पिलिपितोर 3:18 - माडिया गोंड पवित्र सास्त्रम

¹⁸ नना इद्रम बाराह्‌क इह्‌नन इतेके, किर्स्तु हव्कनागुटातगा डोलतद पोल्‍लोतुन, वेल्‍लाटोर मन्कलोर पास्कसोर ताकिह्‌तोर. ओरा पोल्‍लोतुन नना अमेसा मीक वेहचोर मतन. इंजेक वने अळसोर-अळसोर वेहतलाह आतन.

पिलिपितोर 3:18 Cross References

लूकाल 19:41

पया येसु येरुसलेम सहरता एरे एवतोग़. अस्के अद सहरतुन ऊळिस अळतोग़.

बळयिर 20:19

यहुदिर नाक हव्कलाह कोहन्दुर, अस्के नाक पका तिपल वाता. मति नना उड्ला बुदते ताकसोरे, कनिर पोहचोरे, येसुना सेवा कीसोर मतन.

1 कुरिंततोर 1:18

मन्कलोरिन पिसिह कीयलाहि, किर्स्तु हव्कनागुटातगा डोलतद पोल्‍लोतुन, अद तेल्वलेवद पोल्‍लो इनजोर, विस्वसलेवोर बूळेम आयवालोर इन्ह्‌तोर. देवुळि पिसिह कीतोरल माट बारा, अद पोल्‍लोतगा देवुळता पिसिह कीयनद लाव मन्ह्‌ता इनजोर इह्‌नल.

1 कुरिंततोर 6:9

देवुळतुह्‌क विचर वावाह ताकवालोर मन्कलोरु, अद राजेम कीयनगा मनदा पग़वोर इनजोर मीट पुतिर. मीट नाळेम आयमाटु. साट्याल कबस्क केवालोर, बोमान मोळ्कवालोर, दुस्रोराङ मुतेस्किन कवालोर, मुजोन विळ्सिसि दुस्रोन कवयनद आंचाळि, आंचाळ-कोय्तोना लेह्‌का कोय्तोग़ कोय्तोना संगे उंजवालोरु,

2 कुरिंततोर 11:13

ओर येसु किर्स्तुनाङ बळयिरोम इनजोर, नाळेह कीस्तोर. किर्स्तुनाङ बळयिर आयनद सोङ कीसोर, दुस्रोरिन लेसिह केवालोर आंदुर.

2 कुरिंततोर 11:29

बोग़ाय विस्वसि मन्कल कमजोर आतेके, नना वने अद्रमे आतप लेह्‌का आय्ह्‌नन. ओर्वोग़ विस्वसि मन्कन, बोराय पापमतके लेसिह कीतेके, नावा जीवा चुहेम आयो.

2 कुरिंततोर 2:4

अद सीटि रासिह्‌पा, नावा जीवा चुहेम आयो मति वेल्‍लाय दुकमते, कनिर्क पोहच-पोहच रासतन. मति मीक नारज कीयलाह तान लोहोन, मीक पकाय जीवा कीतन इनजोर, मीट पुनदना इन्जि, लोहतन.

गलातितोर 1:7

अद कबुर इतेके बेसतल आयो मति, मीक लेसिह केवालोर बोर मन्ह्‌तोर, ओर तान बेसता कबुर इन्जि, किर्स्तुना सेतेमता कबुरतुन मिळ्हतलाह ऊळिह्‌तोर.

गलातितोर 2:14

कलियिस तेला मति, वेर देवुळता सेतेम कबुर वेहतपु ताकोर आंदुर, तेन ऊळिसि नना कतमतोरा मुनेह पत्रुन तेर्हतन. “निमा इतेक यहुदिनिन आस तेला, किर्स्तुनगा वाताह्‌कु यहुदिराङ अडोन विळ्सिसि, यहुदि आयवोरा लेह्‌काने ताकिंदिन; मति इंजेके दुस्रा जाततोरिन निमा बेद्रमि मावा यहुदिराङ अडोङ नोमलाह जबर्दस्त कीय्ह्‌निन?

