम आयवेक तेला, योहनना पोल्‍लो केंजलाह गिर्दा आंदोग़. अदिह्‌क ओन एरोदियस रानिनग्डाहि पिसिह कीसि तासिस मतोग़.

लूकाल 16:15

पया येसु ओरिन इतोग़, “मीटु लोकुरा मुनेह माट सेतेमतोरोम इह्‌निर, मति मीवा पोटातगा बाताल मन्ह्‌ता, तान देवुळ पुन्ह्‌ता. बेव-बेव पोल्‍लोङ मन्कना विचरते पाय्दाताङ मन्ह्‌ताङ, अव देवुळतुह्‌क एग़्ङ वास्ताङ.

लूकाल 2:25

ओरु पेकान मंदिरतगा ओतोर अस्के, सिमियोन पेदिरतोग़ ओर्वोग़ सेतेमतोग़ मन्कल येरुसलेमतगा मतोग़. ओग़ कर्तुळते देवुळतुन मोळ्कवाल मतोग़. देवुळ लोहवाल पिसिह केवाना कयदे, इस्रयेलतोरिन सुद्रे कीयनद दिया बेस्के एवयग़ा इनजोर, ओग़ अग़ ऊळसोर मंदोग़. ओसो देवुळता जीवा ओनगा अमेसा मंदु.

लूकाल 23:50

पया अगा यहुदा पटटा अरिमतेया नाटेनोग़, योसेप इनवाल ओर्वोग़ मन्कल मतोग़; ओग़ु यहुदिराङ तग्वाङ केवालोरग्डाह ओर्वोग़ मतोग़. ओसो तग्वाङ केवालोर येसुना नेयम कीतस्के, अगा तोळ आयोग़. बह इतेके ओग़ बेसतोग़ सेतेम मन्कल मतोग़. देवुळि बेस्के मावा इस्रयेल देसेमते तना राजेम निल्पिह कीयग़ा इनजोर केपिंदोग़.

योहन 7:18

तमाङे विचर्किन वळ्ह्‌कवालोर, तमाये पेदिरतुन बेरा कीयलाह ऊळिह्‌तोर. मति नाक बोग़ लोहतोग़, ओनाये पेदिरतुन बेरा कीकन इन्जि, बोग़ ऊळिह्‌तोग़, ओग़े सेतेमतोग़ मन्ह्‌तोग़, ओनगा बातय जोल मनो आस्ता.

बळयिर 10:22

पया ओर इतोर, “मावा माल्काल कुरनेलि इनवाल नूर सीपय्कना दरोगाल मन्ह्‌तोग़. ओग़ मीवा देवुळता पोल्‍लोतुन केंजिसि, तान्क रेयिसि ताकिह्‌तोग़. सबेटोर यहुदिर ओन्क पका कदर ईस्तोर. ओनगा उंद दिया देवुळता देवतुल वासि, ‘सिमोन इनवाल पत्रुनगा कबुर लोहचि, ओन नीवा लोन केया. केयिसि ओग़ वेहतनाङ सबे पोल्‍लोन बेस केंजा’ इता,” इनजोर वेहतोर.

बळयिर 22:12

“अद सहरतगा ओर्वोग़ अनन्याल पेदिरतोग़ मन्कल मतोग़. ओग़ मोसानाङ अडोने ताकसोर, देवुळतुन बेस मोळ्कवाल मन्कल मतोग़. दमिस्क सहरतोर सबेटोर यहुदिर ओन्क पका कदर ईंदुर.

बळयिर 6:3

अदिनेनाह्‌क मावोरिर! मियग्डाह मीक विचर वातोरु, पका तेल्वतोरु, पवित्र जीवाते निंदतोरु, लोकुर कदर एवालोरु, एळवुर मन्कलोरिन आचाटु. ओरिन माटु गाटो तूसनद सेवातुह्‌क निल्पिह कीकोम.

