पिलिपितोर 2:9 - माडिया गोंड पवित्र सास्त्रम

⁹ अदिनेनाह्‌क देवुळि ओन सबेटोरिह्‌क बेरोग़ कीता, ओसो सबे पेदिर्किह्‌काय, ओनाय पेदिरतुन बेरा कीता.

पिलिपितोर 2:9 Cross References

मत्याल 11:27

पया येसु इतोग़, “नावा बाबाल नाकु सबे पुनदलाह ईतोग़. देवुळबाबान विळ्सिस, बोग़े बार देवुळता मग़िन पुनोग़. ओसो बाबान सिरप नना, ओना मग़नन, पुह्‌नन, ओसो बाबान तोहतलाह बोरिन नना आचिह्‌नन, ओर वने बाबान पुनदनुर.

मत्याल 28:18

अस्के येसु ओरा एरे वास इतोग़, “देवुळदीपते ओसो नेदे मनवालोर कतमतोरा पोग़ोन, देवुळि नाक पूरा अदिकर ईता.

लूकाल 10:22

ओसो “नावा बाबाल नाकु सबे पुनदलाह ईतोग़. नावा देवुळबाबान विळ्सिसि, देवुळता मग़ि बोग़ आंदोग़ इनजोर बोग़े बह पुनोग़. अहे देवुळता मग़िन विळ्सिसि, देवुळबाबाल बोग़ आंदोग़ इनजोर बोग़े पुनोग़. अद्रमे नना बाबान तोहतलाह बोन-बोन आचिह्‌नन, ओरु बाबान पुनदनुर.”

योहन 13:3

येसु इतेके, नावा बाबाल नाकु पूरा अदिकर ईतोग़; नना देवुळतग्डाहि वातन, ओसो अगाने मल्स दाय्ह्‌नन इनजोर पुतोग़.

योहन 17:11

नेटाहि नना इद बूमते ओसो मनोन आयकन. नना नियके वाय्ह्‌नन, मति वेर इतेके इद बूमतेन मनदनुर. ए पवित्र बाबानिन, बहलेह्‌का माट इर्वल उंद आस मह्‌नल, अहलेह्‌का वेर वने उंद पट आयना इन्जि, वेरिन काप आडा. ओसो निमा नाक नीवा पेदिरता लाव ईतिन, अद लावते वेरिन काप आडा.

योहन 17:12

नना वेरा संगे इद दुनियाते मनेके, नाक ईतद नीवा पेदिरता लावते, वेरिन राका कींदन. बोग़ बूळेम आयवाल मन्ह्‌तोग़, ओग़ यहुदान विळ्सिसि, वेरग्डाहि बोग़े बूळेम आयोग़. ओग़ बूळेम आयवाना लोप्पा, सास्त्रमते रासतद पोल्‍लो करल आयना इन्जि, इव गोटिङ आयनाय गावले.

योहन 17:5

ए बाबा, इद दुनिया पुटनामुने, बेद्रम माट इर्वल ऐंगे डीसातोरल मतल, अद्रमे इंजेके नीवा संगे नाक डीसातोग़ आयलाह ईमु.

बळयिर 5:31

जीवा अर्हचि, ओने सामि, पिसिह केवाल इन्जि, देवुळि निल्पिह कीता. मावा इस्रयेलतोरिन पापमता अग़दाहि मल्हतलाहि, मावा पापमतुन मापि कीयलाहि, ओने निल्पिह कीसि, तना तिनळ बाजे पका कदर ईसि उदिह कीता.

इपिसुसतोर 1:10

अद पोल्‍लो इद्रम मन्ह्‌ता: देवुळि तना विचर कीतद कगो एवतस्के, पोग़ोटा बूमतगा मनदनव, ओसो इळ्ता बूमतगा मनदनव, सबेटविन जमा आनाह कीसि, येसु किर्स्तुना कयदे ईयनदु.

कुलुसितोर 1:18

ओसो माट विस्वसिरा मुलु मेंदुलता लेह्‌काडोरल, किर्स्तु तान ताकिह कीयनद तलाता लेह्‌काडोग़ु, ओनाय मेटे माट पिसिह्‌नल. हामुरताहि जीवा अरवालोरग्डाहि, ओग़े मुनेतोग़ आंदोग़, इद्रमलेह्‌का सबे पोल्‍लोने ओग़े मुनेतोग़.

2 तिसलुनितोर 1:12

अह आसि, मावा देवुळता ओसो येसुसामि किर्स्तुना देय्वाते, मीवा ताकमुळतेनाह्‌क येसुसामिह्‌कु मान दोर्कग़ा; अहे ओग़ वने मीक मान ईयनोग़.

