पिलिपितोर 2:17 - माडिया गोंड पवित्र सास्त्रम

¹⁷ बूमयालोर देवुळतुह्‌क जन्वरता पूरा मोक ईतप लेह्‌का, मीट अगा पिलिपि सहरते, मीवा विस्वसतेनाह्‌कु, तिपल आसोरेन मह्‌निर, अद्रम मीट देवुळतुन माळिह्‌निर. (नाक इगा रोम सहरतेहव्कतेक वने,) नावा नेतुर मीवा मोकतगा वळ्पतप आयग़ा. अदिह्‌क नना बेस गिर्दा आयकन. इंगो! मीवा संगे बेस गिर्दा आयकन.

पिलिपितोर 2:17 Cross References

बळयिर 20:24

मति हातेकाय, पिसतेकाय, नावा जीवाता नना पर्वा केवोन. देवुळता दयाता बेसता कबुरतुन पोकुर कीम इनजोर, येसुसामि नाक ईतद सेवातुन मारिह कीयनद, इदे नाक बेसु.

बळयिर 21:13

मति पोलु इतोग़, “मीट इद्रम बाराह्‌क इह्‌निर? मीट सबेटोरिर अळसि, नावा जीवातुन उड्ला केमाटु. नना येसु किर्स्तुनेनाह्‌कु येरुसलेमतगा जेलते मनदकन, अचोने आयो, मति ओनेनाह्‌क डोललाह वने तयरे मह्‌नन,” इनजोर इतोग़.

रोम सहरतोर 12:1

मावोर विस्वसिरिर! मीक इंजेक एवनाह वेहतव, देवुळता दयाताङ पोल्‍लोन सीता कीसीसि, मीट बाताल कीयना इनजोर, मीक अर्जि कीय्ह्‌नन: नावा मनमुळ इंजेके नयेनाह्‌क इले मति, देवुळतेनाह्‌के मन्ह्‌ता इन्जि, मीवाङ मेंदुस्किन देवुळता सेवातेनाह्‌कु ताना कयदे विळ्सिसीम्ह्‌टु. इद्रमताये मोकि देवुळतुह्‌क विचर वास्ता, इदिने देवुळतुन निटम माळना इनजोर इनदना.

रोम सहरतोर 15:16

यहुदि आयवोरिह्‌क बेसता कबुर वेहतलाहि, नाक किर्स्तु येसुना बळयि आयना इन्जि लोहता. बेद्रम देवुळता बूमयाल ताना मुनेह, तान्क विचर वायनद कोड वाटिह्‌तोग़, अद्रमलेह्‌काने नना पोकुर कीतद कबुरतुन नमवालोर यहुदि आयवोर विस्वसिर, नावा कयदाहि देवुळतुह्‌क वाटटद कोडलेह्‌का मन्ह्‌तोर.देवुळता पवित्र जीवा ओरिन एडिह कीताह्‌कु, ओर वने देवुळता मुनेह पवित्र आतोर.

2 कुरिंततोर 12:15

मीवा पाय्दातेनाह्‌क कोताङ आयिङ, लाव आयि, बेदे आयि, कर्सा कीयलाह तयर मह्‌नन; नना बेचोन कीया पग़यह्‌नन, अचोन सबे कीयलाह तयर मह्‌नन. मति नना मीक बेचोन एक्‍वा जीवा कीतन, अचोने कमि मीट नाक जीवा कीतिर अले.

2 कुरिंततोर 4:12

इद्रम मीक बेसता कबुरतुन पोकुर कीयनाह्‌कु, माक हामुरता दोका मन्ह्‌ता. मति अद कबुर मियगा एवताह्‌कु, मीक देवुळ ईयनद पिसमुळ मन्ह्‌ता.

2 कुरिंततोर 6:10

दुकम आतेक तेला, बेस गिर्दा आस मह्‌नोम. माट कोताङलेवोरोम मह्‌नोम, मति वेल्‍लाटोर मन्कलोर देवुळता बेरा बर्कततुन दोर्किह कीयनाह कीय्ह्‌नोम. मयगा बाताले इलवेक तेला, किर्स्तुनग्डाह दोर्कनव सबेटव मयेनाह्‌के मन्ह्‌ताङ.

