पिलिपितोर 3:3 - माडिया गोंड पवित्र सास्त्रम

³ (ओर मन्कलोर डायना रिवज कीयनद पोल्‍लो वेहतलाह आतोर.) माट बारा येसुन विस्वस कीतोरले, निटम डायना रिवज कीतोरल आंदल, ओर आयोर. बाराह्‌क इतेके, माट देवुळता जीवा वेहतपु तान मोळ्किह्‌नल. ओसो किर्स्तु येसु माक पका बेरा गूनम तोहतोग़ इनजोर, गिर्दा आय्ह्‌नल. ओसो मावा मन्कना बुदतगा बर्वस तासवा, तान डायिस पोहतप लेह्‌का पिसिह्‌नल.

पिलिपितोर 3:3 Cross References

रोम सहरतोर 1:9

देवुळता मग़ना बेसता कबुरतुन पोकुर कीसोरे, नना पूरा जीवाताहि ताना सेवा कीय्ह्‌नन. नना देवुळतुन पार्तना कीयह्‌पा, ऊक-ऊके मीवा सीता कीय्ह्‌नन इनजोर, देवुळिये साक्सि मन्ह्‌ता. ओसो “ए देवुळबाबा, नीवा विचर मतेके, रोम सहरतोर विस्वसिरगा दायलाह, इद मल्का तेला नाक अग़ दोर्कि” इनजोर, इह वने पार्तना कीय्ह्‌नन.

रोम सहरतोर 15:17

अदिनेनाह्‌क नावा मेटे, किर्स्तु येसु कीतद इद सेवाता बेचोटा बेरा पाय्दा आस्ता, इद पोल्‍लोतुन वेहतलाह नना मुर्तिय लजा आयोन.

रोम सहरतोर 7:6

मति इंजेके माट किर्स्तुना संगे डोलतप लेह्‌का आताह्‌कु, मावा पोग़ोन अडोना बातय अदिकर इले. अदिनेनाह्‌क इंजेक माट पाळ्ना रीतते, रासतव अडोना इसबते सेवा केवल. मति देवुळता जीवा वेहतपु, पूना रीतते कीय्ह्‌नल.

रोम सहरतोर 8:15

बहु साकुर केवाल तना माल्काह्‌क रेयिस मनदना लेह्‌का, माकु देवुळताहि रेय वसनद जीवा दोर्कताया? आयो! मावा जीवातगा मनदनद पवित्र जीवा, माकु देवुळताङ मग़्क-मयास्‍क आनाह कीता. अदिनेनाह्‌क देवुळतुनु, ए नावा बाबानिन इनजोर, केय पग़यह्‌नल.

रोम सहरतोर 9:6

(मीवा जालपिलतुह्‌क नना बर्कत ईकन इनजोर, देवुळि इस्रयेल लोकुरा तादोर-बाबोरिन किरिया कीस मता. मति इंजेके किर्स्तुनु इस्रयेलतोर पास्किह्‌तोर इतेके,) देवुळि ओरा संगे कीतद किरियातुन देहता इनजोर, नना इनोन. मति इस्रयेल देसेमते पुटटोर सबेटोरे, देवुळता लोकुर आयोर, इचोने इह्‌नन.

2 कुरिंततोर 11:18

वेल्‍लाटोर मन्कलोर, तमा कीतव कबस्कना लोप्पा, मन्कना बुदते पोग़यिह्‌तोर इतेके, नना वने पोग़यकन.

गलातितोर 5:25

इद्रमलेह्‌का देवुळता पवित्र जीवाते माट पिसिह्‌नल, अहे अद जीवा माक ताकिह कीतपु, माट ताना पेग़्के ताकिङ वने.

गलातितोर 6:16

इद पोल्‍लोते बोर ताकनुर, ओर सबेटोरिह्‌कु देवुळि सुकम ईयि, ओसो किर्स्तुन नमवालोर इस्रयेलतोरा पोग़ोन इंका, देवुळि दया कीयि.

इपिसुसतोर 6:18

अद जीवा मीक ताकिह कीयना लेह्‌का, अमेसा सबे पोल्‍लोनेनाह्‌कु, पार्तना कीसि देवुळतुन वेहाटु. देवुळता मन्कलोर सबेटोरेनाह्‌क, आरेम आयवा पार्तना कीसोर मन्ह्‌टु.

पिलिपितोर 1:1

नना येसु किर्स्तुना कय इळ्न मनवानन पोलुनन आंदन. नावा तोळतोग़ सेवक तिमोति बार इद सीटि, पिलिपि सहरते मनवालोर येसु किर्स्तुन विस्वस कीतोर देवुळता मन्कलोरिह्‌क रासलाह आतोम. मीट विस्वसिरेनाह्‌कु, मीवा मुडगा मनवालोर मुक्यालोरेनाह्‌कु, ओसो सेवा केवालोरेनाह्‌कु, इद सीटि लोहतलाह आतोम.

पिलिपितोर 3:12

पोग़ोन बेव पोल्‍लोन रासतन, अव नावा मनमुळतगा पूरा आताङ इनजोर वेहोन. अगा एवतन इनजोर इनोन, मति बेगा एव्सिह कीयलाह किर्स्तु नाक पोयतोग़, अगा एवयलाह नना वितलाह आतन.

पिलिपितोर 3:14

सीनातगा एववालोरिह्‌क देवुळि बेद इनम ईकन इनजोर केयिह्‌ता, अद इनमतुन किर्स्तु येसुना मेटे दोर्किह कीयलाह, नना वितलाह आतन.

कुलुसितोर 2:11

(माट यहुदिरोम इतेके, मन्कना तोलातुन डायिसि, डायना रिवज कीय्ह्‌नोम;) विस्वसिरा डायना रिवज बार, मन्कना कयदे कीतद आयो. (किर्स्तुह्‌कु हव्कनागुटातासिक्सा आतस्के,) मीवा पापम बुदि ओना मेंदुलता संगे जोळेम आता, अस्केने ओना संगे मीवा वने डायना रिवज आतप आता.

यहुदाल 1:20

मति नावा गोततोरिर! मीट देवुळताहि दोर्कतव पवित्र पोल्‍लोने बेस मेग़्किस मनदना इन्जि, ओर्विह्‌क-ओर्वोग़ तोळ आम्ह्‌टु. देवुळता पवित्र जीवा मीक वेहतप, पार्तना कीम्ह्‌टु.