ཕི་ལིབ་པཱི་པ། 2:7 - གློ་བ།

⁷ ཡིན་ནའང་རང་ལ་སྟོང་པ་མཛད་དེ། བྲན་གཡོག་གི་གཤིས་ཀ་བསྣུམས་ཏེ། མིའི་ལུས་ལ་འཁྲུངས།

ཕི་ལིབ་པཱི་པ། 2:7 Cross References

མད་ཐཱ། 12:18

ངས་བདམས་ད་ངའི་ཞབས་ཕྱི། ངའི་སེམས་དགའ་གིན་ངའི་གཅེས་བའི་འདི་ལ་ལྟོས། ང་ངའི་ཐུགས་ཉིད་ཁོའི་ཁར་ལ་བཞག་ཡས་ཡིན། དེ་ནས་ཁོས་མི་རིགས་གི་རི་ལ་ཁྲིམས་གཅོད་ཀྱི་གསལ་བསྒྲགས་བྱེད་ཀྱི་ལགས།

མད་ཐཱ། 20:28

འོ་བྱས་རེ་མིའི་བུ་གོའང་ཞབས་ཕྱི་ལེན་དུ་འོངས་བ་མིན་ད། ཞབས་ཕྱི་ཞུ་རུ་འོང་བ་ལགས། དེ་ནས་མི་མང་ང་ཡི་ཐར་པ་ཡི་ཕྱིར་ལ་རང་གི་སྲོག་འབུལ་རུ་འོང་བ་ལགས།

མར་ཀུ། 9:12

དེ་ནས་ཡེ་ཤུ་ཡིས་ཁོང་ཀྱ་ལ་གསུངས་བ་ལགས། ཨེ་ལི་ཡཱ་ཨེན་ལ་ཕེབས་ཏེ་གི་རི་གསར་པ་བཟོ་གི་ལགས། ད་ཧ་ན་མིའི་བུ་ཡིས་སྡུག་པོ་མང་ང་མྱངས་དགོས་གུ་ལགས། དེ་ནས་གི་རི་ཡིས་མི་བརྩི་གི་ལགས་སྨྲས་རེ་གསུང་རབ་ལ་གང་གི་བྱས་རེ་བྲིས་འདུག་བོ།

ལུ་ཀ། 22:27

ཟ་མ་ཟ་མཁན་དང་ཞབས་ཕྱི་ཞུ་མཁན་གོ་ནས་སུ་ཆེ་ལེ། ཟ་མ་ཟ་མཁན་གོ་མ་ལེ། ཡིན་ནའང་ལྟོས། ང་ཁྱེད་ཀྱ་ཡི་གུང་དུ་ཞབས་ཕྱི་ཞུ་མཁན་ཅོག་རེ་ཡིན།

ཡོ་ཧ་ནན། 1:14

དེ་ནས་བཀའ་གོ་ལུས་ལ་གྱུར། དེ་ནས་འོ་རང་མུ་ལ་བཞུགས། ཁོང་ནི་ཐུགས་རྗེ་དང་བདེན་པ་ཡིས་ཁངས་འོད་ད་ལགས། ཁང་གི་གཟི་བརྗིད་ཡབ་དཀོན་མཆོག་ནས་ཡིན་གྱིན་སྲས་གཅིག་པོའི་གཟི་བརྗིད་འོ་རི་མཇལ་བ་ལགས།

རོ་མཱ་པ། 1:3

གཏམ་བཟང་འདི་ནི་དཀོན་མཆོག་གི་སྲས་ཀྱི་སྐོར་ལ་ལགས། ཁོང་ནི་ལུས་ལ་རྒྱལ་པོ་དཱ་བིད་ཀྱི་གདུང་རྒྱུད་ནས་འཁྲུངས་བ་ལགས།

རོ་མཱ་པ། 15:3

གི་བྱས་རེ་སྨྲ་ན་མཱ་ཤི་ཀ་ཡིས་འང་རང་གི་ཐུགས་དགྱེས་རུ་བཅུག་བ་མ་མཛད་པ་ལགས། འདིའི་སྐོར་ལ་གསུང་རབ་ལ་དེ་རེ་བྲིས་འོད་ད་ལགས། ཁྱེད་རང་ལ་སྨད་སྤྲ་བཏང་མཁན་གྱིས་སྨད་སྤྲ་ངའི་ཁར་ལ་ཕོག་འདུག