रोम सहरतोर 13:13

ओसो माट वेह्‌चते मनाह्‌कु, बेसता बुदते ताकिङ. अद्रमे ओचेरा लेह्‌का केवा, साट्याल बुदते विचर वातप केवा, वह्‌चळ केवा, ओसो दुस्रोरगा जीवा कर्ववा, बेसता अग़दे ताकिङ.

रोम सहरतोर 13:3

बेसताङ कबस्क केवाल सर्करतुह्‌क बाराह्‌क रेयनोग़? लाग्वाङ कबस्क केवाले रेयनोग़. सर्करतुह्‌क रेयवालेवा मनदना इतेके, मीट बेसताङ कबस्क कीम्ह्‌टु. अस्के ओर मीक बेसतोर इनजोर इनदनुर.

रोम सहरतोर 14:18

इद्रम कीस किर्स्तुना सेवा कीतिर इतेके, मीवा ताकमुळ देवुळतुह्‌क विचर वायग़ा, अहे मन्कलोर वने मीक कदर ईयनुर.

रोम सहरतोर 2:29

निटम यहुदि मन्कल आयना इतेके, जीवाता पोल्‍लो आंदु. निटमता डायना रिवज कीयनद इतेके, रासतव अडोन नोमनद आयो. मति देवुळतुह्‌क विचर वायनद डायना रिवज इद आंदु: इतेके देवुळता जीवा मन्कना जीवाता पाळ्ना बुदतुन डायिस पोहचीस्ता. अद्रमतोग़ मन्कल लोकुराहि आयो मति, देवुळताहि कदर पर्ह्‌किह्‌तोग़.

1 कुरिंततोर 4:5

अदिनेनाह्‌क मीट इंजेकेन बोने पर्ह्‌किस ऊळमाट. सामि वानाह केपाट. ईकळतगा मनदनविन वेह्‌चतगा ततना लेह्‌का, मन्कलोर तमा पोटालोप्पा मकिह कीस तासतव पोल्‍लोन, ओग़े पेसिह कीयनोग़. अस्के मन्कलोर तमा कीतद कबळता इसबते, निमा बेस कीतिन इनजोर, ओर्विन-ओर्विन देवुळि वेहतग़ा.

2 कुरिंततोर 13:7

मीट मावाङ केंजवा, बाताले लाग्वा कबळ कीयना आयो इनजोर, मियेनाह्‌क देवुळतुन पार्तना कीय्ह्‌नोम. मयगा किर्स्तुनाङ बळयिरा अदिकर मन्ह्‌ता इनजोर, मीट रेयिस ताकलाह, इदिन इनोन. अद अदिकर माट मीक तोहवेक वने बार आयो, मति मीट सेतेमते ताकनदे, माक विचर वास्ता.

2 कुरिंततोर 6:8

दुस्रोर माक मान ईतेकाय, पास्कतेकाय, माक लागोर इतेकाय, बेसतोर इतेकाय; उच्वुर माक नाळेह केवालोर इतेकाय, माट सेतेमतेन ताकिह्‌नोम.

2 कुरिंततोर 8:18

ओना संगे ओर्वोग़ ऐंगेटोग़ विस्वसिन वने लोहतह्‌नोम. बेसता कबुरतुन पोकुर कीयनद सेवाते, सबेटोर विस्वसिरा मुडगा, ओना पेदिर दास्ता.

2 कुरिंततोर 8:21

सिरप देवुळता मुनेह मावाङ कबस्क ओप्पनव आयो, मति मन्कलोरा मुनेह वने, माट कसुरलेवप दिसना इन्जि, सीता कीसोर मह्‌नोम.

