ཕི་ལིབ་པཱི་པ། 2:17 - གློ་བ།

¹⁷ ཡིན་ནའང་ཁྱེད་ཀྱ་ཡི་དད་པའི་མཆོད་པ་དང་བསྙེན་བཀུར་འགྲུབ་ཡས་ཀྱི་ཕྱིར་ལ། ངའི་ཕྲག་ནི་གསེར་སྐྱེམས་ཅོག་རེ་འབུལ་དགོས་ཡས་ཡིན་ན། ང་ཉམ་མོ་དགའི། དེ་ནས་ཁྱེད་ཀྱ་གི་རི་མུ་ལ་དགའ་སྤྲོ་བྱེད་ཡས་ཡིན།

ཕི་ལིབ་པཱི་པ། 2:17 Cross References

མཛད་པ། 20:24

ཡིན་ནའང་དཀོན་མཆོག་གི་ཐུགས་རྗེའི་སྐོར་ལ་གཏམ་བཟང་གོ་བཤད་ཀྱིན་གཙོ་བོ་ཡེ་ཤུ་ནས་ང་ལ་ཐོབ་ཐ་ལས་ཀ་དེ་མ་འགྲུབ་ཀྱིན་ཐུག་པའི། ང་ང་རི་མི་ཚེ་འདིའི་དོན་གིན་ད་མི་བརྩིས་འོད།

མཛད་པ། 21:13

ཡིན་ནའང་པའུ་ལུ་ཡིས་སྨྲས་བ་ལགས། གི་བྱས་རེ་ཁྱེད་ཀྱ་ངུས་རེ་ངའི་སེམས་མི་སྐྱིད་ད་ཟོ་བ་ལེ། ང་ཡེ་རུ་ཤ་ལེམ་དུ་བཙོན་ཁང་དུ་འདགས་ཡས་ལ་གཅིག་ཀ་མིན་ད། ང་རི་གཙོ་བོ་ཡེ་ཤུ་ཡི་ཕྱིར་ལ་ཤི་ཡས་ལ་གྲ་སྒྲིག་འོད།

རོ་མཱ་པ། 12:1

འོ་བྱས་རེ་སྤུན་ཀྱ་བོ། དཀོན་མཆོག་གིས་ཁྱེད་ཀྱ་ལ་སྙིང་རྗེ་གཟིགས་བ་མཛད་དེ། ཁོང་གི་དྲུང་དུ་དམ་པ་དང་ཐུགས་མཉེས་བོ་འབྱུང་ཡས་ལ། རང་གི་ལུས་གོ་མཆོད་པ་གསོན་པོ་ཅོག་རེ་ཕུལ་སྨྲས་རེ་ང་ཁྱེད་ཀྱ་ལ་ཞུ་བ་འབུལ་ལ་ཡིན། དེ་རང་ཁྱེད་ཀྱ་ཡིས་ཁོང་པ་ལ་འབུལ་དགོས་ཀྱིན་ཕྱག་མཆོད་པ་བདེན་པ་གོ་ལགས།

རོ་མཱ་པ། 15:16

ཡ་ཧུ་དཱ་པ་མིན་མཁན་ཀྱ་ཡི་ཆེད་དུ་མཱ་ཤི་ཀ་ཡེ་ཤུའི་ཞབས་ཕྱི་པ་འབྱུང་ཡས་ལགས། དེ་ནས་དམ་པའི་ཐུགས་ཉིད་ཀྱིས་ཡ་ཧུ་དཱ་པ་མིན་མཁན་ཀྱ་ལ་དམ་པ་མཛད་དེ། ཁོང་ཀྱ་དཀོན་མཆོག་ལ་ཐུགས་མཉེས་བོ་འོང་གིན་མཆོད་པ་འབྱུང་ཡས་ཀྱི་ཕྱིར་ལ། དཀོན་མཆོག་གི་གཏམ་བཟང་བཤད་ཡས་ཀྱི་མཆོད་དཔོན་གཅིག་གི་ལས་འགན་གོ་ང་ལ་གནང་འོད་ད་ལགས།