རོ་མཱ་པ། 15:8

འོ་རི་དང་པའི་ཕ་མ་ཀྱ་ལ་གནང་ན་དམ་བཅའ་ཀྱ་སྒྲུབ་ཡས་དང་། ཡ་ཧུ་དཱ་པ་མིན་མཁན་ཀྱ་ཡིས་ཁོང་པ་ཡི་ཐུགས་རྗེའི་ཆེད་དུ་དཀོན་མཆོག་ལ་བསྟོད་པ་འབུལ་ཡས་ཀྱི་ཕྱིར་ལ། མཱ་ཤི་ཀ་ཡིས་དཀོན་མཆོག་གི་བདེན་པ་སྟོན་ད་མཛད་པ་ལགས། དེ་ནས་ཁོང་པ་རང་ཡ་ཧུ་དཱ་པ་ཀྱ་ཡི་གཡོག་པོ་ལ་གྱུར་པ་ལགས་སྨྲས་རེ་ང་ཁྱེད་ཀྱ་ལ་སྨྲ་ཡིན། འདིའི་སྐོར་ལ་གསུང་རབ་ལ་དེ་རེ་བྲིས་འོད་ད་ལགས། འོ་བྱས་རེ་ཡ་ཧུ་དཱ་པ་མིན་མཁན་ཀྱ་ཡི་ཁོག་ཏུ་ང་ཁྱེད་རང་ལ་བསྟོད་པ་འབུལ་ཡས་ཡིན། དེ་ནས་ཁྱེད་རང་གི་མཚན་གྱི་བསྟོད་དབྱངས་འབུལ་ཡས་ཡིན།

རོ་མཱ་པ། 8:3

འོ་རི་ལུས་ཀྱིས་སྐྱོ་བ་བཟོས་ཟ་ཆོས་ཁྲིམས་ཀྱི་བྱེད་མ་ཐུབ་ཀྱིན་གོ། དཀོན་མཆོག་གིས་རང་གི་སྲས་སྡིག་པའི་རང་གཤིས་ཀྱི་ལུས་ལ་སྡིག་པའི་དམར་མཆོད་འབྱུང་ཡས་ལ་བརྫངས་ང་མཛད་དེ་འོ་དེ་མཛད་པ་ལགས། དེ་ནས་དེ་རེ་བྱས་རེ་ཁོང་གིས་སྡིག་པ་ལ་ལུས་ལ་རང་ཆད་པ་བསྐལ་མཛད་པ་ལགས།

༢ ཀོ་རིན་ཐུ་པ། 13:4

གི་བྱས་རེ་སྨྲ་ན་ཁོང་པ་སྐྱོ་བ་འོད་ད་རང་རྒྱང་ཤིང་ལ་བརྐྱངས་པ་ལགས། ཡིན་ནའང་དཀོན་མཆོག་གི་ནུས་མཐུའི་ཐོག་ནས་ཁོང་པ་གསོན་པ་ལགས། དེ་རེ་རང་བྱས་རེ་འེ་ཀྱ་ཁོང་པ་ཡི་ནང་སྐྱོ་བ་འོད། ཡིན་ནའང་ཁྱེད་ཀྱི་མུ་ལ་འབྲེལ་བ་བྱེད་ཡས་ལ། འེ་ཀྱ་དཀོན་མཆོག་གི་ནུས་མཐུའི་ཐོག་ནས་འེ་ཀྱ་ཁོང་པ་མུ་ལ་རང་གསོན་པོ་གནས་ཀྱི་ལགས།

