ཕི་ལིབ་པཱི་པ། 4:9 - གློ་བ།

⁹ ཁྱེད་ཀྱ་ཡིས་ང་ནས་གི་སྦྱངས་ཀྱིན་དང་། ཁས་ལེན་བྱས་ཀྱིན་དང་། ཉན་གྱིན་དང་། མཐོང་གིན་ལབ་ཀྱ་རང་གི་མི་ཚེ་ལ་ལག་ལེན་བྱེད། དེ་ནས་ཞི་བདེའི་དཀོན་མཆོག་ཁྱེད་ཀྱ་མུ་ལ་བཞུགས་བ་མཛད་ཀྱི་ལགས།

ཕི་ལིབ་པཱི་པ། 4:9 Cross References

མད་ཐཱ། 1:23

ལྟོས་དང་། ན་ཆུང་གཙང་མ་གཅིག་ལ་ཕྲུ་ཆགས་ཏེ། མོ་ནས་སྲས་གཅིག་འཁྲུང་གི་ལགས། དེ་ནས་ཁོང་པ་ཡི་མཚན་ཨིམ་མ་ནུ་ཨེལ་སྨྲས་རེ་འབོད་ཀྱི་ལགས། (འདིའི་དོན་གོ་དཀོན་མཆོག་འོ་རང་མུ་ལ།)

མད་ཐཱ། 28:20

དེ་ནས་ངས་ཁྱེད་ཀྱ་ལ་བསླབས་ཀྱིན་བཀའ་གི་རི་སྲུང་ཡས་ལ་ཁོང་ཀྱ་ལ་སློབས། དེ་ནས་མཐའ་ཡི་དུས་ཐུག་པའི་ནམ་ཡིན་ན། ང་ཁྱེད་ཀྱ་མུ་ལ་འོད་སྨྲས་རེ་ཧ་གོ་ར་བྱེད།།

མད་ཐཱ། 7:21

ང་ལ་གཙོ་བོ། གཙོ་བོ་སྨྲས་རེ་འབོད་མཁན་གི་རི་ནམ་མཁའི་རྒྱལ་སྲིད་ལ་མི་ཆུད་ཀྱི་ལགས། ཡིན་ནའང་ནམ་མཁའི་ཞིང་ཁམས་དུ་བཞུགས་ཀྱིན་ངའི་ཡབ་ཀྱི་ཐུགས་དགོངས་སྒྲུབ་མཁན་གོ་གཅིག་ཀ་འདིའི་ནང་དུ་ཆུད་ཀྱི་ལགས།

ལུ་ཀ། 6:46

ངས་སྨྲ་གིན་གོ་མི་བྱེད་ན། ཁྱེད་ཀྱ་གི་བྱས་རེ་ང་ལ་གཙོ་བོ་གཙོ་བོ་སྨྲས་རེ་བོས་ལ་ལེ།

ལུ་ཀ། 8:21

ཡིན་ནའང་ཁོང་པ་ཡིས་འོ་དེ་ཀྱ་ལ་གསུངས་བ་ལགས། ངའི་ཨ་མ་དང་ནུ་བོ་ཀྱ་དཀོན་མཆོག་གི་བཀའ་ཉན་གྱིན་དང་འོ་དེ་རྩི་གིན་ཀྱ་ལགས།

ཡོ་ཧ་ནན། 13:17

ཁྱེད་ཀྱ་ཡིས་དེ་ཀྱ་ཡི་དོན་ཧ་གོ་སྟེ་འོ་དེ་ཅོག་རེ་བྱས་ན། ཁྱེད་ཀྱ་ལ་བྱིན་རླབས་འཐོབ་ཀྱི་ལགས།

ཡོ་ཧ་ནན། 15:14

ངས་ཁྱེད་ཀྱ་ལ་སྟེར་གྱིན་བཀའ་གོ་ཁྱེད་ཀྱ་ཡིས་བསྲུངས་ན། ཁྱེད་ཀྱ་ངའི་ཆོས་གྲོགས་ཡིན།

ཡོ་ཧ་ནན། 2:5

ཁོང་པ་ཡི་ཡུམ་གྱིས་གཡོག་པོ་ཀྱ་ལ་ཁོང་པ་ཡིས་གི་གསུངས་ཀྱིན་གོ་བྱེད་སྨྲས་རེ་སྨྲས་བ་ལགས།

