ཕི་ལིབ་པཱི་པ། 1:23 - གློ་བ།

²³ ང་འདི་གཉིས་བོའི་ཁོག་ཏུ་ཆུད་དེ་བསྡད་འོད། ང་འདི་འཇིག་རྟེན་ནས་འདའ་རེ་མཱ་ཤི་ཀ་མུ་ལ་འབྱུང་ཡས་གོ་ངའི་འདོད་པ་འོད། གི་བྱས་རེ་སྨྲ་ན་དེ་དམི་ཅིག་གི་དགའ་འདུག།

ཕི་ལིབ་པཱི་པ། 1:23 Cross References

ལུ་ཀ། 12:50

ང་ཁྲུས་གསོལ་གཅིག་ལེན་དགོས་ཡས་འོད། འོ་དེ་ཁྲུས་གསོལ་མ་འགྲུབ་ཐུག་པའི་ང་ལ་དམི་ཅིག་གི་མྱངས་ཆེ་འདུག།

ལུ་ཀ། 23:43

ཁོང་པ་ཡིས་ཁོ་ལ་གསུངས་བ་ལགས། ང་དངོས་གནས་སྨྲ་ཡིན། དི་རིང་རང་ཁྱོད་ངའི་མུ་ལ་ནམ་མཁའི་ཞིང་ཁམས་དུ་འོང་གི་ལགས།

ལུ་ཀ། 8:38

ཡིན་ནའང་འདྲེ་ཐོན་ཐ་མི་ཡིས་ཁོང་པ་མུ་ལ་འགྲོ་ཡས་ལ་ཞུ་བ་ཕུལ་བ་ལགས། ཡིན་ནའང་ཡེ་ཤུ་ཡིས་འོ་དེ་ལ་འདི་གསུངས་རེ་བསློགས་མཛད་པ་ལགས།

ཡོ་ཧ་ནན། 12:26

སུས་ང་ལ་ཞབས་ཏོག་ཞུས། འོ་དེས་ངའི་གཤམ་ལ་འབྲང་དགོས་གུ་ལགས། དེ་ནས་ང་ག་རུ་འོད་ས་རུ་ངའི་ཞབས་ཕྱི་གོའང་ཡོང་གི་ལགས། སུས་ང་ལ་ཞབས་ཏོག་ཞུ་ན། འོ་དེ་ལ་ཡབ་ཀྱིས་བཀུར་སྟི་མཛད་ཀྱི་ལགས།

ཡོ་ཧ་ནན། 13:1

པེ་སག་གི་དུས་ཆེན་ཨེན་ལ་ཡེ་ཤུ་འཇིག་རྟེན་འདི་ནས་ཡབ་ཀྱི་དྲུང་དུ་ཕེབས་དགོས་ཡས་དུས་བབ་ཀྱིན་གོ་ཁོང་པ་ཡིས་མཁྱེན་པ་ལགས། དེ་ནས་འཇིག་རྟེན་དུ་འོད་མཁན་རང་གི་གཤམ་ལ་འབྲང་མཁན་ཀྱ་ལ། ཁོང་པ་ཡིས་བྱམས་པ་མཛད་དེ་མཐའ་མའི་དུས་ཐུག་པའི་ཁོང་གིས་བྱམས་པ་མཛད་པ་ལགས།

ཡོ་ཧ་ནན། 14:3

དེ་ནས་ང་སོང་རེ་ཁྱེད་ཀྱི་ཕྱིར་ལ་བསྡད་ས་གྲ་སྒྲིག་བྱས་ཚར་ཏེ། ང་ལྡབ་ལེ་འོང་ཡས་ཡིན། དེ་ནས་ཁྱེད་ཀྱ་ལ་ང་འོད་ས་རུ་འཁྲིད་དེ་འགྲོ་ཡས་ཡིན། དེ་ནས་ང་གི་རུ་འོད་ས་རུ་ཁྱེད་ཀྱའང་འོང་གི་ལགས།

ཡོ་ཧ་ནན། 17:24

ཀྱེ་ཡབ། ཁྱེད་རང་གིས་ང་ལ་གནང་ན་གི་རི་ང་ག་རུ་འོད་ས་རུ་ངའི་མུ་ལ་འོད་མཁན་དང་། ངས་གཟི་བརྗིད་མཐོང་གི་གོ་ང་འདོད་འདིག་འོད། འདི་གཟི་བརྗིད་དེ་འཇིག་རྟེན་མ་བཀོད་ཨེན་ལ་ཁྱེད་རང་གིས་ང་ལ་བྱམས་པ་མཛད་དེ་གནང་བ་ཡིན།