इब्रितोर 1:4

इद्रमलेह्‌का देवुळि तना मग़िह्‌कु, देवतुल्किह्‌काय एक्‍वा अदिकर ईता, इतेके ओग़े देवतुल्किह्‌काय पका बेरोग़.

इब्रितोर 1:9

सेतेम नीक बेस विचर वास्ता, लाग्वद नीक मुर्तिय विचर वावो. अदिनेनाह्‌क नना नीवा देवुळतन, नीवा संगेतोरग्डाहि, नीके गिर्दा वानाह राजाल आयलाह आचतन.

इब्रितोर 12:2

वितिह्‌पा येसुनगाने कोंडा वाटिङ. मावा विस्वसतुन पुटिह केवाल ओग़े; मावा विस्वसतुन तपवाह कीसेवाल ओग़े. इद बूमते मनदह्‌पा, देवुळि ओनेनाह्‌क तासिस मतद गिर्दातुने सीता कीतोग़; अदिनेनाह्‌क हव्कनागुटाता सिक्साता लजातुन सीता केवा, ओग़ तान आपतोग़. इंजेके देवुळता तिनळ बाजे, राजेम ताकिह कीयलाहि उदतोग़.

इब्रितोर 2:9

मति ओर्विन माट पुतल. देवुळि गळ्किह्‌क, ओन पोग़ोटाङ देवतुल्किह्‌काय, उचुने उड्लोग़ कीस मता. ओग़ आंदोग़ येसु. मावा पोग़ोन देवुळि दया कीताह्‌कु, सबेटोर मन्कलोरेनाह्‌क, येसु डोलिस मतोग़. ओग़ पकाय तिपल आस डोलताह्‌कु, देवुळि ओन मान-डीसाते निल्पिह कीता.

1 पत्रु 3:22

इंजेके येसु किर्स्तु देवुळदीपतगा अन्जि, देवुळबाबाना तिनळ बाजे (बेरा अदिकरता गादेते) उदतोग़.(अदु बेचोन बेरा अदिकरता गादे इतेके,) सबे देवतुल्कु, सबे अदिकरते मनदनव लावताङ जीवाङ, ओना कय इळ्नु कीसीतव मन्ह्‌ताङ.

2 पत्रु 1:17

अद इद्रम मन्ह्‌ता: बेरा डीसाता देवुळि तना लेङते, “वेग़ नावा मग़ि; नना वेन जीवा कीतन; वेन ऊळिस गिर्दा आतन” इनजोर, देवुळबाबाल ओन मान ईसि, बेरोग़ कीतोग़. (कीतस्के माट अगा मतोम.)

3 योहन 1:7

ओर किर्स्तुना सेवातुह्‌क पेसतोर, साय्तातेनाह्‌क ओरु विस्वस केवोरगा अनोर.

तोहचीतव पोल्‍लोङ 11:15

पया एळुङ मल्काता देवतुलि अकुम ऊरता. अस्के देवुळदीपतगा वेल्‍लाङे लेङिङ जोरते पेसताङ. अव इद्रम इताङ, “दुनियाता राजेम पूरा मावा देवुळता, ओसो अद आचतोग़ पिसिह केवाल राजाना आता. इंजेके अद अमेसा-अमेसातुह्‌क राजेम ताकिह कीस्ता,” इनजोर इताङ.

तोहचीतव पोल्‍लोङ 19:16

ओना गेंदेतगा ओसो कोग़्कतगा तना पेदिर रासिस मता. अद इद्रम मता: “सबेटोर राजालोरा राजाल, सामिरा सामि” इनजोर मता.

तोहचीतव पोल्‍लोङ 3:21

बोर बोर लाग्वाङ पोल्‍लोन गेल्सनुर, ओरिनु नना नावा संगे राजेम ताकिह कीयलाह अदिकर ईकन. बेद्रम नना लाग्वाङ पोल्‍लोन गेल्सिसि, नावा बाबाल उदिस ताकिह कीयनद राजकुर्सतगा ओना संगे उदतन, अद्रम ओरिन उदिह कीकन.

तोहचीतव पोल्‍लोङ 5:12

अव जोरते इद्रम इताङ: “मन्कलोर इद गोरेपिलातुन हव्किस मतोर, मति इंजेके अदिकर तानाये, सबे मालसोम तानाये, बुदि तानाये, लाव तानाये, मान तानाये, डीसा तानाये, तान जोहर कीकल, अदे अद्रम कीयना लायकता आंदु,” इनजोर इताङ.