2 कुरिंततोर 7:4

मकिदुनिया पटटे एव्स मतोम अस्के, माक मुर्तिय आरम दोर्को आसि. मावा सर्ने तिपल्के मताङ. मन्कलोर माक जग्ळम कींदुर. मावा जीवा वने पका रेयिस मता. मति मेसेह्‌ने मनवालोरा जीवातुन सितुर कीयनद देवुळि, तीतुसिन मयगा लोहचि, मावा जीवातुन सितुर कीसीता. सिरप ओग़ वाताह्‌के आयो, मति ओग़ मियग्डा कबुर वने ततोग़. मीट ओना जीवातुन सितुर कीसीतिर. नाक ऊळलाह पकाय मीवा जीवा पर्ह्‌किह्‌ता; ओसो मीट गल्ति कीताह्‌कु, आलिह कीय्ह्‌निर; अहे नावा संगे गूनम आयलाह, पकाय मीवा जीवा पर्ह्‌किह्‌ता इनजोर वने वेहतोग़. मीट माक जीवा कीतिर इनजोर नना पुताह्‌कु, बाताले मकिह केवालेवा, वेहतलाह आतन. मीवा लोप्पा नना पोग़यिह्‌नन. मीट नावा जीवातुन सितुर कीतिर. माट पकाय तिपल आतेक तेला, नना ओसोय गिर्दाते मह्‌नन.

पिलिपितोर 1:20

अद दिया नावा सेवाते बेदे लजाता पोल्‍लो दिसो आयग़ा इनजोर, नावा पूरा आसा मन्ह्‌ता. बह इतेके, इचानाह बेद्रम नना दीराते किर्स्तुना सेवा कीतन, अद्रमे इंजेक वने कीयलाह आतन. नना हातेकाय, पिसतेकाय, नावा सेवाते किर्स्तुना पेदिर बेरा आयग़ा.

पिलिपितोर 2:18

अद्रम मीट वने बेस गिर्दा आम्ह्‌टु. नावा संगे बेस गिर्दा आम्ह्‌टु.

पिलिपितोर 4:18

इपप्रुदितुना कयदे मीट लोहतिर, अव नाक दोर्कताह्‌कु, इंजेके नयगा सबे मन्ह्‌ता, आलिसि पिसनाह वने मन्ह्‌ता. मीट ईतद दान, देवुळतुह्‌क विचर वायनद, बेस गम-गम एग़्स्कतद मोकलेह्‌का आता.

कुलुसितोर 1:24

माट विस्वसिरा मुलु, किर्स्तुना मेंदुलता लेह्‌कान मह्‌नल. तना मेंदुलतेनाह्‌कु, किर्स्तुना तिपल इंका मारोये, ओना तिपलते नना वने कलियिह्‌नन. अदिनेनाह्‌क नावा मेंदुदगा तिपल आतेक तेला, गिर्दातेन मह्‌नन.

1 तिसलुनितोर 2:8

मीक पकाय जीवा कीस मताह्‌कु, देवुळता बेसता कबुरतुन मीक गिर्दाते काग़्हतोम. अचोने आयो मति, मीवा पाय्दातेनाह्‌क, मीवा संगे पोत्ला आयलाह ऊळिंदोम, अचोन मीक जीवा कीतोम.

2 तिमोति 4:6

बेद्रम देवुळतुह्‌क मोक ईयह्‌पा, अंगुर जोमातुन वळ्पिह्‌तोर, अद्रमलेह्‌कान नावा जीवातुन वने देवुळतेनाह्‌क ईयनद दिया एवता, नावा हायना वेला एवता.

1 पत्रु 2:5

ओना एरे वाताह्‌कु, मीट इंका जीवात मनदनव बंडानलेह्‌का आसि, देवुळि तना जीवातुह्‌क जागा कीयलाह, मीकु लोनलेह्‌का दोहतह्‌ता. मीटु इंजेके देवुळतुह्‌क इन्जि अलग आतिर; मीटु बूमयालोरा लेह्‌का मन्जि, येसु किर्स्तुनेनाहि देवुळबाबान गिर्दा कीयलाहि मोक ईतपु, आपुनाङ विचर्किन पोहचि, देवुळता विचर मतप ताकिह्‌निर.

1 योहन 3:16

येसुसामि मयेनाह्‌क तना जीवा ईतोग़. अस्केडाहिये जीवा कीयनद पोल्‍लोतुन माट पुतल. अदिनेनाह्‌क माट वने मावा ऐंगेटोर विस्वसिरासाटि गर्ज अरतेके, जीवा वने ईयलाह तयर मनदना गावले.