༢ ཀོ་རིན་ཐུ་པ། 8:9

གི་བྱས་རེ་སྨྲ་ན་འོ་རི་གཙོ་བོ་ཡེ་ཤུ་མཱ་ཤི་ཀའི་ཐུགས་རྗེ་ཁྱེད་ཀྱ་ཤེས་ལ་ལགས། ཁོང་ཕྱུག་པོ་བྱེད་རེའང་ཁྱེད་ཀྱ་ཡི་དོན་དུ་དབུལ་སྤྲེ་བྱུང་བ་ལགས། འདི་ནི་ཁོང་དབུལ་སྤྲེ་བྱུང་གིན་གྱི་ཐོག་ནས་ཁྱེད་ཀྱ་ཕྱུག་པོ་འབྱུང་བར་ཤོག་སྨྲས་རེ་ལགས།

ག་ལ་ཏི་ཡཱ་པ། 4:4

ཡིན་ནའང་དུས་ཚོད་ཏག་ཏག་གོ་འོངས་ཚར་ཏེ། དཀོན་མཆོག་གིས་རང་གི་སྲས་བཏང་ང་མཛད་པ་ལགས། དེ་ནས་ཆོས་ཁྲིམས་ཀྱི་འོག་ཏུ་འོད་མཁན་འོ་རང་ཀྱ་ལ་ཐར་པ་མཛད་ཡས་དང་། འོ་རང་ཁོང་གི་སྲས་དང་སྲས་མོ་འབྱུང་ཡས་ལ། ཁོང་པ་བུ་མོ་གཅིག་ནས་ཆོས་ཁྲིམས་ཀྱི་འོག་ཏུ་འཁྲུངས་བ་ལགས།

ཕི་ལིབ་པཱི་པ། 2:6

ཁོང་དཀོན་མཆོག་གི་གཤིས་ཀ་ལ་བྱས་རེའང་། དཀོན་མཆོག་འདྲ་འདྲ་རྩི་ཡས་ཀྱི་ལབ་ལ་ཟིམ་ཏེ་མ་བཞུགས།

ཨིབ་རི་པ། 12:2

འོ་རི་དད་པའི་འགོ་འཛུགས་མཛད་ཀྱིན་དང་མཐའ་འཁྱོལ་ལ་མཛད་ཀྱིན་ཡེ་ཤུ་ལ་འོ་རང་ལྟ་དགོས། ཁོང་པ་ཡིས་རང་གི་གདོང་དུ་བཞག་ཞ་དགའ་སྤྲོ་ཀྱི་ཆེད་དུ། རྒྱང་ཤིང་གི་སྡུག་པོ་གོ་བཟོད་པ་བྱས་རེ་ཁུར་ར་མཛད་པ་ལགས། དེ་ནས་འཕྱ་ལས་ལ་མཐོང་ཆུང་མཛད་པ་ལགས། དེ་ནས་ཁོང་དཀོན་མཆོག་གི་བཞུགས་ཁྲིའི་གཡས་ཕྱོགས་ལ་བཞུགས་འོད་ད་ལགས།

ཨིབ་རི་པ། 13:3

བཙོན་ཁང་ནང་དུ་འོད་མཁན་ཀྱ་ལ་ཁྱེད་ཀྱའང་ཁོང་ཀྱ་མུ་ལ་བཙོན་ཁང་དུ་འོད་ཀྱིན་ཅོག་རེ་བྱས་རེ་དྲན་གསོ་བྱེད། དེ་ནས་རང་གི་སྡུག་བསྔལ་མྱངས་ཀྱིན་ཅོག་རེ་སྡུག་པོ་མྱངས་མཁན་ཀྱ་ལ་དྲན་གསོ་བྱེད།

ཨིབ་རི་པ། 4:15

གི་བྱས་རེ་སྨྲ་ན་འོ་རི་ཐབས་སྐྱོ་བ་གོ་ལ་སྙིང་རྗེ་མཛད་མི་ཐུབ་ཀྱིན་གཙོ་མཆོད་དཔོན་འོ་རང་ལ་མེད་ད་ལགས། འོ་རང་ཅོག་རེ་དོན་གི་རི་ལ་ཚོད་ད་ལ་ཆུད་དེའང་ཁོང་པ་ཡིས་སྡིག་པ་གཅིག་འང་མ་བྱས་བ་ལགས།