ཕི་ལིབ་པཱི་པ། 2:30 - གློ་བ།

³⁰ གི་བྱས་རེ་སྨྲ་ན་མཱ་ཤི་ཀའི་ལས་ཀའི་དོན་ལ་ཁོ་ཤི་ལག་བྱས་བ་ལགས། ཁྱེད་ཀྱི་ཚབ་ལ་ང་ལ་ཞབས་ཕྱི་ཞུ་ཡས་ཀྱི་ཆེད་དུ་ཁོས་ཁོ་རི་མི་ཚེ་རང་ཉེན་ཁ་ལ་བཏང་སོང་།།

ཕི་ལིབ་པཱི་པ། 2:30 Cross References

མཛད་པ། 20:24

ཡིན་ནའང་དཀོན་མཆོག་གི་ཐུགས་རྗེའི་སྐོར་ལ་གཏམ་བཟང་གོ་བཤད་ཀྱིན་གཙོ་བོ་ཡེ་ཤུ་ནས་ང་ལ་ཐོབ་ཐ་ལས་ཀ་དེ་མ་འགྲུབ་ཀྱིན་ཐུག་པའི། ང་ང་རི་མི་ཚེ་འདིའི་དོན་གིན་ད་མི་བརྩིས་འོད།

རོ་མཱ་པ། 16:4

ཁོང་ཀྱ་ཡིས་ངའི་ཆེད་དུ་རང་གི་མི་ཚེ་རང་ཉེན་ཁ་ཆེ་ལ་བཅུག་པ་ལགས། དེ་ནས་ཁོང་ཀྱ་ལ་ང་གཅིག་ཀ་མིན་ད། ཡིན་ནའང་ཡ་ཧུ་དཱ་པ་མིན་མཁན་ཆོས་ཚོགས་འོད་ལེ་གིས་འང་བཀའ་དྲིན་ཆེ་ཞུ་ལ་ལགས།

༡ ཀོ་རིན་ཐུ་པ། 15:53

གི་བྱས་རེ་སྨྲ་ན་མེད་ད་ལ་འགྲོ་གིན་གྱི་མེད་ད་ལ་མེད་འགྲོ་གིན་ལུས་ལ། དེ་ནས་འཆི་བ་ལ་འགྲོ་ཡས་ཡིན་གྱིན་ལུས་ཀྱི་འཆི་བ་མེད་ཀྱིན་ལུས་ལ་འགྱུར་དགོས་ཀྱི་ལགས།

༡ ཀོ་རིན་ཐུ་པ། 16:10

ད་ཏི་མོ་ཐེའུ་ཁྱེད་ཀྱི་རྩ་རུ་འོང་ང་རང་ཁྱེད་ཀྱ་ཡིས་ཁོ་ལ་འཇིགས་སྣང་གིའང་མི་བྱུང་ང་བསྡད་དུ་ཆུག། གི་བྱས་རེ་སྨྲ་ན་ཁོའང་ང་ཅོག་རེ་གཙོ་བོའི་ལས་ཀ་བྱེད་ད་ལགས།

༡ ཀོ་རིན་ཐུ་པ། 16:17

སེ་ཏེ་ཕ་ནཱ་དང་། ཕོར་ཏོ་ནཱ་ཏོ་དང་། ཨ་ཀ་ཡ་ཀུ་སླེབས་ཏེ་ང་དམི་ཅིག་གི་ཉམ་མོ་དགྱེས་སོང་། གི་བྱས་རེ་སྨྲ་ན་ཁྱེད་ཀྱ་མེད་དེ་གང་ལ་ཁོང་ཀྱ་ཡིས་ང་ལ་རོགས་བ་བྱས་སོང་།

༢ ཀོ་རིན་ཐུ་པ། 12:15

དེ་ནས་ང་ཁྱེད་ཀྱ་ཡི་ཆེད་དུ་དགའ་སྤྲོ་ཀྱི་སྒོ་ནས་ང་ལ་འོད་ཀྱིན་གི་རི་དང་། ང་རང་རང་ལ་འབུལ་ཡས་ཡིན། ངས་ཁྱེད་ཀྱ་ལ་བརྩེ་བ་མང་ང་བྱེད་ན། ང་ལ་བརྩེ་བ་ཉུང་ང་ཐོབ་གུ་ལགས་སེ།