गलातितोर 5:22

देवुळता जीवा बारा, मावा जीवातगा मोन्ह्‌टटेके, मयगा इद्रमता पंटा पुटिह्‌ता: माट दुस्रोरिन जीवा कीय्ह्‌नल, माट गिर्दाते मह्‌नल, सुकमते मह्‌नल, बेदाय पोल्‍लोतुह्‌क चट्‌ने ओङ आयवा मह्‌नल, दुस्रोरिन जीवा वाटिह्‌नल, माट चिव्टमलेवा मह्‌नल, माट पोल्‍लो विळ्सतपे कीय्ह्‌नल, कुलुल बुदते ताकिह्‌नल, कुदतुन आव्रे कीय्ह्‌नल. इद्रम ताकतेके, माक यहुदिराङ अडोङ अडम आयोङ.

इपिसुसतोर 4:25

इंजेके पूनोर मन्कलोर आताह्‌कु, इद्रमलेह्‌का मन्ह्‌टु: माट उंदिय मेंदुलतोरल मह्‌नल, अदिनेनाह्‌क जोल वळ्ह्‌कनदिन विळ्सिसि, ओर्विह्‌क-ओर्वोना संगे सेतेम वळ्ह्‌काटु.

इपिसुसतोर 5:9

अह ताकतेके मीट बेसताङ केवालोरिर, कर्तुळते मनवालोरिर, सेतेमते पिसवालोरिर आयकिर.

इपिसुसतोर 6:14

इद्रमलेह्‌का तयर मन्ह्‌टु: (लळयतस्के सीपय्क बेस वितना इन्जि,) नंडटगा पेटा दोहतप लेह्‌कान, मीट देवुळता सेतेम पोल्‍लोतुन पोस ताकाटु. अर्युलतुन राका कीयलाहि, कचता जगा केग़तप लेह्‌कान, मीवा कर्तुळ मीक देयह्‌कना डावताहि राका कीयि.

पिलिपितोर 3:1

मावोर विस्वसिरिर! इव सबे पोल्‍लोन वेहचि, इद उंद पोल्‍लो इह्‌नन: मीट सामिना देय्वाते गिर्दा आसोर मन्ह्‌टु. मुने वेहतव पोल्‍लोन ओसो वेहतलाहि, नाक कयर वावो, मीट विस्वसताह इळ्न अरयनद आयो इनजोर वेहतह्‌नन.

कुलुसितोर 4:5

किर्स्तुन पुनवोरा संगे मनदह्‌पा, बेस बुदते मन्ह्‌टु. ओरिन किर्स्तुना लोप्पा साक्सि वेहतलाह, मीक मोका दोर्कतेके, तान विळ्समाट.

1 तिसलुनितोर 4:12

इद्रम मतेके, मीवा ताकमुळि विस्वस केवोरिह्‌क विचर वानाह मनदग़ा, अहे मीट बोनाय पोग़ोन मोता आयविर.

1 तिमोति 2:2

राजालोर ओसो अदिकरते मनवालोर सबेटोर, बेसता बुदते राजेमतुन काळ्ङना इन्जि, ओरेनाह्‌क वने पार्तना कीयना गावले. अस्के माट रेयलेवा देवुळ वेहतव अडोने तिरिय पग़यकल, दुस्रोरिह्‌क विचर वानाह ताक पग़यकल, अह आसि मावा मनमुळ सुकमते दायग़ा.

1 तिमोति 3:11

अद्रमलेह्‌का सेवा कीयनवु, नाटेनोर कदर ईयनव मनदना, कूदिङ अनववु, बेस बुदते तिरियनवु, सबे पोल्‍लोने सेतेमते मनदना गावले.

1 तिमोति 3:4

मुक्यानाङ पिलाङ-पेकोर इतेके, ओना पोल्‍लोते वरेम आसि, ओन पूरा कदर ईसि ताकना, इद्रमलेह्‌का ओग़ु तना लोतोरिन बेस तिर्हतना गावले.

