पिलिपितोर 4:7 - माडिया गोंड पवित्र सास्त्रम

⁷ अस्के मीवा तिपलता नडुम वने, देवुळि तना सुकम मीक ईयग़ा, इद पोल्‍लो बोन्के तेळियो. अह कीसि मीवा जीवातुन, मीवा बुदतुन आल्सुळते अरवाह राका कीयग़ा. मीट किर्स्तु येसुना संगे जोळेम आताह्‌कु, देवुळ अद्रम कीयग़ा.

पिलिपितोर 4:7 Cross References

लूकाल 2:14

“देवुळदीपतगा मनदनद देवुळतुह्‌क मान आयि. नेदगा तान्क विचर वातोर मन्कलोरिह्‌क सुकम आयि,” इनजोर इताङ.

योहन 14:27

नना मीवा जीवातुह्‌क सुकम ईसि तासिह्‌नन. बेद्रम इद दुनिया सुकम ईस्ता, अद्रम नना एवोन. मति बेद्रम नावा जीवाते सुकम आस्ता, अद्रमे मीवा वने जीवाते सुकम आयग़ा. अदिह्‌कु मीवा जीवा आल्सुळते मनमाकि, मति मीटु दीरा पोस मन्ह्‌टु.

योहन 16:33

नाक नमिसि मीट सुकमते मनदना इन्जि, इव गोटिङ मीक वेहतन. दुनियातोर मीक तिपल कीयनुर निटमे, मति दीरा पोय्म्ह्‌टु, नना दुनियातुन गेल्सतन,” इन्जि येसु इतोग़.

रोम सहरतोर 14:17

केंजाट, देवुळि मीवा नडुम राजेम कीयना इतेके, तिनदनव-उनडनव पोल्‍लोनेके अचोन सीता केमाटु. सेतेमते ताकना, ओर्विना संगे ओर्वोग़ गूनमते मनदना, पवित्र जीवाता गिर्दाते निंदिस मनदना, इवे मोदुल पोल्‍लोङ आंदुङ.

रोम सहरतोर 15:13

मीक आसा ईयनद देवुळतुन मीट विस्वस कीयनाह्‌कु, गिर्दाते ओसो सुकमते अद मीवा जीवातुन निहचीयि. अस्के ताना पवित्र जीवाता लावते, मीवा आसा वीळसोर दायग़ा.

रोम सहरतोर 5:1

मावा विस्वसतेनाह्‌कु, देवुळि माक सेतेमतोर कीता इनजोरे, मावा किर्स्तु येसुसामिना मोकतेनाह्‌कु, माट देवुळता संगे गूनम आतल.

रोम सहरतोर 8:6

मन्कना बुदि मीवाङ विचर्किन ताकिह कीतेके, मीक देवुळ ईयनद पिसमुळ दोर्को आयग़ा. मति देवुळता जीवा मीवाङ विचर्किन ताकिह कीतेक बार, मीट देवुळता संगे पिसकिर, ओसो सुकमते मनदकिर.

2 कुरिंततोर 10:5

मन्कना बुदते विचर कीयनदिन आरे कीय्ह्‌नोम, अहे देवुळतुन पुनवाह कीयनद, मोर्दोप बुदताङ सबे पोल्‍लोन आरे कीय्ह्‌नोम. मन्कलोरा उंद-उंद कैंगम विचरतुन मिळ्हचि, किर्स्तुना पोल्‍लोतुन केंजनाह कीय्ह्‌नोम.

2 कुरिंततोर 13:11

मावोर विस्वसिरिर! इव नावाङ आक्रिताङ पोल्‍लोङ आंदुङ: बेस गिर्दाते मन्ह्‌टु, सुद्रेम आसोर मन्ह्‌टु, सुकमते मन्ह्‌टु, उंदिय विचरते मन्ह्‌टु, ओर्विह्‌क-ओर्वोग़ कलियिस-मेलियिस मन्ह्‌टु. अस्के माक जीवा कीयनद, सुकम ईयनद देवुळि, मीवा ऐंगे मनदग़ा.

गलातितोर 5:22

देवुळता जीवा बारा, मावा जीवातगा मोन्ह्‌टटेके, मयगा इद्रमता पंटा पुटिह्‌ता: माट दुस्रोरिन जीवा कीय्ह्‌नल, माट गिर्दाते मह्‌नल, सुकमते मह्‌नल, बेदाय पोल्‍लोतुह्‌क चट्‌ने ओङ आयवा मह्‌नल, दुस्रोरिन जीवा वाटिह्‌नल, माट चिव्टमलेवा मह्‌नल, माट पोल्‍लो विळ्सतपे कीय्ह्‌नल, कुलुल बुदते ताकिह्‌नल, कुदतुन आव्रे कीय्ह्‌नल. इद्रम ताकतेके, माक यहुदिराङ अडोङ अडम आयोङ.