མཛད་པ། 9:6

ཡིན་ནའང་ཁྱོད་ལོངས། དེ་ནས་རྒྱལ་ས་རུ་སོང་། འོ་དུ་རུ་ཁྱོས་བྱེད་དགོས་ཀྱིན་གོ་ཁྱོད་ལ་སྨྲ་གུ་ལགས།

རོ་མཱ་པ། 15:33

ཞི་བདེའི་དཀོན་མཆོག་ཁྱེད་ཀྱ་གི་རི་མུ་ལ་བཞུགས་བར་ཤོག། ཨ་མེན།།

རོ་མཱ་པ། 16:20

ཞི་བདེའི་དཀོན་མཆོག་གིས་བདུད་སཱ་ཏན་ལ་མགྱོགས་སེ་རང་ཁྱེད་ཀྱ་ཡི་རྐང་པའི་འོག་ལ་བསྣེམ་གྱི་ལགས། འོ་རི་གཙོ་བོ་ཡེ་ཤུ་མཱ་ཤི་ཀའི་ཐུགས་རྗེ་ཁྱེད་ཀྱ་མུ་ལ་འོང་བར་ཤོག།

༡ ཀོ་རིན་ཐུ་པ། 10:31

འོ་བྱས་རེ་ཁྱེད་ཀྱ་ཟ་ན། ཡང་ན་འཐུང་ན། ཡང་ན་གི་བྱེད་ན། གི་རི་དཀོན་མཆོག་གི་གཟི་བརྗིད་ཀྱི་ཆེད་དུ་བྱེད།

༡ ཀོ་རིན་ཐུ་པ། 14:33

གི་བྱས་རེ་སྨྲ་ན་དཀོན་མཆོག་ནི་མགོ་འཁྲུག་ཏུ་བཅུག་གིན་དཀོན་མཆོག་མིན་ད། ཞི་བདེའི་དཀོན་མཆོག་ལགས། དམ་པའི་མི་ཀྱ་ཡི་ཆོས་ཚོགས་གི་རི་ཡི་འགྲོ་སྟངས་ལ་བརྟེན་ཏེ།

༡ ཀོ་རིན་ཐུ་པ། 4:16

འོ་བྱས་རེ་ང་ཁྱེད་ཀྱ་ལ་ངའི་ལད་མོ་བྱེད་སྨྲས་རེ་སྐུལ་ལ་ཡིན།

༢ ཀོ་རིན་ཐུ་པ། 13:11

མཐའ་ལ་སྤུན་ཀྱ་བོ། བཀྲ་ཤིས་བར་ཤོག། ཕུན་སུམ་ཚོགས་པ་འབྱུང་ཡས་ཀྱི་ཆེད་དུ་དམིགས་ཡུལ་ཞོག། དེ་ནས་གཅིག་གིས་གཅིག་ལ་སེམས་གསོ་སྤོར། ཕུན་སུམ་མུ་ལ་མཐུན་ཏེ་སོང་། དེ་ནས་ཞི་བདེ་ལ་སྡོད། དེ་ནས་བྱམས་པ་དང་ཞི་བདེའི་དཀོན་མཆོག་ཁྱེད་ཀྱི་མུ་ལ་བཞུགས་ཀྱི་ལགས།

ཕི་ལིབ་པཱི་པ། 3:17

སྤུན་ཀྱ་བོ། ང་ལ་དཔེ་བཞག་སྟེ་མི་ཚེ་པུད། དེ་ནས་འི་ཀི་མི་ཚེ་ལ་ཁྱེད་ཀྱ་ཡིས་མཐོང་ཐ་དཔེ་ཅོག་རེ་མི་ཚེ་པུད་མཁན་ཀྱ་ལ་ཞིབ་ལྟ་བྱེད།

ཕི་ལིབ་པཱི་པ། 4:7

དེ་ནས་མི་ཀྱ་ཡི་བསམ་བློ་ལ་རང་མེད་ཀྱིན་དཀོན་མཆོག་གི་ཞི་བདེ་ཡིས། ཁྱེད་ཀྱ་ཡི་སེམས་དང་བསམ་བློ་ལ་མཱ་ཤི་ཀ་ཡེ་ཤུའི་ནང་སྲུང་ང་མཛད་ཀྱི་ལགས།

༡ ཐེ་ས་ལོ་ནི་ཀེ་པ། 1:6

དམི་ཅིག་གི་སྡུག་ང་ཆེའི་ཁོག་ལའང་ཁྱེད་ཀྱ་དམ་པའི་ཐུགས་ཉིད་དགའ་སྤྲོ་ཀྱི་ཐོག་ནས། གཏམ་བཟང་གོ་ཁས་ལེན་ཏེ་ཁྱེད་ཀྱ་འེ་དང་གཙོ་བོའི་ལད་མོ་བྱེད་ཀྱིན་བྱུང་བ་ལགས།