༢ ཀོ་རིན་ཐུ་པ། 4:12

འོ་བྱས་རེ་འཆི་བས་འི་ཀི་མི་ཚེ་ལ་ལས་ཀ་བྱེད་ད་ལགས། ཡིན་ནའང་ཚེ་ནི་ཁྱེད་ཀྱ་ཡི་མི་ཚེ་ལ་ལས་ཀ་བྱེད་ད་ལགས།

ཕི་ལིབ་པཱི་པ། 2:17

ཡིན་ནའང་ཁྱེད་ཀྱ་ཡི་དད་པའི་མཆོད་པ་དང་བསྙེན་བཀུར་འགྲུབ་ཡས་ཀྱི་ཕྱིར་ལ། ངའི་ཕྲག་ནི་གསེར་སྐྱེམས་ཅོག་རེ་འབུལ་དགོས་ཡས་ཡིན་ན། ང་ཉམ་མོ་དགའི། དེ་ནས་ཁྱེད་ཀྱ་གི་རི་མུ་ལ་དགའ་སྤྲོ་བྱེད་ཡས་ཡིན།

ཕི་ལིབ་པཱི་པ། 2:27

དངོས་གནས་རང་ཁོ་ནད་རེ་ཤི་གུ་བྱས་བ་ལགས། ཡིན་ནའང་དཀོན་མཆོག་གིས་ཁོ་ལ་ཐུགས་རྗེ་གཟིགས་བ་མཛད་པ་ལགས། ཁོ་ལ་གཅིག་ཀ་མ་ལགས། ཡིན་ནའང་ང་ལ་སྡུག་ང་གི་ཁར་ལ་སྡུག་ང་མ་འཕར་ར་ཤོག་སྨྲས་རེ་ང་ལ་ཐུགས་རྗེ་གཟིགས་སོང་།

ཕི་ལིབ་པཱི་པ། 4:10

ད་ལྟ་ཡུན་རིང་ང་གཅིག་གཤམ་ནས་ཁྱེད་ཀྱ་ཡིས་ངའི་སྐོར་ལ། སེམས་ཁྲལ་ཡང་དི་བྱེད་ཀྱིན་གོ་ལ་ང་གཙོ་བོའི་ནང་དམི་ཅིག་གི་ཉམ་མོ་དགའི་འོད། ཁྱེད་ཀྱ་ངའི་ཕྱིར་ལ་དངོས་གནས་ཀྱི་སེམས་ཁྲལ་བྱེད་ད་ལགས། ཡིན་ནའང་ཁྱེད་ཀྱ་ལ་གོ་སྐབས་མ་འབྱོར་པ་ལགས།

ཕི་ལིབ་པཱི་པ། 4:18

ང་ལ་འཐོབ་དགོས་ཀྱིན་ནས་མང་ང་གི་རི་ཐོབ་འོད། དེ་ནས་ཨེ་པབ་རོ་དི་ཏོ་ནས་ཁྱེད་ཀྱ་ཡིས་བསྐུར་ཀ་རྔན་པ་གོ་ཐོབ་སྟེ། ད་ད་ལྟ་ང་ལ་གི་རི་ཚང་གིན་འོད། དེ་ནས་འོ་དེ་རྔན་པ་ནི་དྲི་ཞིམ་གྱི་མཆོད་པ་ཅོག་རེ་དཀོན་མཆོག་གི་དྲུང་དུ། ཐུགས་མཉེས་བོ་དང་ཐུགས་བསྣུམས་མ་མཛད་ཐུབ་ཀྱིན་འདུག།

ཕི་ལེ་མོན། 1:13

ང་གཏམ་བཟང་གི་རྐྱེན་གྱིས་བཙོན་ཁང་དུ་འོད་དུས། ཁྱོའི་ཚབ་ལ་ཁོས་ང་ལ་ཞབས་ཕྱི་ཞུ་ཡས་ལ་ངས་ཁོ་ལ་ང་རང་མུ་ལ་བཞག་ཡས་ཀྱི་འདོད་པ་འོད།

མངོན་པ། 12:11

འོ་རི་སྤུན་ཀྱ་ཡི་ལུག་ཕྲུག་གི་ཁྲག་དང་། རང་གི་བདེན་དཔང་གི་ཚིག་གིས་བྱས་རེ། འོ་དེ་སྐྱོན་འཛུགས་མཁན་གྱི་ཁར་ལ་རྒྱལ་བ་ལགས། དེ་ནས་འཆི་བའི་ཁ་ཐུག་པའི་སླེབས་དགོས་ན། ཁོང་ཀྱ་ཡིས་རང་གི་སྲོག་ལ་མ་བལྟས་བ་ལགས།