पिलिपितोर 2:16 - माडिया गोंड पवित्र सास्त्रम

¹⁶ मीट देवुळता पिसमुळ ईयनद पोल्‍लोतुन पोस विळ्समाटु. अद्रम मीट मतेके, नना मियगा पूरा दोगनाह, कह्‌टेम कीतद उगसिन अनो इनजोर, किर्स्तु वायनद दिया वेहता पग़यकन. वेर मावोर बेसतोर विस्वसिर इनजोर, मीवा लोप्पा इनदा पग़यकन.

पिलिपितोर 2:16 Cross References

मत्याल 10:27

बेद नना मीक ईकळते वेहतह्‌नन, अदिन मीटु वेह्‌चते लोकुरा मुनेह पिङम-पङम वेहाटु. ओसो बेव नना मीवा केवदे वेहतह्‌नन, अविनु लोता पोग़ोन निचि, पोकुर कीम्ह्‌टु.

लूकाल 12:8

“ओसो नना मीक वेहतह्‌नन, बोग़ु लोकुरा मुनेह, नना येसुनाङ कग़यवानन इन्जि कबुल आस्तोग़, ओन नना माने-मन्कना नडुम पुटटोनन, आक्रि नेयमता वेलाते, नावा देवुळता मुनेह ओसो देवतुल्कना मुनेह वेग़ मावोग़े इनदकन.

योहन 6:63

मन्कना बुदते विचर केमाटु, ताना पाय्दा बातय इले. मति देवुळता जीवाताहि दोर्कनद बुदते ताकतेकेने, मीकु तानग्डाहि करलता पिसमुळ दोर्कग़ा. बेव गोटिङ नना मीक वेहतन, अव देवुळता जीवाताङ गोटिङ आंदुङ, अविन नमतेके मीकु करलता पिसमुळ दोर्कग़ा.

योहन 6:68

अस्के सिमोन पत्रु इतोग़, “आयो सामि, नीक विळ्सिसि माट बोनगा दाकोम? अमेसाता पिसमुळताङ पोल्‍लोङ नियगाने दोर्किह्‌ताङ!

बळयिर 13:26

“मावोर इस्रयेलतोरिर, अब्रहम मुय्तोना पुळ्गतोरिर, यहुदिरा देवुळतुन मोळ्कवालोरिर, येसुसामि लोकुरिन पिसिह कीयनद कबुरतुनु, मयगाने देवुळि लोहचीता.

1 कुरिंततोर 1:8

तना ओसोवने वायनद दियाते, मीट बाताले कसुरलेवाह दिसना इन्जि, मावा येसुसामि किर्स्तु मीक आक्रि एवनाह, मेग़्किह कीस तासिह्‌तोग़.

1 कुरिंततोर 9:26

अदिनेनाह्‌क नना सीनातगा एवयकन इन्जि, जिदते वितिह्‌नन. निसान लेवगा एसवाना लेह्‌का आयोन.

गलातितोर 2:2

अगा देवुळिये नाक ओसीताह्‌कु नना अतन. अन्जि अग्डोर विस्वसिरगा, बोर मोदुल मन्कलोर मन्ह्‌तोर, ओरगा अतन. दुस्राङ जातिनोरगा नना काग़्हतद बेसता कबुरतुन, ओरिन ओर्के एग़िह कीस वेहतन. निमा काग़्हतद कबुर देवुळतग्डाहे वाता इनजोर, ओर पेदल्क नाक इनदनुर बहे; अस्के नावा पूरा कह्‌टेम उगसे अनो आयग़ा इन्जि, नावा आसा मता.

गलातितोर 4:11

नना मियगा बेद कह्‌टेम कीतन, अद पूरा उगसे अता बहे इन्जि, नना मियेनाह्‌क आलिह कीय्ह्‌नन.

पिलिपितोर 1:10

इद्रम आतेके, बेसताङ-बेसताङ पोल्‍लोङ बेव इनजोर पुनदा पग़यकिर. इद्रमलेह्‌का किर्स्तु वायनोग़ अस्के, मीट नेह्‌नोरिर ओसो कसुरलेवोरिर मनदकिर.

पिलिपितोर 1:6

देवुळि मियगा इद बेसतल कबळ कीयलाह सुरु कीता, अद कबळतुन कीसोरेन मनदग़ा. अद्रमे येसु किर्स्तु ओसो वायनद दिया एवनाह, तान मारिह कीयग़ाये, इद पोल्‍लोतगा नावा पूरा बर्वस मन्ह्‌ता.

1 तिसलुनितोर 2:19

मीक पकाय ऊळ वसिस मता. बाराह्‌क इतेके, मावा येसुसामि वायनोग़ अस्के, ओना मुनेह मीट वने मावा संगे मनदकिर इनजोर, माक आसा तासनाह कीतिर. अस्के मीटे माक गिर्दा आनाह कीकिर. माट मावा कबळतुन बेस-नेह्‌ना मारिह कीतोम इनजोर, पोग़यनाह केवालोरिर मीटे!

1 तिसलुनितोर 3:5

अदिनेनाह्‌क मीट विस्वसते मह्‌निरो, इलविरो इनजोर, नावा जीवा गाबर आताह्‌कु, तान पुनदलाहि, तिमोतिन मियगा लोहतन. लोकुरगा पापमता विचर पुटिह कीयनद देयह्‌कना मुक्याल, मीक वने विस्वस विळ्सनाह कीता बहे, माट पका कह्‌टेम कीस, मीक देवुळता पोल्‍लो काग़्हतद कबळ उगसिन आता बहे इनजोर, रेयिस मतन.

इब्रितोर 4:12

बाराह्‌क इतेके, देवुळ वेहतद पोल्‍लो जीवात मन्ह्‌ता. मावा लोप्पा कबळ कीस्ता. रेंड बाजेङ वाय्व मनदनद तल्वर कसेग़ बेद्रम बोकातुन, मुळ्गुंजतुन पग़्क पहतना लेह्‌का गडिह्‌ता; तान्काय एक्‍वा वीळिस, देवुळता पोल्‍लो मन्कलोरा जीवातुन, बुदतुन पग़्क पहतना लेह्‌का गडिह्‌ता. अद मन्कलोरा सीतातुन, विचरतुन पर्ह्‌किस ऊळिह्‌ता.

1 पत्रु 1:23

येसुना कबुर केंजिस नमताह्‌कु, इंजेके मीटु पूना पुटटप आतिर. तलोग़-तपेराहि पुटटद जीवा डोलिह्‌ताये; मति देवुळता अमेसा मनदनदु बेस्केन मिळ्न्दवदु पोल्‍लो केंजताह्‌कु, माक पूना जीवा दोर्कता, अद बेस्केन डोलो.

1 योहन 1:1

बोग़ बूम पुटवस्केडाह मन्ह्‌तोग़, ओना लोप्पा माट मीक वेहतलाह आतोम. ओनाङ माट केंजतोम, मावाङ कोंडाने ऊळतोम, बेस-नेह्‌ना ऊळिसि, मावाङ कय्कने वने इटिस ऊळतोम. ओनाय मेटे देवुळि माक वळ्ह्‌किसि, पिसमुळ ईस्ता.

तोहचीतव पोल्‍लोङ 22:17

देवुळता जीवा, ओसो गोरेपिलाता संगे जोळेम आयनद मर्मपिला, येसुन “वय!” इनजोर इन्ह्‌ताङ. इद पोल्‍लोतुन केंजवालोर वने, “वय” इनजोर इनिर. एग़ उनडा वसतोर वायिर, विचर मनवालोर मन्कलोर, जीवा ईयनद एतुन पुनेमते उनिर.