ཕི་ལིབ་པཱི་པ། 4:4 - གློ་བ།

⁴ ཁྱེད་ཀྱ་གཙོ་བོ་ལ་བརྟེན་ཏེ་ནམ་ཡིན་ན་དགའ་སྤྲོ་བྱེད། ང་ལྡབ་ལེ་སྨྲ་ཡིན། དགའ་སྤྲོ་བྱེད།

ཕི་ལིབ་པཱི་པ། 4:4 Cross References

མད་ཐཱ། 5:12

ནམ་མཁའི་ཞིང་ཁམས་དུ་ཁྱེད་ཀྱ་ཡི་ཕྱིར་ལ་བྱ་དགའ་ཆེ་འོད་ད་ལགས། འོ་བྱས་རེ་དགའ་དགའ་སྐྱིད་སྐྱིད་བྱེད། གི་བྱས་རེ་སྨྲ་ན་ཁྱེད་ཀྱ་ཡི་ཨེན་ལ་འོད་ཀྱིན་མངོན་ཤེས་མཁན་ཀྱ་ལ་ཁོང་ཀྱ་ཡིས་དེ་རེ་རང་བྱས་རེ་སྡུག་པོ་བཏང་བ་ལགས།

མཛད་པ། 16:25

ད་མཚན་གྱི་ཏིག་ཏིག་ལ་པའུ་ལུ་དང་སིལ་བ་ནུ་གསོལ་བ་བརྒྱབ་སྟེ། དཀོན་མཆོག་ལ་བསྟོད་གླུ་ཕུལ་རེ་བསྡད་པ་ལགས། དེ་ནས་གཞན་མ་བཙོན་པ་ཀྱ་མཉན་ཏེ་བསྡད་འོད་ད་ལགས།

མཛད་པ། 5:41

ཡེ་ཤུ་ཡི་མཚན་གྱི་ཕྱིར་ལ་སྡུག་པོ་མྱངས་རིན་ཁ་ཡས་འོད་ཀྱིན་དཀོན་མཆོག་གིས་ཁོང་ཀྱ་ལ་གནང་སོང་སྨྲས་རེ། ཉམ་མོ་དགའི་དགའི་ཁོང་ཀྱ་འོ་དེ་ཚོགས་པ་ཆེ་ནས་ལོག་སྟེ་སོང་བ་ལགས།

རོ་མཱ་པ། 12:12

དེ་ནས་རེ་བ་ལ་བརྟེན་ཏེ་དགའ་སྤྲོ་བྱེད། དེ་ནས་སྡུག་པོ་མྱངས་བའི་གང་ལ་བཟོད་པ་བྱེད། དེ་ནས་ཙོག་བའི་སྨོན་ལམ་ཞུས།

༢ ཀོ་རིན་ཐུ་པ། 6:10

དེ་ནས་འེ་ཀྱ་སེམས་སྐྱོ་འོད་ནའང་། ཙོག་བའི་དགའ་སྤྲོ་ཡིས་ཁང་འོད། དེ་ནས་དབུལ་སྤྲེ་འོད་ནའང་། མང་ཆེ་ལ་ཕྱུག་པོ་བཟོས་ཐུབ་འོད། དེ་ནས་གིའང་མེད་ཀྱིན་ཅོག་རེ་འོད་ནའང་། འེ་ཀྱ་ལ་གི་རི་འོད།

ག་ལ་ཏི་ཡཱ་པ། 1:8

གི་ཡིན་ན་འི་ཀིས་ཁྱེད་ཀྱ་ལ་བཤད་ཀྱིན་གཏམ་བཟང་གི་མི་འདྲ་བ་འེ་ཀྱ་དང་། ནམ་མཁའི་བང་ཆེན་གཅིག་གིས་འང་གཞན་མ་བཤད་ན། འོ་དེ་གོ་ལ་དཀོན་མཆོག་གི་ཆད་པ་ཕོག་བར་ཤོག

ཕི་ལིབ་པཱི་པ། 2:18

འོ་བྱས་རེ་ཁྱེད་ཀྱའང་ངའི་མུ་ལ་ཉམ་མོ་དགྱེས་རེ་དགའ་སྤྲོ་བྱེད།

ཕི་ལིབ་པཱི་པ། 3:1

ངའི་སྤུན་ཀྱ་བོ། གཙོ་བོའི་ནང་དགའ་སྤྲོ་བྱེད། ཁྱེད་ཀྱ་ལ་ཙོག་བའི་ལབ་དེ་ལྡབ་ལེ་བྲིས་ཡས་ལ་ང་ན་མི་སུན་འདག། དེ་ནས་དེ་ཁྱེད་ཀྱ་ཡི་སྲུང་སྐྱོབ་ཀྱི་ཕྱིར་ལ་ལགས།

༡ པེ་ཏྲོ། 4:13

ཡིན་ནའང་མཱ་ཤི་ཀ་གཟི་བརྗིད་ལ་མངོན་ཏེ་གང་ལ། ཁྱེད་ཀྱ་དམི་ཅིག་གི་ཉམ་དགའ་དང་། དགའ་སྤྲོ་སྐྱེས་ཡས་ཀྱི་ཕྱིར་ལ། ད་ལྟ་ཁྱེད་ཀྱ་མཱ་ཤི་ཀའི་སྡུག་པོ་མུ་ལ་འཁུར་རི་གང་ལ་ཉམ་དགའ་བྱེད།