गलातितोर 2:21

यहुदिराङ अडोन नोमताह्‌कु, देवुळ माकु सेतेमतोर इता इतेके, किर्स्तु मयेनाह्‌कु हास पया बाताल पाय्दा? मति ओग़ हाताह्‌के, देवुळता दया माकु दोर्कता इन्जि, अद दयातुनु पेग़्के तासिसि, नना मल्स अडोनके अनोन.” (इद्रमि येसुसामि नाकु पुन्पिह कीतव इव पोल्‍लोङ नना पत्रुन वेहतन.)

गलातितोर 6:12

बोर यहुदिरा मान दोर्किह कीयलाह ऊळिह्‌तोर, ओरे मीकु डायना रिवज कीयलाह जबर्दस्त कीस्तोर.हव्कनागुटातगा ईतद मोकतेनाह्‌के माट देवुळतगा सेतेमतोरल आय्ह्‌नल, इद्रम पोकुर कीतेके, यहुदिर माक विरुद कीयनुर इन्जिये, ओर मीकु इद्रम कीया वेहतह्‌तोर.

गलातितोर 6:14

नाक बार अद्रमता दुनियातोरा कदर मुर्तिय गावल आयो; मति नना हव्कनागुटातगा हातोग़ सामि येसु किर्स्तुन नमवानन इन्जिये पोग़यिह्‌नन. अद हव्कनागुटातेनाह्‌के, इद दुनियाताङ पोल्‍लोङ नाक पट अरवोङ, अहे नावा ताकमुळि दुनियातोरिह्‌कु पट अरवो.

इपिसुसतोर 4:17

अदिनेनाह्‌क नना सामिना अदिकरते मीक इद्रम वेहतलाह आतन: देवुळतुन पुनवोर ताकनद अग़दे ताकमाटु. ओर बेव विचर्कने ताकिह्‌तोर, अव सबे उगसताङ आंदुङ.

1 तिसलुनितोर 4:6

बोग़े तना तोळतोग़ विस्वसिना (मुतेन कव्स मन्जि,) मावोग़ विस्वसिय कोनि इनजोर, ओना अडम पापम कीयनद आयो. इद्रमताङ कबस्क केवालोरिह्‌क, सामिनाहि सिक्सा दोर्किह्‌ता; अदिह्‌क अद्रम बेस्केन केमाट इनजोर, माट मीक मुनेन कळक पोल्‍लोते वेहच मतोम.

2 तिसलुनितोर 3:11

माट इद्रम बाराह्‌क रासिह्‌नोम इतेके, मियगा उच्वुर विस्वसिर कबळतुह्‌क लंडा आसि तिरियिह्‌तोर. आपुना कबळ-काम केवा, दुस्रोराङ कबस्कनगा कय्क वाटिह्‌तोर इनजोर, माट केंजतोम.

2 पत्रु 2:10

तमा मन्कना बुद वेहतपु, करबताङ लालुस्कने ताकवालोरिन, सामिना अदिकरतुन पास्कवालोरिन कोनि, पका सिक्सा ईस्ता. जोल पोल्‍लोङ काग़्हवालोर वेर मन्कलोर, बेदिह्‌के बह रेयोर, पका कैंगम आस्तोर; ओसो रेयवालेवा बेरा लावताङ देयह्‌किन बाताङे आयोङ इन्जि पास्किह्‌तोर.

यहुदाल 1:13

उड्रातस्के एग़ गोकिह्‌पा, बोमुल अग़्के गादा पेसना लेह्‌कान, वेर मन्कलोर तमाङ लजा वानाह मनदनव कबस्किन पेसिह कीस्तोर. ओसो आपुना जागातुन विळ्सिस वेलियनव उकाना लेह्‌का, (वेर वने आपुना विचर वातपे केवालोरु). वेर अमेसा-अमेसातुह्‌क सिक्सा आयना इन्जि, देवुळि ईकळ गंगाता जागातुन तयर कीस तासता.