1 तिमोति 4:12

निमा लेयोनिन इनजोर, बोग़े नीक पास्कमाकेग़. मति निमा बेद्रम वळ्ह्‌किह्‌निन, बेद्रम देवुळतुह्‌क विचर वातप ताकिह्‌निन, बेद्रम जीवा कीय्ह्‌निन, बेद्रम विस्वस कीय्ह्‌निन, विस्वसिर इविन ऊळिसि, बेस कग़यिर.

1 तिमोति 5:10

ओसो, बेद्रमतविस्कनाङ पेदिर्क रासना इनजोर वेहतह्‌नन: बेसता कबळ कीस्ता इनजोर दुस्रोर वळ्ह्‌कनदु, पिलाङ-पेकोरिन अय कीतदु, दुस्रोरिन लोन केयिस जावा-एग़ ईतदु, देवुळता मन्कलोरिन ओर्युलतदिना लेह्‌का सेवा कीतदु, तिपलते मतोरिह्‌क तोळ आतदु, बेसताङ कबस्क कीयना विचरते मतदु, इद्रमता आंचाना पेदिरतुने रासनदु.

1 तिमोति 5:2

सेळोस्किन नीवा तलिना लेह्‌काडाङ इन्जि वळ्ह्‌का. लेया आस्किन नीवाङ एलास्क-अकास्क इन्जि, बेदे गलत विचर केवा, बेसतल बुदते वळ्ह्‌का.

तीतुस 1:8

अहे ओसो बोराय ओना लोन वातेके बेस ऊळवाल, बेसता पोल्‍लोतुन विचर केवाल, बेस बुद कीसि तिरियवाल, सेतेमते मनवाल, देवुळतुह्‌क रेयसोर मनवाल, कुदतुन आव्रे केवाल मनदना गावले.

तीतुस 2:14

मुने माट देवुळता अडोतुन पास्कनव कबस्क कीसोर मतल. मति अव कबस्कनाहि, किर्स्तु माक विळ्सिह कीतोग़. अह कीसि, माक तना मन्कलोर कीयलाह, एडिह कीतोग़. कीसि माक बेसताङ कबस्कने गिर्दा आयवालोर कीयलाहि, किर्स्तु मावासाटि तनाय विचरते, तना जीवा ईतोग़.

तीतुस 2:2

ओसो मुय्तोरिन इद्रम काग़्हा: बेस बुदते मनिर, दुस्रोरिह्‌क ओप्पनाह ताकिर, कुदतुन आव्रे कीयिर, विस्वसते मेग़्किस मनिर, दुस्रोरिन बेस जीवा कीयिर, तिपलते आरेम आयवा निच मनिर.

तीतुस 2:7

सबे पोल्‍लोने मन्कलोर नीक ऊळिस कग़यना लेह्‌का, निमाये बेसताङ कबस्क कीस तोहा. मावा लोप्पा बेदे लाग्वा पोल्‍लो वळ्ह्‌क पग़वाह, नीक विरुद केवालोर मन्कलोरिह्‌क लजा वायना लेह्‌का, जोल इनजोर वेहता पग़वपे, निमा सेतेमते काग़्हा. मन्कलोर नीवा पोल्‍लोतुन केंजना लेह्‌का बेस काग़्हा.

तीतुस 3:14

इद्रमलेह्‌का मावोर विस्वसिर बाताले कबळतुह्‌क अरवा मनदनद आयो. पका गर्ज मता मन्कलोरा गर्जतुन निहतलाह, बेसताङ कबस्क कीयलाह कग़यसोर मनिर.

इब्रितोर 11:2

मावाङ तादोर-बाबोर देवुळतुन विस्वस कीताह्‌के, ओर तान्क बेस विचर वातोर.

इब्रितोर 13:18

माट कसुरलेवप ताकिह्‌नोम इनजोर, मावा जीवा पुन्ह्‌ता. सबे पोल्‍लोने माट देवुळतुह्‌क ओप्पनाह कीयलाह ऊळिह्‌नोम. इदिनेनाह्‌क मयेनाह्‌क पार्तना कीसोर मन्ह्‌टु.

