पिलिपितोर 2:11 - माडिया गोंड पवित्र सास्त्रम

¹¹ अहे सबेटोराङ वेंजेह्‌कु, “येसु किर्स्तुये कतमतोरा सामि” इनजोर कबुल आसि, देवुळबाबाह्‌क मान ईयिर इनजोर, देवुळि येसुन इद्रम कीता.

पिलिपितोर 2:11 Cross References

मत्याल 10:32

“बोरु लोकुरा मुनेह येसुनाङ कग़यवानन इन्जि कबुल आस्तोर, ओरिन नना वने आक्रि नेयमता वेलाते, नावा देवुळदीपतोग़ बाबाना मुनेह, वेर मावोरे इनदकन.

लूकाल 2:11

नेंडु दाविद राजाना नाटे, देवुळ लोहतोग़ु मीक पिसिह केवाल पुट वातोग़, ओग़े सामि किर्स्तु आंदोग़.

योहन 12:42

इद्रम मन्ज तेला, पेदा मन्कलोर वने वेल्‍लाटोरे, येसुन (तमा जीवाते) नमतोर. मति माकु मोळ्कनगा कलियलाह एवोर आयनुर इन्जि, परुसिरिन रेयिसि, देवुळ लोहतोग़ पिसिह केवाल येसुये आंदोग़ इनजोर, कबुल केवोर.

योहन 13:13

इह केंजाट, नना सेतेम वेहतह्‌नन, ओर्युल मन्कल तना माल्काह्‌क बेरोग़ आयोग़. अद्रमे बळयि वने, तन्क लोहवाह्‌क वीळिस बेरोग़ आयोग़. मीट नाकु ‘गूरु, सामि’ इनजोर केयिह्‌निर, इतेक मीट बराबर इह्‌निर, बह इतेके नना अद्रमतोनने. अदिनेनाह्‌कु नना गूरुनन ओसो सामिनन आस तेला, मीवाङ काल्किन नोग़तन इतेके, मीट वने इद्रमे काल्किन नोग़तपु, (ओर्वोग़-ओर्विना सेवा कीसोर मन्ह्‌टु). बहलेह्‌का नना कीतन, अहलेह्‌का मीट वने ओर्वोग़-ओर्विना सेवा कीयना इनजोरे, मीक उंद अग़ कीस तोहतन.

योहन 14:13

ओसो मग़ना लोप्पा बाबाना डीसा दिसना इन्जि, मीट बेव गोटिनु, माट नीवाङे लोकुरोम इन्जि ताल्ह्‌ककिर, अविन नना कीकन.

योहन 14:23

येसु ओन इतोग़, “बोर नाक जीवा कीयनुर, ओर नावा पोल्‍लोतुन माळनुर. बाबाल ओरिन जीवा कीयनोग़, पया माट इर्वोम ओरगा वासि, जागा पोयतकोम.

योहन 17:1

इव गोटिङ वळ्ह्‌कतस्के, येसु पोग़ोटा बूमतेके ऊळतोग़, अह कीस देवुळबाबान वळ्ह्‌कतोग़, “ए बाबा, नावा हायना कगो एवता. बोरिन निमा नाक ईतिन, ओर सबेटोरिह्‌क नना अमेसाता पिसमुळ ईयना इन्जि, निमा नाक माने-मन्कना पोग़ोन अदिकर ईतदे मन्ह्‌ता. अहलेह्‌का बाबा, नना नीक मान ईयना इन्जि, निमा नाक मान ईमु.

योहन 20:28

इतस्के “ओ नावा सामिनिन, नावा देवुळतिन!” इन्जि तोमाल येसुन इतोग़.

योहन 9:22

यहुदिराङ पेदल्किन रेयिसि, वेना तलोग़-तपेर अह इतोर. बाराह्‌क इतेके देवुळ लोहवाल पिसिह केवाल येसु आंदोग़ इनजोर, बोग़ कबुल कीयनोग़, ओग़ मावा मोळ्कनगा वायनायो इन्जि, यहुदिराङ पेदल्क कतमतोर उकुम ईस मतोर.

बळयिर 10:36

(देवुळि आचतोग़) येसु किर्स्तु, पापि मन्कलोरिन देवुळता संगे कलियिह कीतोग़ (ओग़े येसु कतमतोरा माल्काल). इदे बेसता कबुरतुन देवुळि तना इस्रयेल लोकुरिह्‌क लोहता, इदिन मीट पुतिर.

बळयिर 2:36

मीट बोन हव्कनागुटातगा मोल्‍लाङ कोटिस हव्कतिर, ओग़े येसुन, देवुळि कतमतोरा माल्काल कीता, ओसो मीवा पिसिह केवाल राजाल कीताये. इद पोल्‍लोतुन सबेटोर इस्रयेलतोर बेस-नेह्‌ना पुनिर,” इनजोर पत्रु वेहतोग़.