पिलिपितोर 1:1

नना येसु किर्स्तुना कय इळ्न मनवानन पोलुनन आंदन. नावा तोळतोग़ सेवक तिमोति बार इद सीटि, पिलिपि सहरते मनवालोर येसु किर्स्तुन विस्वस कीतोर देवुळता मन्कलोरिह्‌क रासलाह आतोम. मीट विस्वसिरेनाह्‌कु, मीवा मुडगा मनवालोर मुक्यालोरेनाह्‌कु, ओसो सेवा केवालोरेनाह्‌कु, इद सीटि लोहतलाह आतोम.

पिलिपितोर 1:2

मावा देवुळबाबानाहि ओसो किर्स्तु येसुसामिनाहि, मीक सुकमि, देय्वा दोर्कि.

पिलिपितोर 4:19

नना सेवा कीतद देवुळतगा आलनाह पिसनाह बर्कत मन्ह्‌ता. अदिनेनाह्‌क मीक बाताल गर्ज अरतेक तेला, माट किर्स्तु येसुना लोकुर आताह्‌कु, देवुळिये अदिन पूरा कीसीयग़ा.

पिलिपितोर 4:21

किर्स्तु येसुना मन्कलोर सबेटोर मियग्डोरिन “पोलु जय येसु वेहतोग़” इनजोर वेहचीम्ह्‌ट. इगा नावा संगे मनवालोर विस्वसिर वने मीक जय येसु वेहतलाह आतोर.

पिलिपितोर 4:9

मीट नयग्डाहि कग़यिसि दोर्किह कीतिर, नयग्डाह केंजतिर, नयगा ऊळतिर, अव पोल्‍लोङ वेहतपु, काळ्ङसोर मन्ह्‌टु. अस्के मीक सुकम ईयनद देवुळि मीवा तोळ मनदग़ा.

कुलुसितोर 3:15

मीट सबेटोरिर उंदिय मेंदुललेह्‌का मह्‌निर, देवुळ मीक ऐंगेन गूनमते मनदलाह केयता. अदिह्‌क किर्स्तु ईतद गूनम मीक ताकिह कीयि. देवुळता बेरा दयातुन, सीता कीसोर मन्ह्‌टु.

2 तिसलुनितोर 3:16

सुकम एवाल सामिनाहि मीक अमेसा सबे रीतिने सुकम दोर्कि. सामि मीट सबेटोरा तोळ मनदना इनजोर, पार्तना कीय्ह्‌नोम.

इब्रितोर 13:20

सुकम ईयनद देवुळि, तना विचर कीतप लेह्‌का मीट कीयनाह, मीक सबे बेसताङ पोल्‍लोङ ईयि. येसु किर्स्तुना मेटे, मावा ताकमुळतगा तान्क विचर वातव पोल्‍लोङ आयिङ. किर्स्तु येसुना नेतुरता मेटे, देवुळि मावा संगे अमेसातुह्‌क मनदनद पूना करलतुन निल्पिह कीयलाह आता. इद पूना करल नितना इन्जि, देवुळि येसुन ओसोवने हामुरताहि जीवा अर्हता, इद्रमि येसु किर्स्तु मावा बेरोग़ कोपाल आतोग़. ओने मन्कलोर अमेसा-अमेसातुह्‌क मान ईयिर. आमेन.

यहुदाल 1:1

नना यहुदानन, येसु किर्स्तुना सेवकनन, याकुबना तमोनन. बोरिन देवुळबाबाल आचतोग़, जीवा कीतोग़, ओसो येसु किर्स्तु मल्स वानाह्‌जोम बेस-नेह्‌ना तासतोग़, ओरिह्‌के इद सीटि रासलाह आतन.

तोहचीतव पोल्‍लोङ 1:4

नना योहननन, आसिया पटटाङ एळुङ सहर्कना विस्वसिरा मुडेनाह्‌क, इव पोल्‍लोङ रासलाह आतन: मुनेताह अमेसा मतदु, इंजेके वने मनदनदु, ओसोवने वायनद देवुळि, ओसो तना राजकुर्सता मुनेह मनदनव, तानग्डाङ एळुङ जीवाङ; ओसो देवुळतेनाह्‌क बर्वस लायकता साक्सि एवाल, हामुरताहि जीवा अरवालोरग्डाहि मुनेतोग़, अहे बूमतोर राजालोरिन ताकिह केवाल येसु किर्स्तु, वेरु मीक देय्वा ईयिर, सुकम ईयिर. येसु किर्स्तु माक जीवा कीतोग़, ओसो तना नेतुर पोहचि, माक मावा पापमताहि विळ्सिह कीतोग़.

तोहचीतव पोल्‍लोङ 2:17

देवुळता जीवा विस्वसिरा मुडुन वेहतनद पोल्‍लोतुन पुनवालोर, बेस-नेह्‌ना केंजिसि विचर कीस ऊळिर. बोर बोर लाग्वाङ पोल्‍लोन आरे कीयनुर, ओरिह्‌क ओर्विह्‌क-ओर्विह्‌क देवुळदीपतगा मकिह कीस तासतद ‘मना’ इनदनद तिंडि ईकन. ओसो उंद पांड्रि बंडा वने ईकन. अद बंडातगा पूना पेदिर रासतद मनदग़ा. अद बंडा बोन्क दोर्कग़ा, ओग़े अद पेदिरतुन पुनदनोग़.