༡ ཐེ་ས་ལོ་ནི་ཀེ་པ། 2:14

སྤུན་ཟླ་ཀྱ་བོ། ཡུ་དེ་ཡཱ་རུ་འོད་མཁན་ཡེ་ཤུ་མཱ་ཤི་ཀ་ལ་དད་པ་བྱེད་མཁན་དཀོན་མཆོག་གི་ཆོས་ཚོགས་ཀྱི་ལད་མོ་བྱེད་མཁན་ཁྱེད་ཀྱ་བྱུང་སོང་། གི་བྱས་རེ་སྨྲ་ན་ཁོང་ཀྱ་ལ་ཡ་ཧུ་དཱ་པ་ཀྱ་ཡིས་སྡུག་པོ་བཏང་གིན་ཅོག་རེ། ཁྱེད་ཀྱ་ལའང་ཁྱེད་རི་རང་གི་མི་ཀྱ་ཡིས་སྡུག་པོ་བཏང་བ་ལགས།

༡ ཐེ་ས་ལོ་ནི་ཀེ་པ། 5:23

ད་ཞི་བདེའི་དཀོན་མཆོག་གིས་རང་ཁྱེད་ཀྱ་ནང་འོད་ཀྱིན་གི་རི་དམ་པ་མཛད་ད་ཤོག དེ་ནས་འོ་རི་གཙོ་བོ་ཡེ་ཤུ་མཱ་ཤི་ཀ་ཕེབས་བའི་གང་ལ། ཁྱེད་ཀྱ་ཡི་སེམས་ཉིད་དང་། སེམས་དང་། ལུས་གི་རི་སྐྱོན་མེད་ཀྱིན་སྲུང་བར་ཤོག

༢ ཐེ་ས་ལོ་ནི་ཀེ་པ། 3:4

འི་ཀིས་བཀའ་སྟེར་ད་ཅོག་རེ་ཁྱེད་ཀྱ་ད་ལྟ་བྱེད་འདིག། དེ་ནས་ཞུག་ཐུག་པའི་བྱེད་ཀྱི་ལགས་སྨྲས་རེ་འེ་ཀྱ་ལ་གཙོ་བོ་ནས་བློ་གཏད་འོད།

༢ ཏི་མོ་ཐེའུ། 4:22

གཙོ་བོ་ཁྱོའི་སེམས་ནང་དུ་བཞུགས་བར་ཤོག། གཙོ་བོའི་ཐུགས་རྗེ་ཁྱེད་ཀྱ་མུ་ལ་འོང་བར་ཤོག །།

ཡ་ཀོབ། 1:22

བཀའ་ལ་ཉན་ཡས་གཅིག་ཀ་བྱུང་རེ་རང་ལ་མགོ་སྐོར་མ་བཏང་། ཡིན་ནའང་བཀའ་ལ་གསུངས་ཀྱིན་ཅོག་རེ་བྱེད་མཁན་འབྱུང་།

༢ པེ་ཏྲོ། 1:10

འོ་བྱས་རེ་སྤུན་ཀྱ་བོ། ཁྱེད་ཀྱ་ལ་དཀོན་མཆོག་གིས་བོས་པ་དང་བདམས་ད་གོ་ལ། དངོས་གནས་ཡིན་གྱིན་གོ་སྟོན་ཡས་ཆེད་དུ་དོ་རང་འང་བརྩོན་འགྲུས་བྱེད། གི་བྱས་རེ་སྨྲ་ན་དེ་རེ་བྱེད་ན། ཁྱེད་ཀྱ་ཁྱེད་རི་དད་པ་ནས་ལྷིམ་གྱི་མ་ལགས།

༡ ཡོ་ཧ་ནན། 3:22

དེ་ནས་འོ་རིས་གི་ཞུ་ན། འོ་དེ་གོ་ཁོང་གི་ཐོག་ནས་ཐོབ་པ་ལགས། གི་བྱས་རེ་སྨྲ་ན་འོ་རང་ཁོང་པ་ཡི་བཀའ་ཀྱ་སྲུང་ང་ལགས། དེ་ནས་ཁོང་ལ་ཐུགས་མཉེས་བོ་འོང་གིན་ལས་ཀ་ཀྱ་བྱེད་ད་ལགས།