याकुब 1:27

मति मूरा-मूरि पिलाङ-पेकोरा, ओसो रांडे आस्कना तिपलतुन ऊळिसि, ओरा साय्ता कीयना. ओसो इद दुनियाताङ सबे लाग्वाङ कबस्कनग्डाहि, कुदतुन जेक तासना, इद्रमताये ताकमुळ मावा देवुळबाबाना विचरते, तपलेवद निटमता कर्तुळ आंदु.

याकुब 3:17

मति देवुळतग्डा बुद मनवाल, देवुळतगान पूरा सीता तासिह्‌तोग़, दुस्रोरा संगे गूनमते मन्ह्‌तोग़, कुलुल बुदते ताकिह्‌तोग़, दुस्रोरा पोल्‍लो केंजिह्‌तोग़, जीवा लोपिह्‌तोग़, अमेसा बेसताङ कबस्क कीस्तोग़, उड्लोग़-बेरोग़ इद्रम इनोग़, ओसो सोङ केवाल आयोग़.

1 पत्रु 1:22

येसुना सेतेमता कबुरतुन केंजिस ताकताह्‌कु, मीटु पापमताहि एडटिर. अदिह्‌कु मीटु ओर्विह्‌क-ओर्वोग़ सेतेमते जीवा कीया पग़यह्‌निर. अद्रमे इंजेके मीवा लेह्‌का विस्वसिर आतोरिन, मीटु पूरा जीवाताह जीवा कीम्ह्‌टु.

1 पत्रु 2:12

देवुळतुन पुनवोरा नडुम मनदह्‌पा, मीटु कसुरलेवपु असल मन्ह्‌टु. ओर मीकु “वेर लाग्वोरे!” इन्जि कसुर तोहतेकाय, मीवा असलता ताकमुळतुन ऊळनुर. ऊळिसि पया पेग़्के ओर इंका देवुळता मोकम ऊळनद दियाते, देवुळतुनु मान ईयनुर.

1 पत्रु 4:8

सबेट्काय बेसतल पोल्‍लो बेद इतेके, ओर्विह्‌क-ओर्वोग़ अमेसा पूरा जीवाताहि जीवा कीसोर मन्ह्‌टु. अह कीतिर इतेके, मीटु ओर्वोग़-ओर्विना पापमतुन मापि कीकिर.

2 पत्रु 3:1

नावा गोततोरिर! मीक लोहतदु इद नावा दुस्रा मल्काता सीटि आंदु; मीवा विचर सेतेम पोल्‍लोनके मनि इनजोर सीता कीसीयलाह, इव सीटिन लोहतन.

1 योहन 3:18

अदिनेनाह्‌क पेकोरिर! माट सिरप तोडटा पोल्‍लो वळ्ह्‌किस जीवा कीयनद आयो. मति देवुळता सेतेम पोल्‍लोतुन नमिसि, दुस्रोरेनाह्‌क बेसताङ कबस्क कीयना गावले.

1 योहन 3:3

बोर ओना पोग़ोन निटम इद्रमता आसा तासिह्‌तोर, ओर सबेटोरु मावा किर्स्तु बेद्रम पवित्र मन्ह्‌तोग़, अद्रमे ओर वने पापम कीयनदिन विळ्सिसि, पवित्र आस्तोर.

1 योहन 4:1

मावोरिर! नयगा देवुळता जीवा मन्ह्‌ता इनवालोर, सबेटोरा पोग़ोन विस्वस तासमाटु. (देवुळता कबुर वेहवालोरोम इनजोर,) जोल कबुरतोर वेल्‍लाटोर, दुनियाते तिरियसोर नाळेह कीस्तोर. अदिनेनाह्‌क ओरगा निटम देवुळता जीवा मन्ह्‌ताया, इले इनजोर, सेतेमतुन पर्ह्‌किस ऊळाटु.