1 Thimiththaoc 4:4 - LON ILOPOROT LOKAPIK NATHAM NꞌREK NNONATHAM NOMAꞌROT

⁴ Akka aꞌrupu ia Kapik kokkothe appik woporot ana papu pella ipꞌrako amma poccurat nthopirane Kapik noka.

1 Thimiththaoc 4:4 Cross References

Ngre 10:15

Apoꞌre pen appiꞌrekathok itti, “Kirrnni iꞌre aꞌrupu appik itti wakannoka woꞌrillir ia Kapik kothikkiet woꞌrillir.”

Ngre 15:29

nocoꞌro nti ithoꞌrko kapa kaꞌrupu ionguttanet ꞌran, nokorronno ïkko ngüccük, nokorronno oꞌrko kapa kaꞌrupu iannokeccetta ikalak, nokorronno aꞌro nul nuthuk. Nokwantot kathar ikanon opaꞌrine aꞌrupu iongantettat cik appik. Thararot.

Ngre 21:25

Anaruk okkwion ithannoka ul woIouth ithoccokothe lon loIeccuo onïn thokurrinet kin itti okin thacoꞌro nti ithoꞌrko kapa kaꞌrupu ionguttanet ꞌran ana ngüccük ana kapa kaꞌrupu iannokeccetta ikalak ana thaꞌro nul nuthuk.”

Roma 14:14

Ana ammakka pul ipaik iIli oIeccuo, mpina kicce itti thuꞌrit thella ithokithak ngka kung. Anaruk amma pul pakatha itti papu pokithak ana paka pokithak naak.

Roma 14:20

Nokorronno okïtto ngre ngoKapik nti ilon lothuꞌrit. Akka thuꞌrit appik thoporot anaruk lokithak itti pul paꞌrko thuꞌrit ithakkinthet opangon thꞌrek lon ilokithak.

Roma 14:6

Okkwi ipaccot kït nocaꞌri culukku, kwaik papirie Ili Kapik noka. Ana okkwi ipaꞌrko kapa kwaik papirie Kapik noka akka okin thapirie Kapik noka akin tharuthuk oꞌrkoik. Ana okkwion ithꞌrat oꞌrko aꞌrupu wꞌrek okin thapirie Kapik noka.

1 Kurunthuc 10:23

Opilingon nti ianon thiꞌre itti “Oron thakkot lon appik ilaron thongothe itti oron thakkot” anaruk mpiꞌret non itti lon ncik appik lakorronno oka loporot ana lakirrnnittararot.

1 Kurunthuc 10:25

Noꞌrko kapa appik ikaik keccuk nokorronno ipitto lon ila nthonu ima.

1 Kurunthuc 10:26

Akka “capu ncik appik coIli ana aꞌrupu iaik tit appik.”

1 Kurunthuc 10:30

Amma mpaik paꞌrko thuꞌrit thothopirane Kapik noka ngintha akka aul orukenthin itti mpaik pakkot lon lokithak?

1 Thimiththaoc 4:3

Ul wen wamet ul itti wakannipo ana oceꞌrekin nothuꞌrit thꞌrek itha Kapik kokkothe. Anaruk Kapik kokkothe thuꞌrit enthi itti thartta ana opirane Kapik noka nan, okin ithoccokothe lon loIeccuo nomïkït ana ithina lon ilaik ïcat.