ཕི་ལིབ་པཱི་པ། 3:13 - གློ་བ།

¹³ སྤུན་ཀྱ་བོ། ངས་དོན་གི་རི་ཟིམ་ཚར་འོད་སྨྲས་རེ་མེད་བསམས་འོད། ཡིན་ནའང་ང་གི་བྱེད་འདིག་འོད་སྨྲ་ན། རྒྱབ་ལ་སོང་ཚར་ས་དོན་ཀྱ་བརྗེད་དེ་གདོང་ལ་འོད་ཀྱིན་དོན་ཀྱ་ལ་ཤུགས་བརྒྱབ་སྟེ།

ཕི་ལིབ་པཱི་པ། 3:13 Cross References

ལུ་ཀ། 10:42

ཡིན་ནའང་དགོས་ཀྱིན་གོ་གཅིག་གཅིག་ཀ་ལགས། མིར་ཡམ་གྱིས་ལས་ཀ་བཟང་ང་གོ་བདམས་འདུག། དེ་ནས་འོ་དེ་མོ་ནས་འཕྲོག་གི་མ་ལགས།།

ལུ་ཀ། 9:62

ཡེ་ཤུ་ཡིས་ཁོ་ལ་གསུངས་བ་ལགས། རང་གི་ལག་པ་ཐོང་པ་ཁར་ལ་བཞག་སྟེ་རྒྱབ་ཕྱོགས་ལ་མིག་ལྟ་གིན་སུའང་དཀོན་མཆོག་གི་རྒྱལ་སྲིད་ལ་ཕན་མེད་ཐོག་གི་ལགས།།

༢ ཀོ་རིན་ཐུ་པ། 5:16

འོ་བྱས་རེ་དེ་ནས་ཧ་ལ་འེ་ཀྱ་སུ་ལའང་མི་ཡིས་ལྟ་སྟངས་ནས་མེད་ལྟ། ཨེན་མ་མཱ་ཤི་ཀ་ལ་འེ་ཀྱ་ཡིས་མིའི་ལྟ་སྟངས་ནས་བལྟས་བ་ལགས། ད་དེ་ནས་ཧ་ལ་འེ་ཀྱ་ཁོང་ལ་འོ་རེ་བྱས་རེ་མེད་ལྟ།

ཕི་ལིབ་པཱི་པ། 2:12

འོ་བྱས་རེ་ངའི་གཅེས་བའི་ཀྱ་བོ། ཁྱེད་ཀྱ་ཡིས་ཙོག་བའི་ངའི་ཁ་ལ་ཉན་གྱིན་ཅོག་རེ་ང་འོད་དེ་གང་ལ་གཅིག་ཀ་མིན་ད། ཡིན་ནའང་དེ་ལས་ལྷག་ང་མེད་རང་ཁྱེད་ཀྱ་འཇིགས་སྣང་དང་། གུས་ཞབས་ཀྱི་ཐོག་ནས་རང་གི་ཐར་པའི་ཕྱིར་ལ་དཀའ་ལས་རྒྱོབ།

ཕི་ལིབ་པཱི་པ། 3:12

ངས་དེ་གི་རི་ཨེན་དུ་རུ་ཐོབ་ཚར་འོད། ཡང་ན་ང་ཡང་དག་པ་བྱུང་ཚར་འོད་སྨྲས་རེ་སྨྲ་མིན། ཡིན་ནའང་དོན་གིན་གྱི་ཕྱིར་ལ་མཱ་ཤི་ཀ་ཡིས་ང་ལ་ཟིམ་མ་མཛད་པ་ལེ། འོ་དེ་ཟིམ་ཡས་ལ་རང་ང་དཀའ་ལས་བརྒྱབ་སྟེ་འགྲོའི་འོད།

ཕི་ལིབ་པཱི་པ། 3:8

དེ་ཚོད་གཅིག་ཀ་མིན་ད། མཱ་ཤི་ཀ་ཡེ་ཤུ་ལ་ངའི་གཙོ་བོ་ཡིན་སྨྲས་རེ་ངོ་ཤེས་ཡས་ཀྱི་དེ་རེ་རྩ་ཆེ་ལབ་ཀྱི་གདོང་དུ། གཞན་མ་གི་རི་ང་གྱོང་རྩི་ལ་ཡིན། ཁོང་གི་ཆེད་དུ་ངས་གི་རི་བློས་བཏང་བའི། དེ་ནས་འོ་དེ་གི་རི་ངས་ཛོར་ར་བརྩིས་ལི་འོད། དེ་ནི་ང་མཱ་ཤི་ཀའི་འབྱུང་བར་ཤོག་སྨྲས་རེ་ལགས།

ཨིབ་རི་པ། 6:1

འོ་བྱས་རེ་འོ་རང་མཱ་ཤི་ཀའི་རྨང་གཞིའི་བསླབ་བྱ་ཀྱ་ལ་ལྡབ་ལེ་ཀུལ་ལེ་སྦྱང་ཡས་ལ་མཚམས་བཞག་སྟེ། ཡིན་ནའང་བསླབ་བྱ་གཏིང་རིང་ང་ཀྱ་སྦྱང་ཡས་ཕྱོགས་ལ་འགྲོའོ། འཆི་བ་ལ་འཁྲིད་ཀྱིན་ལས་ཀ་ཀྱ་ལ་འགྱོད་པ་བྱེད་ཡས་དང་། དཀོན་མཆོག་ལ་དད་པ་བྱེད་ཡས་ཅོག་རེ་བསླབ་བྱ་ཀྱ་ཡི་རྨང་གཞི་གོ་འོ་རང་ལྡབ་ལེ་གཏིང་དགོས་ཡས་མེད་ད་ལགས།

༢ པེ་ཏྲོ། 3:8

ཡིན་ནའང་གཅེས་བའི་ཀྱ་བོ། གཙོ་བོའི་ཆེད་དུ་ཉིན་མ་གཅིག་ནི་ལོ་སྟོང་དང་ལོ་སྟོང་ནི་ཉིན་མ་གཅིག་ཅོག་རེ་ལགས་སྨྲས་རེ་ཁྱེད་ཀྱ་དྲན་པ་མ་རྗེད།