༢ ཀོ་རིན་ཐུ་པ། 12:15

དེ་ནས་ང་ཁྱེད་ཀྱ་ཡི་ཆེད་དུ་དགའ་སྤྲོ་ཀྱི་སྒོ་ནས་ང་ལ་འོད་ཀྱིན་གི་རི་དང་། ང་རང་རང་ལ་འབུལ་ཡས་ཡིན། ངས་ཁྱེད་ཀྱ་ལ་བརྩེ་བ་མང་ང་བྱེད་ན། ང་ལ་བརྩེ་བ་ཉུང་ང་ཐོབ་གུ་ལགས་སེ།

༢ ཀོ་རིན་ཐུ་པ། 4:12

འོ་བྱས་རེ་འཆི་བས་འི་ཀི་མི་ཚེ་ལ་ལས་ཀ་བྱེད་ད་ལགས། ཡིན་ནའང་ཚེ་ནི་ཁྱེད་ཀྱ་ཡི་མི་ཚེ་ལ་ལས་ཀ་བྱེད་ད་ལགས།

༢ ཀོ་རིན་ཐུ་པ། 6:10

དེ་ནས་འེ་ཀྱ་སེམས་སྐྱོ་འོད་ནའང་། ཙོག་བའི་དགའ་སྤྲོ་ཡིས་ཁང་འོད། དེ་ནས་དབུལ་སྤྲེ་འོད་ནའང་། མང་ཆེ་ལ་ཕྱུག་པོ་བཟོས་ཐུབ་འོད། དེ་ནས་གིའང་མེད་ཀྱིན་ཅོག་རེ་འོད་ནའང་། འེ་ཀྱ་ལ་གི་རི་འོད།

༢ ཀོ་རིན་ཐུ་པ། 7:4

ཁྱེད་ཀྱ་ཡི་ཁར་ལ་ང་བློ་གཏད་ཆེ་འོད། དེ་ནས་ཁྱེད་ཀྱ་ཡི་ཆེད་དུ་ང་དམི་ཅིག་གི་ངོམ་གསོ་བྱེད་འདིག་འོད། ང་སེམས་གསོ་ཡིས་ཁང་འོད། དེ་ནས་སྡུང་ང་གི་རིའི་ཁོག་ཏུའང་ང་དགའ་སྤྲོ་ཆེ་བྱེད་འདིག་འོད།

ཕི་ལིབ་པཱི་པ། 1:20

ངའི་སེམས་ནང་གི་འདོད་པ་དང་རེ་བ་ནི་ང་ལ་ངོ་ཚ་པབ་ཀྱིན་ག་ནས་མི་འབྱུང་བ། ཡིན་ནའང་སྙིང་ཆེ་འབྱུང་རེ་གསོན་པོ་ཡང་ན་འཆི་བ་འོད་ན། ངའི་ལུས་ནང་ཙོག་བའི་ཅོག་རེ་ད་ལྟ་མཱ་ཤི་ཀའི་གུས་ཞབས་འབྱུང་ཡས་ལགས།

ཕི་ལིབ་པཱི་པ། 2:18

འོ་བྱས་རེ་ཁྱེད་ཀྱའང་ངའི་མུ་ལ་ཉམ་མོ་དགྱེས་རེ་དགའ་སྤྲོ་བྱེད།

ཕི་ལིབ་པཱི་པ། 2:30

གི་བྱས་རེ་སྨྲ་ན་མཱ་ཤི་ཀའི་ལས་ཀའི་དོན་ལ་ཁོ་ཤི་ལག་བྱས་བ་ལགས། ཁྱེད་ཀྱི་ཚབ་ལ་ང་ལ་ཞབས་ཕྱི་ཞུ་ཡས་ཀྱི་ཆེད་དུ་ཁོས་ཁོ་རི་མི་ཚེ་རང་ཉེན་ཁ་ལ་བཏང་སོང་།།