མཛད་པ། 7:59

ཁོང་ཀྱ་ཡིས་སེ་ཏེ་ཕཱན་ལ་རྡོ་གོང་བཞུས་རི་གང་ལ་ཁོས་སྨོན་ལམ་བརྒྱབ་པ་ལགས། གཙོ་བོ་ཡེ་ཤུ། ངའི་སེམས་ཉིད་སྣུམ་མ་མཛད།

༢ ཀོ་རིན་ཐུ་པ། 5:8

འེ་ཀྱ་ལ་ཡིད་ཆེས་བརྟན་པོ་འོད། དེ་ནས་ལུས་ནས་ཁ་བྲལ་རེ་གཙོ་བོ་མུ་ལ་གནས་ཡས་གོ་འེ་ཀྱ་འདོད་འདིག་འོད།

༢ ཀོ་རིན་ཐུ་པ། 6:12

ཁྱེད་ཀྱ་ཡི་ཆེད་དུ་འི་ཀི་བྱམས་པ་ནི་ཉུང་དུ་མ་བཏང་འོད། ཡོལ་ལེ་འེ་ཀྱ་ཡི་ཆེད་དུ་ཁྱེད་ཀྱི་བྱམས་པ་གོ་ཉུང་དུ་སོང་འདུག།

ཕི་ལིབ་པཱི་པ། 1:24

ཡིན་ནའང་ཁྱེད་ཀྱ་ཡི་ཆེད་དུ་ང་ལུས་ལ་བསྡད་དགོས་ཡས་གོ་ཡོལ་ལེ་གལ་ཆེ་འདུག།

༡ ཐེ་ས་ལོ་ནི་ཀེ་པ། 2:1

སྤུན་ཟླ་ཀྱ་བོ། ཁྱེད་ཀྱ་མུ་ལ་འི་ཀི་ཐུག་འཕྲད་ཆོ་མེད་ཀྱིན་མ་བྱུང་སོང་སྨྲས་རེ་ཁྱེད་ཀྱ་ལ་ཆ་འོད་ད་ལགས།

༡ ཐེ་ས་ལོ་ནི་ཀེ་པ། 2:13

འེ་ཀྱ་ནས་གོ་གིན་དཀོན་མཆོག་གི་བཀའ་དེ་ཁྱེད་ཀྱ་ཡིས་འོ་དེ་ལ་མིའི་བཀའ་ཅོག་རེ་མིན་ད། དཀོན་མཆོག་རང་གི་བཀའ་སྨྲས་རེ་ཁས་ལེན་པ་ལགས། དེ་ནས་ཁྱེད་དད་པ་བྱེད་མཁན་ཀྱ་ཡི་ཁོག་ཏུ་དཀོན་མཆོག་གི་ཕྱག་ལས་གྲུབ་ཀྱིན་གོ་ལ། འེ་ཀྱ་མེད་ཆད་ད་དཀོན་མཆོག་ལ་ཐུགས་རྗེ་ཆེ་འབུལ་ལི་འོད།

༡ ཐེ་ས་ལོ་ནི་ཀེ་པ། 4:17

དེ་ནས་འོ་རང་གསོན་པོ་འོད་མཁན་དང་། ལས་མཁན་ཀྱ་གཙོ་བོ་ལ་གནམ་ལ་མཇལ་ཡས་ལ། ཁོང་ཀྱ་མུ་ལ་སྲིང་གི་ནང་དུ་འཁྲིད་མཛད་ཀྱི་ལགས། དེ་ནས་འོ་རང་ཀྱ་གཙོ་བོ་མུ་ལ་ཙོག་བའི་གནས་ཀྱི་ལགས།

༢ ཏི་མོ་ཐེའུ། 4:6

ང་ནི་གསེར་སྐྱེམས་འབུལ་ཡས་ལ་འབུལ་རིན་ཏེ། ང་འདའ་ཡས་ཀྱི་དུས་བབ་ཚར་འདུག།

མངོན་པ། 14:13

དེ་ནས་ནམ་མཁའི་ཞིང་ཁམས་ནས་དེ་རེ་གསུང་སྐད་གཅིག་ངས་གོ་སོང་། དེ་རེ་བྲིས། ད་དེ་ནས་ཧ་ལ་གཙོ་བོ་ལ་དད་པ་བྱས་རེ་གྲོངས་མཁན་ཀྱ་བྱིན་རླབས་ཆེ་ལགས། དེ་ནས་དམ་པའི་ཐུགས་ཉིད་ཀྱིས་གསུངས་ང་ལགས། ལགས། ཁོང་ཀྱ་རང་གི་དཀའ་ལས་ནས་ངལ་གསོ་གི་ལགས། གི་བྱས་རེ་སྨྲ་ན་ཁོང་ཀྱ་ཡི་ལས་ཀའི་བྱ་དགའ་ཁོང་ཀྱ་ལ་གནང་གི་ལགས།