रोम सहरतोर 14:11

सामि वेहतद पोल्‍लो ताना सास्त्रमतगा मन्ह्‌ता, इदिन सीता कीम्ह्‌टु: “नना किरिया कीस वेहतह्‌नन, उंद दिया सबेटोर नावा मुनेह मिंडाङ कोटिस नाक मोळ्कनुर, सबेटोर नाकु देवुळि इनजोर कबुल आयनुर, इद निटम आयग़ा,” इनजोर रासतद मन्ह्‌ता.

रोम सहरतोर 14:9

डोलतोर ओसो जीवात मनवालोर विस्वसिरा माल्काल आयलाहिये, किर्स्तु डोलिस ओसो जीवा अरतोग़.

रोम सहरतोर 15:9

(ओसो उंद पोल्‍लोतेनाह्‌क वने, इद बूमते वातोग़. अद बाताल इतेके,)यहुदि आयवोर वने, देवुळि ओरा पोग़ोन कीतद दयातेनाह्‌कु, तान जोहर कीयिर. अदिना लोप्पा (देवुळताङ पाटानगा, दाविद राजाल) इद्रम रासतोग़: ए देवुळि! नना दुस्राङ जातिनोरा संगे कलियिसि, नीक पाटाङ ओसि जोहर कीकन, इनजोर रासतोग़.

1 कुरिंततोर 12:3

(अस्के देयम पोस वळ्ह्‌कवालोरिन ऊळतिर. पया देवुळता जीवाता दळ्मते वळ्ह्‌कवालोरिन बह पुनदकिर? अदिनेनाह्‌क बेद निटम देवुळता जीवाता बुदि इनजोर, मीट पुनदना. अद इद्रमि:) बोग़ाय मन्कन देवुळता जीवा ताकिह कीतेके, ओग़ मन्कल बेस्केन येसुन सरप एवोग़. अहे देवुळता जीवालेवा बोग़े मन्कल येसुनु, सामि इनजोर इनोग़.

1 कुरिंततोर 15:47

मुनेतोग़ मन्कल बूमता तोळ्योते पंडटोग़ु, मति पेग़्केडोग़ मन्कल किर्स्तु, पोग़ोटोग़ आंदोग़.

1 कुरिंततोर 8:6

अह इतेकाय, माट विस्वसिरेनाह्‌क उंदिय देवुळ मन्ह्‌ता इतेके मावा देवुळबाबाले. ओग़े सबेटविन पुटिह कीतोग़. माट ओनेनाह्‌के पिसिह्‌नल. अद्रमलेह्‌काने मावा सामि इतेके किर्स्तु येसुसामि वग़ोग़े! देवुळि ओना कयदे सबेटविन पुटिह कीता. ओनाय कयदे माक वने पिसिह कीता.

1 पत्रु 1:21

येसु मियेनाह्‌क बाताल कीतोग़, तान ऊळिसि मीटु देवुळता पोग़ोन विस्वस तासिह्‌निर. देवुळि येसुनु हामुरताहि जीवा अर्हचि, ओन्कु बेरा पेदिर ईसि तासता. तासताह्‌कु, मीटु देवुळता पोग़ोन विस्वस तासिसि, करलता आसाते मह्‌निर.

1 योहन 4:15

येसुये देवुळता मग़ि इनजोर, बोर कबुल कीस्तोर, ओरा जीवातगा देवुळ जागा आस्ता; ओसो ओर वने देवुळता संगे जोळेम आस मन्ह्‌तोर.

1 योहन 4:2

ओरगा निटम देवुळता जीवा मन्ह्‌ताया, इले इनजोर, मीट इद्रमलेह्‌का ऊळकिर: येसु किर्स्तु मन्कल मारियिस, इद बूमते वातोग़ इनजोर बोर वेहतह्‌तोर, ओरु देवुळता जीवाताहि वळ्ह्‌किह्‌तोर.

2 योहन 1:7

लोकुरिन नाळेह कीस लेसिह केवालोर वेल्‍लाटोर, दुनियाते पेसतोर. येसु किर्स्तु मन्कल मारियिस इद बूमते वावोग़ इनजोर, ओर वेहतलाह आतोर. इद्रम वेहवालोरे लेसिह केवालोरु, ओसो किर्स्तुना विरुदतोर आंदुर.

तोहचीतव पोल्‍लोङ 3:5

बोर बोर लाग्वाङ पोल्‍लोन गेल्सनुर, ओर वने इद्रमे पांड्रि गेंदेङ उहतनुर. ओराङ पेदिर्क, देवुळतगा मनदनद अमेसातुह्‌क पिसवालोरा पुस्तकतगा रासतव मन्ह्‌ताङ. तानग्डाहि ओराङ पेदिर्किन बेस्केने एडिह केवोन आयकन. वेर नावा मन्कलोर इनजोर, नावा बाबाना मुनेह, ओसो ओनाङ देवतुल्कना मुनेह वेहतकन.