ཕི་ལིབ་པཱི་པ། 4:18

ང་ལ་འཐོབ་དགོས་ཀྱིན་ནས་མང་ང་གི་རི་ཐོབ་འོད། དེ་ནས་ཨེ་པབ་རོ་དི་ཏོ་ནས་ཁྱེད་ཀྱ་ཡིས་བསྐུར་ཀ་རྔན་པ་གོ་ཐོབ་སྟེ། ད་ད་ལྟ་ང་ལ་གི་རི་ཚང་གིན་འོད། དེ་ནས་འོ་དེ་རྔན་པ་ནི་དྲི་ཞིམ་གྱི་མཆོད་པ་ཅོག་རེ་དཀོན་མཆོག་གི་དྲུང་དུ། ཐུགས་མཉེས་བོ་དང་ཐུགས་བསྣུམས་མ་མཛད་ཐུབ་ཀྱིན་འདུག།

ཀོ་ལོ་སཱེ་པ། 1:24

ད་ངས་ཁྱེད་ཀྱ་ཡི་དོན་ལ་མྱངས་ཀྱིན་དཀའ་བསྔལ་ལ་ང་དགའ་སྤྲོ་བྱེད་འདིག་འོད། མཱ་ཤི་ཀའི་སྐུ་སྲོག་ཡིན་གྱིན་ཆོས་ཚོགས་ཀྱི་ཆེད་དུ་ཁོང་གི་སྡུག་བསྔལ་ལྷག་མ་དེ་ངའི་ལུས་ལ་རྫོགས་བ་བྱེད་ད་ཡིན།

༡ ཐེ་ས་ལོ་ནི་ཀེ་པ། 2:8

འེ་ཀྱ་ཡིས་ཁྱེད་ཀྱ་ལ་དམི་ཅིག་གི་བརྩེ་བ་བྱས་རེ། ཁྱེད་ཀྱ་ལ་དཀོན་མཆོག་གི་གཏམ་བཟང་གཅིག་ཀ་མིན་ད། རང་གི་སྲོག་གོའང་སྦྱིན་པ་བཏང་ཡས་ལ་གྲ་སྒྲིག་བྱུང་བའི། གི་བྱས་རེ་སྨྲ་ན་ཁྱེད་ཀྱ་འི་ཀི་གཅེས་བའི་སྤུན་བྱུང་བ་ལགས།

༢ ཏི་མོ་ཐེའུ། 4:6

ང་ནི་གསེར་སྐྱེམས་འབུལ་ཡས་ལ་འབུལ་རིན་ཏེ། ང་འདའ་ཡས་ཀྱི་དུས་བབ་ཚར་འདུག།

༡ པེ་ཏྲོ། 2:5

དཀོན་མཆོག་གིས་ཁྱེད་ཀྱ་ལའང་རྡོ་གསོན་པོ་ཀྱ་ཅོག་རེ་ཐུགས་ཉིད་ཀྱི་ཕོ་བྲང་རྩིག་ཡས་ལ་བེད་སྤྱོད་མཛད་དུ་ཆུག། དེ་ནས་ཁྱེད་ཀྱ་དམ་པའི་མཆོད་དཔོན་བྱུང་རེ་མཱ་ཤི་ཀ་ཡེ་ཤུའི་བརྒྱུད་ནས། དཀོན་མཆོག་ལ་ཐུགས་མཉེས་བོ་བྱུང་གིན་སེམས་ཉིད་ཀྱི་མཆོད་པ་ཁྱེད་ཀྱ་ཡིས་ཕུལ།

༡ ཡོ་ཧ་ནན། 3:16

ཡེ་ཤུ་མཱ་ཤི་ཀ་ཡིས་རང་གི་སྐུ་སྲོག་འོ་རི་ཕྱིར་ལ་བློས་བཏང་ང་མཛད་པ་ལགས། འདིའི་སྒོ་ནས་རང་བྱམས་པ་གི་ཡིན་གྱིན་གོ་འོ་རིས་ཤེས་ལ་ལགས། དེ་ནས་འོ་རང་ཀྱ་གིས་འང་རང་གི་སྤུན་ཀྱ་ཡི་ཕྱིར་ལ་རང་གི་སྲོག་བློས་བཏང་དགོས།